ଜୁଡ଼େଗା ବିଦ୍ୟାର୍ଥୀ, ଜିତେଗା ଇଣ୍ଡିଆ କାର୍ଯ୍ୟକ୍ରମର ଲୋଗ ଉନ୍ମୋଚନ

ଭୁବନେଶ୍ୱର ତା. ୨୯/୦୮ : ଓଡ଼ିଶା ଛାତ୍ର କଂଗ୍ରେସ ତରଫରୁ ଏକ କର୍ମଶାଳା ସହିତ ନୂତନ କାର୍ଯ୍ୟକ୍ରମ ଜୁଡ଼େଗା ବିଦ୍ୟାର୍ଥୀ, ଜିତେଗା ଇଣ୍ଡଆ ଲୋଗ ଉନ୍ନୋଚନ ହୋଇଥିଲା । ଭାରତୀୟ ଛାତ୍ର କଂଗ୍ରେସ ଏନ୍‌.ଏସ୍‌.ୟୁ.ଆଇ.ର ନିର୍ଦ୍ଦେଶ କ୍ରମେ ସମଗ୍ର ଦେଶ ତଥା ରାଜ୍ୟର ଛାତ୍ର ଛାତ୍ରୀ, ମାନଙ୍କ ସମସ୍ୟା, ଶିକ୍ଷା ବ୍ୟବସ୍ଥାରେ ସୁଧାର, ଛାତ୍ର ସଂସଦ ନିର୍ବାଚନ ଏବଂ ଅନ୍ୟାନ୍ୟ ଛାତ୍ର ସଂପର୍କିତ ସମସ୍ୟା ପ୍ରସଙ୍ଗରେ ସ୍ୱର ଉତୋଳନ ପାଇଁ କାର୍ଯ୍ୟକ୍ରମ ଯାହାର ନା “ଜୁଡ଼େଗା ବିଦ୍ୟାର୍ଥୀ, ଜିତେଗା ଇଣ୍ଡିଆ” ଅନୁଷ୍ଠିତ ହୋଇଯାଇଅଛି । ଯାହାର ମୂଳ ଉଦ୍ଦେଶ୍ୟ ଅଟେ ଯେ, ଓଡ଼ିଶାରେ ଶାସକଦଳ, କ୍ରମାଗତ ଭାବେ ଛାତ୍ର ତଥା ଯୁବକ ମାନଙ୍କ ପ୍ରତି ଅଗଣତାନ୍ତ୍ରୀକ ଉପାୟରେ ଅବହେଳା କରି ଛାତ୍ର ସଂସଦ ନିର୍ବାଚନକୁ ବିଗତ ଆଠ ବର୍ଷ ଧରି ବନ୍ଦ କରି ରଖିଛନ୍ତି । ଛାତ୍ର ମାନଙ୍କ ସ୍ୱରକୁ ଦବାଇ ରଖି ଏକଛତ୍ରବାଦ ନୀତିରେ ସମଗ୍ର ଛାତ୍ର ସମାଜକୁ ଉପେକ୍ଷିତ କରି ଆସୁଛି । ଏହା ଯୋଗୁଁ ଛାତ୍ରମାନେ ନିଜର ସମସ୍ୟା ନେଇ ପ୍ରତିବାଦ କରି ପାରୁନାହାନ୍ତି । ଛାତ୍ରମାନଙ୍କର ପ୍ରତିଭା ବା ଦକ୍ଷତା ବିକାଶ ପାଇଁ କୌଣସି କାର୍ଯ୍ୟକ୍ରମ ତଥା ଭିତିଭୂମୀ ଦିଆଯାଉନାହିଁ । ଛାତ୍ର ମାନଙ୍କର ଶିକ୍ଷାର ମାନ, କ୍ରମାଗତ ଭାବେ ଦୁର୍ବଳ ହୋଇଅଛି । ସରକାରୀ ଦଳର ଦୁର୍ନିତୀ ଏବଂ ଭ୍ରଷ୍ଟାଚାର ବିରୁଦ୍ଧରେ ଛାତ୍ରମାନଙ୍କ ସ୍ୱରକୁ ଚପାଇ ରଖି ନଜର ଏକଛତ୍ରବାଦକୁ ଜାରି ରଖିଛନ୍ତି ବିଜେଡ଼ି ସରକାର ।
କେବଳ ଶିକ୍ଷାନୁଷ୍ଠାନର ପୁନଃରୁର୍ଦ୍ଧାର ନାମରେ ରଙ୍ଗମାରି, ଠିକାଦାର ତଥା ବିଜେଡ଼ି କର୍ମିଙ୍କୁ ଫାଇଦା ପହଂଚାଇବା ପାଇଁ ୫ଟି ସଚୀବ ମାଧ୍ୟମରେ ବିଭିନ୍ନ କଲେଜ ଏବଂ ମହାବିଦ୍ୟାଳୟର ମିଛ ମରାମତି ଚାଲିଛି । ଭାରତ ବର୍ଷର ଶ୍ରେଷ୍ଠ ୧୦୦ ବିଶ୍ୱ ବିଦ୍ୟାଳୟ ମଧ୍ୟରେ ଓଡ଼ିଶାର କୌଣସି ବିଶ୍ୱବିଦ୍ୟାଳୟ ସ୍ଥାନିତ ହୋଇନାହିଁ ଓ ଶିକ୍ଷାନୁଷ୍ଠାନ ମାନଙ୍କରେ ଶିକ୍ଷକ ଏବଂ ଅଧ୍ୟାପକର ଘୋର ଅଭାବ ଦେଖାଦେଇଛି । ବିଜେଡ଼ି ଛାତ୍ର ଓ ବିଜେପିର ଛାତ୍ର ସଂଗଠନ ଏଭିବିପି ର କର୍ମକର୍ତାମାନଙ୍କ ଦ୍ୱାରା ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟ ମାନଙ୍କରେ ବିଶୃଙ୍ଖଳା ସୃଷ୍ଟି କରିବା ସହିତ ଛାତ୍ରଛାତ୍ରୀମାନଙ୍କୁ ଆକ୍ରମଣ ଦିନକୁ ଦିନ ବଢ଼ିବାରେ ଲାଗିଛି ।
ଏହି ସବୁ ପ୍ରମୁଖ ଦାବିକୁ ଉତ୍‌ଥାପନ କରିବା ପାଇଁ ରାଜ୍ୟର ସମସ୍ତ ମହାବିଦ୍ୟାଳୟ ମାନଙ୍କରେ ଆସନ୍ତା ୪ ସେପ୍ଟେମ୍ବର ରୁ “ଘଂଟ ବାଡ଼େଇ’ ପ୍ରତିବାଦ କରିବ ଛାତ୍ର କଂଗ୍ରେସ । ଆଗାମୀ ୨ ମାସ ପର୍ଯ୍ୟନ୍ତ ଚାଲିବ “ଜୁଡ଼େଗା ବିଦ୍ୟାର୍ଥୀ ଜିତେଗା ଇଣ୍ଡିଆ” କାର୍ଯ୍ୟକ୍ରମ ବୋଲି ରାଜ୍ୟ ଛାତ୍ର କଂଗ୍ରେସ ସଭାପତି ୟାସିର ନୱାଜ ସାମ୍ବାଦିକ ମାନଙ୍କ ଉତର ରଖି କହିଛନ୍ତି । ଉକ୍ତ କାର୍ଯ୍ୟକ୍ରମରେ ବରିଷ୍ଠ କଂଗ୍ରେସ ନେତା ତଥା ଜଟଣି ବିଧାୟକ ସୁରେଶ କୁମାର ରାଉତରାୟ, ଜିଲ୍ଲା ସଭାପତି ବିଶ୍ୱଜିତ୍ ଦାଶ, ସାଧାରଣ ସମ୍ପାଦକ ଶଶିକାନ୍ତ ଲେଙ୍କା, ସଙ୍କୁନା କଂଅର, ଛାତ୍ର ନେତା ସୁନିଲ ମାଟିଆ ପ୍ରମୁଖ ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମରେ ସାରା ରାଜ୍ୟରୁ ମନୋନିତ ହୋଇଥିବା ଛାତ୍ର କଂଗ୍ରେସର ନେତୃବୃନ୍ଦ ତଥା ପଦାଧିକାରୀ ମାନଙ୍କୁ ସମ୍ବର୍ଦ୍ଧନା କରାଯାଇଥିଲା । ଓଡ଼ିଶାର ବିଭିନ୍ନ କୋଣ ଅନୂକୋଣରୁ ଆସିଥିବା ୨୦୦ ରୁ ଅଧିକ ଛାତ୍ରନେତା ଏବଂ କର୍ମକର୍ତାଙ୍କୁ କାର୍ଯ୍ୟକ୍ରମକୁ ସମଗ୍ର ଶିକ୍ଷାନୁଷ୍ଠାନରେ ସଫଳ କରିବାପାଇଁ ଆହ୍ୱାନ ଦିଆଯାଇଥିଲା ।