ନିର୍ବାଚନ ରେ ଦିବ୍ୟାଙ୍ଗ ମାନଙ୍କ ପୂର୍ଣ୍ଣ ସହଭାଗିତା ପାଇଁ ସଚେତନତା ଅଭିଯାନ।

ଭୁବନେଶ୍ୱର:ସ୍ବାଭିମାନ ଏବଂ ଓଡିଶା ରାଜ୍ୟ disAbility ନେଟୱାର୍କ ର ମିଳିତ ପ୍ରୟାସ ରେ ଭୁବନେଶ୍ୱର ଠାରେ ଅନେକ ଛୋଟ ବଡ଼ ସଚେତନମୂଳକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି। ଏହି ଚର୍ଚ୍ଚା ମାନ କେତେବେଳେ ସନ୍ଧ୍ୟାକାଳିନ ଚା ର ଆସର ତ କେତେବେଳେ ଶିକ୍ଷାନୁଷ୍ଠାନର ବିରତି ସମୟ ତ ପୁଣି କେତେବେଳେ ଦିବ୍ୟାଙ୍ଗ ମାନେ କାର୍ଯ୍ୟରତ ଥିବା ଶିଳ୍ପାନୁଷ୍ଠାନ ମାନଙ୍କ ରେ ସଂଗଠିତ ହୋଇଯାଇଅଛି। ବିଭିନ୍ନ ବର୍ଗ, ଭିନ୍ନକ୍ଷମତା, ବୟସ, ଶିକ୍ଷାଗତ ଯୋଗ୍ୟତା ତଥା ସାମାଜିକ ସ୍ଥିତି ନିର୍ବିଶେଷରେ ଭିନ୍ନକ୍ଷମତାଯୁକ୍ତ ଛାତ୍ର ଛାତ୍ରୀ, ସେମାନଙ୍କ ର ଅଭିଭାବକ, କର୍ମଚାରୀ ଏବଂ ସେମାନଙ୍କ ପାଇଁ କାମ କରୁଥିବା ସଂସ୍ଥା ତଥା ସମାଜ ରେ ପୃଥକ ଭାବେ ରହୁଥିବା କୁଷ୍ଠ ରୋଗ ମୁକ୍ତ ଭିନ୍ନକ୍ଷମ ବ୍ୟକ୍ତି ମାନଙ୍କ ନିକଟରେ ପହଂଚି ଗଣତାନ୍ତ୍ରିକ ପ୍ରକ୍ରିୟାରେ ସେମାନଙ୍କ ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ଆଲୋକପାତ କରାଯାଇଛି। ଏହି ଆଲୋଚନା ଗୁଡିକରେ ଦିବ୍ୟାଙ୍ଗ (PwDs) ମାନେ ଭୋଟ୍ ଦେବାର ମହତ୍ତ୍ୱ ଦର୍ଶାଯାଇଥିଲା, ଓଡିଶାର ଦିବ୍ୟାଙ୍ଗ ମାନେ ଭୋଟ୍ ଦେବା ପାଇଁ ଉପଲବ୍ଧ ସୁଗମ୍ୟ ବ୍ୟବସ୍ଥା ଯେପରିକି, ବାହନ ସୁବିଧା, ସ୍ବେଛାସେବୀ ଙ୍କ ଦ୍ଵାରା ସହଯୋଗ, ସୁଗମ୍ୟ ବୁଥ୍ ଓ ନିଜ ଘରେ ରହି ଭୋଟ ଦେଇପାରିବା ଭଳି ବ୍ୟବସ୍ଥା ଅନ୍ୟତମ । ଏସବୁ ପାଇଁ ସରକାରଙ୍କ ଦ୍ଵାରା ଜାରି କରାଯାଇଥିବା ସକ୍ଷମ ଆପ୍ ର ବ୍ୟବହାର ଓ ଏଥିରେ ପଞ୍ଜିକରଣ କରିବାର ଉପାୟ ବିଷୟରେ ସୂଚନା ଦିଆଯାଇଥିଲା। ଅନଲାଇନ ପଞ୍ଜିକରଣ ବ୍ୟତୀତ BLO ଙ୍କ ମାଧ୍ୟମରେ କିପରି ନିଜକୁ ପଞ୍ଜୀକୃତ କରାଇ ସମସ୍ତ ସୁବିଧାର ଲାଭ ଉଠାଇ ପାରିବେ ସେ ସମ୍ପର୍କରେ ସବିଶେଷ ଆଲୋଚନା କରାଯାଇଥିଲା। ନିଜକୁ ଅଂଶଗ୍ରହଣକାରୀମାନେ ଭିନ୍ନକ୍ଷମ ଭୋଟର ପଞ୍ଜୀକରଣ ପାଇଁ ସକ୍ଷମ ଆପ୍ ର କାର୍ଯ୍ୟକାରିତା ବିଷୟରେ ଅନୁସନ୍ଧାନ କରିଥିଲେ, ଯେଉଁଥିରେ ପରିବହନ ସହାୟତା, ସହାୟକ ଉପକରଣ ଏବଂ ଘର ଭୋଟ୍ ବିକଳ୍ପ ପାଇଁ ବ୍ୟବସ୍ଥା ଅନ୍ତର୍ଭୁକ୍ତ ରହିଛି | ଏହା ର ପ୍ରାଥମିକ ଉଦ୍ଦେଶ୍ୟ ଥିଲା ଭିନ୍ନକ୍ଷମ ମାନଙ୍କୁ ଆଗାମୀ ନିର୍ବାଚନ ସହ ଜଡିତ କରି ସୁଗମ୍ୟତା ବ୍ୟବସ୍ଥା ଗୁଡ଼ିକ ବିଷୟରେ ଶିକ୍ଷା ଦେବା ଏବଂ ଗଣନା କରାଯିବା ନିଶ୍ଚିତ କରିବା | ଏହି ପଦକ୍ଷେପଗୁଡିକ ଗଣତାନ୍ତ୍ରିକ ପ୍ରକ୍ରିୟାରେ ଅକ୍ଷମତା ଅନ୍ତର୍ଭୂକ୍ତିର ଗୁରୁତ୍ୱକୁ ଦର୍ଶାଇଥିଲା, ସମାଜର ସମସ୍ତ ବର୍ଗଙ୍କ ପାଇଁ ସମାନ ଅଂଶଗ୍ରହଣ ଏବଂ ପ୍ରତିନିଧିତ୍ୱ ପାଇଁ ଲକ୍ଷ୍ୟ ରଖିଥିଲା | ଉଲ୍ଲେଖଯୋଗ୍ୟ, ଏହି ଅଧିବେଶନରେ ରାମକୃଷ୍ଣ କୁଷ୍ଠ କଲୋନୀ, ଗୋଖିବାବା କୁଷ୍ଠ କଲୋନୀ, ସତ୍ୟଭାମା ଦେବୀ ଶ୍ରବଣ ହିନ ମହାବିଦ୍ୟାଳୟ, ଜଟଣୀ ରେ ଭିନ୍ନକ୍ଷମ ଙ୍କ ପାଇଁ ଥିବା ସ୍ଵତନ୍ତ୍ର ଆଇଟିଆଇ, ଓଡ଼ିଶା ଦୃଷ୍ଟିହୀନ ସଙ୍ଘ ଏବଂ ସେଞ୍ଚୁରିୟାନ ୟୁନିଭରସିଟି ସମେତ ପ୍ରାୟ ୨୫୦ ଭିନ୍ନକ୍ଷମ ଭୋଟର ଏବଂ ସେମାନଙ୍କର ଅଭିଭାବକ ଅଂଶଗ୍ରହଣ କରିଥିଲେ।