ବର୍ଜ୍ୟବସ୍ତୁରୁ ତିଆରି ରାକ୍ଷୀ ବାନ୍ଧି ଦେଲେ ବୃକ୍ଷ ସୁରକ୍ଷା ସଚେତନତାର ବାର୍ତ୍ତା

ଭୁବନେଶ୍ୱର : ବ୍ୟବହୃତ ହୋଇସାରିଥିବା ପେପର କାର୍ଟୁନ, ସୁତା, ଅନାବନା ଟୁକୁଡା ଅଦରକାରୀ ଜିନିଷକୁ ବ୍ୟବହାର କରି ପ୍ରସ୍ତୁତ ହୋଇଥିଲା ସୁନ୍ଦର ରାକ୍ଷୀ | ଆଉ ଗଛରେ ଏହି ରାକ୍ଷୀ ବାନ୍ଧି ଲୋକଙ୍କୁ କରାଯାଇଥିଲା ସଚେତନ | ଏଭଳି ଏକ ନିଆରା ପଦକ୍ଷେପ ନେଇ ଶାନ୍ତି ଫାଉଣ୍ଡେସନ ପକ୍ଷରୁ ପାଳନ କରାଯାଇଥିଲା ରକ୍ଷା ବନ୍ଧନ | ଭଣ୍ଡାରୀପୋଖରୀ ବିଧାୟକ ପ୍ରଫୁଲ୍ଲ ସାମଲଙ୍କ ସରକାରୀ ବାସଭବନ ପରିସରରେ ଅନୁଷ୍ଠାନର କର୍ମକର୍ତ୍ତାମାନେ ଗଛରେ ରାକ୍ଷୀ ବାନ୍ଧିବା ସହ ଗଛ ଲଗେଇବା ଓ ସୁରକ୍ଷା କରିବା ଉପରେ ସାଧାରଣ ଲୋକଙ୍କୁ ସଚେତନ କରାଇଥିଲେ | ଶାନ୍ତି ଫାଉଣ୍ଡେସନର ଏଭଳି କାମକୁ ବିଧାୟକ ଶ୍ରୀଯୁକ୍ତ ସାମଲ ଉପସ୍ଥିତ ରହି ପ୍ରଶଂସା କରିବା ସହ ଗାଁକୁ ମଧ୍ୟ ଏଭଳି କାର୍ଯ୍ୟକ୍ରମ କରିବା ନେଇ ପରାମର୍ଶ ଦେଇଥିଲେ | ଅନୁଷ୍ଠାନର ମୁଖ୍ୟ ସଞ୍ଜୟ ପରିଡାଙ୍କ କହିବା କଥା, ଆଗକୁ ଭୁବନେଶ୍ୱରର ସମସ୍ତ ସରକାରୀ କ୍ୱାର୍ଟରରେ ଚାରାରୋପଣ ଭଳି କାର୍ଯ୍ୟକ୍ରମ କରାଯିବା ସହ ସେହି ଚାରାର ଯତ୍ନ ନେବା ପାଇଁ ସେଠାରେ ରହୁଥିବା ଲୋକଙ୍କୁ ଅନୁରୋଧ କରାଯିବ | ଆଜି ଏହି କାର୍ଯ୍ୟକ୍ରମରେ ଅନୁଷ୍ଠାନର ସଦସ୍ୟଙ୍କ ସସ୍ମିତା ପାହାଡ଼ ସିଂ, ପ୍ରକାଶ, ଏବଂ ମିଳନ ସହ ସ୍ଥାନୀୟ ସମାଜସେବୀ ମାନି ପଣ୍ଡା,______ପ୍ରମୁଖ ଉପସ୍ଥିତ ଥିଲେ |