ହାଇସ୍କୁଲ ରୂପାନ୍ତରିକରଣକୁ ସ୍ୱାଗତ, ବିଷୟ ଭିତିକ ଶିକ୍ଷକ ନିଯୁକ୍ତି ସହ ପ୍ରାଇମେରୀ ସ୍କୁଲ ଗୁଡିକୁ ରୂପାନ୍ତରଣ ତୁରନ୍ତ କରିବାକୁ ଓଡିଶା ଅଭିଭାବକ ମହାସଂଘର ଦାବୀ

ଭୁବନେଶ୍ୱର ତା 13ରିଖ l ରାଜ୍ୟରେ ସମୁଦାୟ 8681 ହାଇ ସ୍କୁଲ ରୂପାନ୍ତରିକରଣ ହୋଇଛି l ସ୍କୁଲ ଗୃହ, ସ୍ମାର୍ଟ କ୍ଲାସ ରୁମ, ଟଏଲେଟ, ଲାବୋରା୍ଟୋରୀ, କମ୍ପୁଟର ଲାବ ଆଦି ନିର୍ମାଣ ହୋଇଛି l ପିଲାଙ୍କୁ ଗୁଣାତ୍ମକ ଶିକ୍ଷା ପ୍ରଦାନ କ୍ଷେତ୍ରରେ ଏହା ନିଶ୍ଚିତ ସହାୟକ ହେବ l ପ୍ରାଇଭେଟ ସ୍କୁଲ ଭଳି ସରକାରୀ ସ୍କୁଲରେ ମଧ୍ୟ ପିଲା ଅତ୍ୟାଧୁନିକ ସୁବିଧା ସହ ଗୁଣାତ୍ମକ ଶିକ୍ଷା ପାଇପାରିବେ l ଏହି ପଦକ୍ଷେପକୁ ଓଡିଶା ଅଭିଭାବକ ମହାସଂଘ ସ୍ୱାଗତ କରିଛି l ଗ୍ରାମାଞ୍ଚଳରେ ପିଲାମାନେ ଏହି ସୁବିଧା ଶିକ୍ଷା କ୍ଷେତ୍ରରେ ଏକ ଭଲ ପରିବେଶ ସୃଷ୍ଟି କରିପାରିଛି ବୋଲି ସଭାପତି ବାସୁଦେବ ଭଟ୍ଟ କହିଛନ୍ତି l ଉଚ୍ଚ ବିଦ୍ୟାଳୟ ରୂପାନ୍ତରିକରଣ ପରେ ପ୍ରାୟ 48500 ପ୍ରାଥମିକ ବିଦ୍ୟାଳୟ ପାଇଁ ମୋଟା ବଜେଟ ଆବଶ୍ୟକ l ଏବେ ଏହାର ବିଚାର ତୁରନ୍ତ କରିବାକୁ ପଡିବ l ଓଡ଼ିଶାରେ ଆଜିବି ଗଣିତ, ଇଂରାଜୀ, ବିଜ୍ଞାନ ଓ କମ୍ପୁଟର ପାଠ୍ୟକ୍ରମ ଆଦି ବିଭିନ୍ନ ବିଭାଗରେ ଅନେକ ଶିକ୍ଷକ ପଦବୀ ଖାଲି ରହିଛି l ବହୁତ ଶିକ୍ଷକ ନିଯୁକ୍ତି ପାଇଛନ୍ତି, ଏହା ନିଶ୍ଚୟ ଏକ ଉତ୍ତମ ପଦକ୍ଷପ l ଫଳ ସ୍ୱରୂପ ଶିକ୍ଷାଦାନରେ ଯେଉଁ ବାଧା ଉପୁଜୁଛି ଏହାକୁ ଦୂର କରାଯାଇପାରିବ l ତେଣୁ ବିଭାଗ ଭିତିକ ଶିକ୍ଷକ ପଦବୀ ତୁରନ୍ତ ପୂରଣ କରିବା ଆବଶ୍ୟକ l ଯେହେତୁ ପିଲାଟି ପ୍ରାଥମିକ ସ୍ତରରୁ ହିଁ ତାର ବୁଦ୍ଧିରେ ବିକାଶ ହେବା ନିହାତି ଆବଶ୍ୟକ l ତେଣୁ ଆଜିର ପ୍ରତିଯୋଗିତା ଭିତ୍ତିକ ଶିକ୍ଷା ଯୁଗରେ ଆମେ ପ୍ରାଥମିକ ସ୍ତରରୁ ହିଁ ପିଲାଙ୍କୁ ସରକାରୀ ସ୍କୁଲ ରେ ଏହି ସୁବିଧା ଯୋଗାଇଦେବା ଆବଶ୍ୟକ l ପ୍ରାଇମେରୀ ସ୍କୁଲ ରୂପାନ୍ତରିକରଣ ନିହାତି ଆବଶ୍ୟକ ବୋଲି କାର୍ଯ୍ୟକାରୀ ସଭାପତି ପ୍ରସନ୍ନ ବିଷୋୟୀ କହିଛନ୍ତି l ଆମ ରାଜ୍ୟରେ ସରକାରୀ ପ୍ରାଥମିକ ସ୍କୁଲରେ ପଢ଼ୁଥିବା ପିଲାମାନେ ଯଦି ଆଧୁନିକ ପ୍ରଣାଳୀରେ ଓ ସ୍ମାର୍ଟ କ୍ଲାସ ରୁମରେ ଗୁଣାତ୍ମକ ଶିକ୍ଷପ୍ରାପ୍ତି ସହ ପାଠ ପଢିବେ ତେବେ ସର୍ବଭାରତୀୟ ସ୍ତରରେ ସେମାନେ ସମ ପରିମାଣରେ ଉପଯୁକ୍ତ ହୋଇ ପାରିବେ l ତେଣୁ ପ୍ରାଥମିକ ସ୍କୁଲ ମଧ୍ୟ ରୂପାନ୍ତରିକରଣ ଯୋଜନାରେ ସାମିଲ କରି ତା ପାଇଁ ବଜେଟ ବ୍ୟବସ୍ଥା କରି କାର୍ଯ୍ୟକ୍ରମ ତ୍ୱରିତ ଭିତ୍ତିରେ କରିବାକୁ ମହାସଂଘ ଦାବୀ ଜଣାଇଛି l ସରକାର ମେଡିକାଲ ଓ ଇଞ୍ଜିନିଅରିଂ ରେ 15% ସିଟ ସରକାରୀ ସ୍କୁଲ ପିଲାଙ୍କୁ ସଂରକ୍ଷଣ ପାଇଁ ବ୍ୟବସ୍ଥା ସ୍ୱାଗତଯୋଗ୍ୟ l ହେଲେ ଆମକୁ ପିଲାଙ୍କୁ ମଧ୍ୟ ଅତ୍ୟାଧୁନିକ ଓ ଯୁଗୋପଯୋଗୀ ଶିକ୍ଷା ପ୍ରଦାନ କରିବା ନିତ୍ୟାନ୍ତ ଆବଶ୍ୟକ ତାହେଲେ ଆମ ପିଲା ମଧ୍ୟ ସର୍ବଭାରତୀୟ ସ୍ତରରେ ସମକକ୍ଷ ସହ ପ୍ରତିଯୋଗିତା କରି ପାରିବେ l