ଭୁବନେଶ୍ୱରରେ ମାତିଛନ୍ତି ଲୁଟେରା, ବାଇକ ରେ  ଆସି ଆଖି ପିଛୁଳାକେ ଝାମ୍ପି ନେଉଛନ୍ତି ସୁନାଚେନ

ଭୁବନେଶ୍ୱର:୦୨.୦୭ ରାଜଧାନୀ ଭୁବନେଶ୍ୱରରେ ଆତଙ୍କ ରଚୁଛନ୍ତି ସୁନାଚେନ ଲୁଟେରା । ବାଇକରେ ଆସି ଆଖି ପିଛୁଳାକେ ଝାମ୍ପି ନେଉଛନ୍ତି ସୁନାଚେନ । ଲୁଟ୍‌‌ର ଶିକାର ହୋଇଥିବା ମହିଳା ହେଲେ ଅହଲ୍ୟା ତ୍ରିପାଠୀ। ସେ ପରିବା ନେଇ ଘରକୁ ଫେରୁଥିବା ବେଳେ ତାଙ୍କ ବେକରୁ ସୁନାଚେନ୍‌‌ ଲୁଟ୍‌‌ ହୋଇଛି। ୨ଜଣ ଯୁବକ ଏକ ବାଇକରେ ଆସି ମହିଳାଙ୍କ ବେକରୁ ସୁନାଚେନ୍‌‌ ଲୁଟି ନେଇଥିଲେ। ସିସିଟିଭିରେ ଦୃଶ୍ୟ କଏଦ୍‌‌ ହୋଇଛି। ଏନେଇ ମହିଳା ଇନ୍‌‌ଫୋସିଟି ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁକରି ତଦନ୍ତ କରୁଛି। ସମାନ ଷ୍ଟାଇଲରେ ବାଣୀବିହାର ଛକରେ ବାଇକରେ ଆସି ଦୁଇ ଦୁର୍ବୃତ ଦ୍ରୁତ ଗତିରେ ଆସି ରାସ୍ତାରେ ଯାଉଥିବା ଜଣେ ଯୁବତୀଙ୍କ ବେକରୁ ଚେନ ଛିଣ୍ଡାଇ ଚମ୍ପଟ ମାରିଛନ୍ତି । ଏହି ଦୁଇଟି ଲୁଟ ଘଟଣା ଘଟିଛି ସନ୍ଧ୍ୟା ସମୟରେ । ଯେଉଁ ସମୟରେ ଲୋକେ ଯିବା ଆସିବା କରୁଥିଲେ । ସମସ୍ତଙ୍କ ସାମ୍ନାରେ ନିର୍ଭୟରେ ଗହଣା ଲୁଟ କରି ଲୁଟେରା ଖସିଯାଉଛନ୍ତି ।ପୋଲିସ ଚୁପ କାହିଁକି ବୋଲି ସାଧାରଣ ଲୋକ କହୁଚଥି।