କଂଗ୍ରେସ ସେବାଦଳ ପକ୍ଷରୁ ବଳରାମ ସିଂ ଭାଦୁରିଆଙ୍କୁ

ଗାନ୍ଧୀ ଗୌରବ ସମ୍ମାନ ପ୍ରଦାନ କରାଯିବ

ଭୁବନେଶ୍ୱର ତା. ୧୨.୯- ଓଡ଼ିଶା ପ୍ରଦେଶ କଂଗ୍ରେସ ସେବାଦଳ ପକ୍ଷରୁ
ପୂର୍ବବର୍ଷ ମାନଙ୍କ ପରି ଓଡ଼ିଶାର ବରିଷ୍ଠ ସ୍ୱାଧୀନତା ସଂଗ୍ରାମୀ ତଥା
ପୂର୍ବତନ ମନ୍ତ୍ରୀ ସ୍ୱର୍ଗତ ଦୋଳ ଗୋବିନ୍ଦ ପ୍ରଧାନଙ୍କ ସ୍ମୃତିରେ,
ଭାରତବର୍ଷରେ କଂଗ୍ରେସ ସେବାଦଳ ଓ ଗାନ୍ଧୀ ବିଚାରଧାରାର ପ୍ରଚାର
ପ୍ରସାର କରୁଥିବା ବିଶିଷ୍ଟ ସମାଜସେବୀ ଶ୍ରୀ ବଳରାମ ସିଂ
ଭାଦୁରିଆଙ୍କୁ ଚଳିତ ବର୍ଷର ଗାନ୍ଧୀ ଗୌରବ ସମ୍ମାନ-୨୦୨୩, ଆସନ୍ତା
ତା. ୧୬.୦୯.୨୦୨୩ ରିଖ ଶନିବାର ପୂର୍ବାହ୍ନ ୧୦ ଘଂଟା ସମୟରେ ପ୍ରଦେଶ
କଂଗ୍ରେସ କାର୍ଯ୍ୟାଳୟ କଂଗ୍ରେସ ଭବନଠାରେ, ବରିଷ୍ଠ କଂଗ୍ରେସ ନେତା
ତଥା ପୂର୍ବତନ ପ୍ରଦେଶ କଂଗ୍ରେସ ସଭାପତି ଓ ପୂର୍ବତନ କେନ୍ଦ୍ର ମନ୍ତ୍ରୀ ଶ୍ରୀ
କାହ୍ନୁ ଚରଣ ଲେଙ୍କା ପ୍ରଦାନ କରିବେ ବୋଲି ଏକ ପ୍ରେସ ବିଜ୍ଞପ୍ତିରେ
ପ୍ରଦେଶ କଂଗ୍ରେସ ସେବାଦଳର ଅଧ୍ୟକ୍ଷ ଡ. ଆର୍ଯ୍ୟ କୁମାର ଜ୍ଞାନେନ୍ଦ୍ର
ଜଣାଇଛନ୍ତି ।
ଡ. ଜ୍ଞାନେନ୍ଦ୍ର ଆହୁରି କହିଛନ୍ତି ଯେ ଏହି କାର୍ଯ୍ୟକ୍ରମରେ
ଓଡ଼ିଶାର ବିଭିନ୍ନ ଜିଲ୍ଲାରେ କଂଗ୍ରେସ ସେବାଦଳର କାର୍ଯ୍ୟକ୍ରମକୁ
ଆଗକୁ ନେଉଥିବା ୧୦୦ ଜଣ ସେବାଦଳ କର୍ମକର୍ତାଙ୍କୁ ଶ୍ରୀ ଲେଙ୍କା
ପ୍ରମାଣପତ୍ର ସହ ସମ୍ମାନୀତ କରିବେ । ଏହି କାର୍ଯ୍ୟକ୍ରମରେ ବରିଷ୍ଠ
କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ଶ୍ରୀ ପଂଚାନନ କାନୁନଗୋ
ସମ୍ମାନୀତ ଅତିଥି ଓ ପ୍ରଫେସର ଡ. ବୁଦ୍ଧଦେବ ମିଶ୍ର ମୁଖ୍ୟ ବକ୍ତାଭାବେ
ଯୋଗଦେବେ ।