ଭୁବନେଶ୍ୱର:ତେଲକୋଇ:ପୋଖରୀରେ ବୁଡି ଯୁବକ ମୃତ ତେଲକୋଇ,5/9-କେନ୍ଦୁଝର ଜିଲ୍ଲା ତେଲକୋଇ ଥାନା ଦେଉଳଡିହାରେ ପୋଖରୀରେ ବୁଡି ଜଣେ ଯୁବକ ମୃତ୍ୟୁବରଣ କରିଥିବା ଖବର ମିଳିଛି।ଖବର ଅନୁସାରେ ଦେଉଳଡିହା ଗ୍ରାମର ପ୍ରସନ୍ନ ପାତ୍ରଙ୍କର ପୁଅ ସୁବାସ ପାତ୍ର ଗ୍ରାମର କୁଣ୍ଢେଇ ବନ୍ଧକୁ ଆଜି ପୂର୍ବାହ୍ନ ରେ ଗାଧୋଇବାକୁ ଯାଇଥିଲେ।ଗାଧୋଇବାବେଳେ କୌଣସି କାରଣରୁ ତାଙ୍କର ଗୋଡ଼ ଖସିଯିବାରୁ ସେ ବୁଡିଯାଇଥିଲେ। କିଛି ସମୟପରେ ତାଙ୍କର ମୃତ ଦେହ ପୋଖରୀରେ ଭାସିବାରୁ ଲୋକେ ସ୍ଥାନୀୟ ପୋଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ଉଭୟ ବିଭାଗ ସେଠାରେ ପହଁଚି ମୃତ ଦେହ ଉଧାର କରିଥିଲେ। ଘଟଣାଟି ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟିକରିଛି।