ଟାଇଟ କର୍ଫ୍ୟୁ ବେଳେ ଯୁବକ କୁ ଗୋଡ଼ାଇ ଗୋଡ଼ାଇ ହାଣିଲେ ।

ଭୁବନେଶ୍ୱର:ଟାଇଟ କର୍ଫ୍ୟୁର ମାତ୍ର କିଛି  ପୂର୍ବରୁ ରାଜଧାନୀରେ ଜଣେ ଯୁବକଙ୍କୁ ବିଚ ରାସ୍ତା ମରଣାନ୍ତକ ଆକ୍ରମଣ ହୋଇଛି । ବବୁଲ ସାମନ୍ତରାୟ ନାମକ ଜଣେ ଯୁବକଙ୍କୁ ସଂଘବଦ୍ଧ ଆକ୍ରମଣ କରାଯାଇଛି । ଦୁର୍ବୃତଙ୍କ ଆକ୍ରମଣରେ ବବୁଲ ଗୁରୁତର ଆହତ ହୋଇଥିବା ଜଣାପଡିଛି । ତାଙ୍କୁ ଉଦ୍ଧାର କରି ପୋଲିସ ହସପିଟାଲରେ ଭର୍ତି କରିବା ସହ ଘଟଣାର ତଦନ୍ତ ଆରମ୍ଭ କରିଛି । ନୂଆପଲ୍ଲୀ ବେହେରା ସାହିର ସଦାଶିବ ସାମନ୍ତରାୟଙ୍କ ପୁଅ ବବୁଲ୍ ସାମନ୍ତରାୟ(୩୬) ଆଜି ସନ୍ଧ୍ୟାରେ କଳିଙ୍ଗ ଷ୍ଟାଡିୟମ ଛକରେ ବସି ଚା’ ପିଉଥିଲେ । ଏହି ସମୟରେ କିଛି ଯୁବକ ସେଠାକୁ ଆସି ତାଙ୍କୁ ଅଚାନକ ଖଣ୍ଡାରେ ଆକମ୍ରଣ କରିଥିଲେ । ଫଳରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଖବରପାଇ ନୟାପଲ୍ଲୀ ଥାନା ପୁଲିସ ଘଟଣାସ୍ଥଳରେ ପହଁଚି ଆହତଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି ।ତେବେ ଗତ ଗଣେଶ ପୂଜା ସମୟରୁ ଲାଗି ରହିଥିବା ଦୁଇ ଗୋଷ୍ଠୀ ମଧ୍ୟରେ ବିବାଦରୁ ଏଭଳି ଘଟିଥିବା ପୋଲିସ ସନ୍ଦେହ କରୁଛି । ତଦନ୍ତ ପରେ ଘଟଣା ସ୍ପଷ୍ଟ ହେବ ବୋଲି ପୋଲିସ କହିଛି ।

Leave a Reply

Your email address will not be published. Required fields are marked *