ଏକାମ୍ର ରେ ଅଶୋକଙ୍କ ପରିବାର ସମ୍ପର୍କ ଅଭିଯାନ ଓ କର୍ମୀ ସମ୍ମିଳନୀ
ଭୁବନେଶ୍ୱର:ଆଜି ଭୁବନେଶ୍ୱର ଏକାମ୍ର ନିର୍ବାଚନ ମଣ୍ଡଳୀ ର ୱାର୍ଡ ନଂ ୫୬ ରେ ମନ୍ତ୍ରୀ ତଥା ବିଧାୟକ ପ୍ରାର୍ଥୀ ଅଶୋକ ଚନ୍ଦ୍ର ପଣ୍ଡା ସାଂସଦ ପ୍ରାର୍ଥୀ ମନ୍ମଥ ରାଉତରାୟ,ମେୟର ସୁଲୋଚନା ଦାସ କଳ୍ପନା ଫାୟାର ଷ୍ଟେସନ ଲେବର କଲୋନୀ ଠାରୁ ବିଜୁ ଜନତା ଦଳର ପରିବାର ସମ୍ପର୍କ ଅଭିଯାନ, ଘରେ ଘରେ ଶଙ୍ଖ କାର୍ଯ୍ୟକ୍ରମରେ ବିଜେବି ନଗର,ମାଇଁସା ଖାଲ,ବିଜୟଲକ୍ଷ୍ମୀ କଲୋନୀ, ଅଧେଇ ଖାଲ ପ୍ରଭୁତି ଅଂଚଳରେ ପଦଯାତ୍ରା ରେ ପ୍ରତ୍ୟେକ କଲୋନୀ କୁ ଯାଇ ଭୋଟ ଭିକ୍ଷା କରିଥିଲେ।ପରେ ୱାର୍ଡ ନଂ ୫୮ ର ରତ୍ନାକର ବାଗ ର ଏବଂ କେଦାର ଗୌରୀ ବିହାର ର ଅନ୍ତେବାସୀଙ୍କୁ ମଧ୍ୟ ଶ୍ରୀ ପଣ୍ଡା ଭୋଟ ଭିକ୍ଷା କରିଥିଲେ। ଶେଷରେ ୱାର୍ଡ ନଂ ୫୪ ରେ ଏକ ବିଶାଳ କର୍ମୀ ସମ୍ମିଳନୀ ରେ ଉଦବୋଧନ ଦେଇଥିଲେ।କାର୍ଯ୍ୟକ୍ରମରେ କର୍ପୋରେଟର କେ ଶାନ୍ତି,ଶିବ ପ୍ରସାଦ ବେହେରା, ମହାମାୟା ସ୍ବାଇଁ,ନୃପେଷ ନାୟକ, ଅଜିତ୍ ବେହେରା,ସନ୍ତୋଷ ସିଂ, ହୃଦୟ ବଲ୍ଲଭ ସାମନ୍ତରାୟ,ପୂର୍ବତନ କର୍ପୋରେଟର ପୁଷ୍ପା ଦାସ ପ୍ରମୁଖ ଉପସ୍ଥିତ ଥିଲେ।