ଭୁବନେଶ୍ୱର:କ୍ୟାପିଟାଲ ଥାନା ପୁଲିସ ଉପରୋକ୍ତ ମାମଲାର ତଦନ୍ତ କରିବା ସହ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।
ସୂଚନାଯୋଗ୍ୟ ଯେ, କ୍ୟାପିଟାଲ ଥାନା ପୁଲିସ ଥାନା କେସ ନଂ ୪୩୬/୨୦୨୩ ର ତଦନ୍ତ କରି ଗତ କାଲି ୪ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଛନ୍ତି । ଅଭିଯୁକ୍ତ ମାନଙ୍କୁ ତଦନ୍ତ କରି ସେମାନଙ୍କ ତଥ୍ୟ ଆଧାରରେ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରିଥିଲେ । ପଚରା ଉଚରା ବେଳେ ଅଭିଯୁକ୍ତ ନିଜର ଅପରାଧ ସ୍ଵୀକାର କରିଥିଲେ।
ଘଟଣାକ୍ରମେ, ନିମ୍ନୋକ୍ତ ଅଭିଯୁକ୍ତଙ୍କର ମଧୁସୂଦନ ନଗରରେ ମା ଆର୍ଟସ ନାମକ ଏକ ଷ୍ଟିକର ଦୋକାନ ଅଛି । ନିମ୍ନୋକ୍ତ ଅଭିଯୁକ୍ତ ଜଣେ ରମେଶ ପୃଷ୍ଠି ନାମକ ଅଭିଯୁକ୍ତଙ୍କର ଅର୍ଡର ଅନୁଯାୟୀ ଚୋରି ମୋଟରସାଇକେଲ ପାଇଁ ନକଲି ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ୍, ପଞ୍ଜୀକରଣ ପ୍ରମାଣପତ୍ର ଏବଂ ସ୍ମାର୍ଟ କାର୍ଡ ତିଆରି କରୁଥିଲେ । ଯାହାଫଳରେ ଚୋରି ହୋଇଥିବା ବାଇକ୍ ଅଧିକ ମୂଲ୍ୟରେ କନ୍ଧମାଳ ଏବଂ ନୟାଗଡ ଜିଲ୍ଲାର ବିଭିନ୍ନ ଆଭ୍ୟନ୍ତରୀଣ ଅଞ୍ଚଳରେ ବିକ୍ରୟ ହୋଇପାରିବ । ଅଧିକ ତଦନ୍ତ ବେଳେ ନିମ୍ନୋକ୍ତ ଅଭିଯୁକ୍ତ ଜାଣିଶୁଣି ସେହି ଜାଲ୍ ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ୍, ପଞ୍ଜୀକରଣ ପ୍ରମାଣପତ୍ର ଏବଂ ସ୍ମାର୍ଟ କାର୍ଡ ଲୋକଙ୍କୁ ଠକିବା ଏବଂ ଚୋରି ବାଇକ୍ ବିକ୍ରୟ କରିବା ପାଇଁ ତିଆରି କରିଥିବା ଦର୍ଶାଇଥିଲେ । ପୁଲିସ ଅଭିଯୁକ୍ତଙ୍କର ଦୋକାନ ତଲାସି ବେଳେ ସେଠାରୁ କିଛି ଜାଲି ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ, କିଛି ହୋଲୋଗ୍ରାମ, ଏବଂ ହାଇ ସିକ୍ୟୁରିଟି ରେଜିଷ୍ଟ୍ରେସନ୍ ପ୍ଲେଟ ତିଆରି ମେଶିନ ଜବତ କରାଯାଇଥିଲା ।ବର୍ତ୍ତମାନ ଏହି ମାମଲାର ଅଧିକ ତଦନ୍ତ ଚାଲୁ ରହିଛି ।