ରାଜଧାନୀରେ ହୋଇଥିବା ଡେଙ୍ଗୁ ମୃତ୍ଵ କୁ ନେଇ ମେୟର ଓ କମିଶନର ଙ୍କ ନାମରେ ଏତଲା ଦେଲା ବିଜେପି।

ଭୁବନେଶ୍ୱର,ତା.୨୮/୦୭: ଡେଙ୍ଗୁ ମୃତ୍ୱ ପଛରେ ଉଭୟ ମେୟର ଓ କମିଶନର ଦାୟୀ ଅଭିଯୋଗ ଆଣି କ୍ୟାପିଟାଲ ଥାନା ରେ ଏତଲା ଦେଇଛି ବିଜେପି। ଭୁବନେଶ୍ୱର ସାଂଗଠନିକ ଜିଲ୍ଲା ବିଜେପି ପକ୍ଷରୁ ଏହି ଏତଲା ଦିଆଯାଇଛି।ବିଏମସି ର ଅପାରଗତା ଓ ଦାୟିତ୍ଵ ହୀନତା ପାଇଁ ସମଗ୍ର ରାଜଧନୀ ରେ ଡେଙ୍ଗୁ ବ୍ୟାପିବାରେ ଲାଗିଛି। ଦୈନିକ ରୋଗୀ ସଂଖ୍ୟା ବୃଦ୍ଧି ପାଉଥିବା ବେଳେ ଲୋକଙ୍କର ମୃତ୍ବ ମଧ୍ୟ ହେଉଛି। ଏଥିପାଇଁ ବିଏମସିଦାୟୀ ବୋଲି ଅଭିଯୋଗ ଆଣି ଥାନାର ଦ୍ବାରସ୍ଥ ହୋଇଛି ବିଜେପି। ତୁରନ୍ତ ମେୟର ଓ କମିଶନର ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଟାନ ନେବାକୁ ଦାବୀ କରିଛି ବିଜେପି।ରାଜଧାନୀରେ ଡେଙ୍ଗୁରେ ୨ଟି ମୁଣ୍ଡ ଗଡିଲାଣି ଅଥଚ ସରକାରଙ୍କ ନିଦ ଭାଙ୍ଗୁ ନାହିଁ । ଭୁବନେଶ୍ୱରରେ ଡେଙ୍ଗୁର ଅବସ୍ଥା ଅସମ୍ଭାଳ ହୋଇଥିବାବେଳେ ରାଜ୍ୟ ସରକାର ନିଜର ଅପାରଗତାକୁ ଘୋଡାଇବା ପାଇଁ ତଥ୍ୟ ଲୁଚାଉଛନ୍ତି । ଡେଙ୍ଗୁ ଜନିତ ମୃତ୍ୟୁକୁ ଅସ୍ୱୀକାର କରିବା ଅତ୍ୟନ୍ତ ଦୁର୍ଭାଗ୍ୟଜନକ । ଡେଙ୍ଗୁ ମୃତ୍ୟୁକୁ ନମାନିବା ସରକାରଙ୍କ ଅସହାୟତାକୁ ପ୍ରକାଶ କରୁଛି ।ଗତବର୍ଷ ମଶା ଉପଦ୍ରବ ସମୟରେ ବିଏମସି ମଶା ମାରିବା ପାଇଁ “ଡ୍ରୋନ ସ୍ପ୍ରେ ଯୋଜନା”ର ମିଡିଆ ଇଭେଂଟ କରିଥିଲା । ଚଳିତବର୍ଷ ସେ ଡ୍ରୋନ ସ୍ପ୍ରେ କୁଆଡେ ଗଲା ।ରାଜଧାନୀରେ ଡ୍ରେନ ଅବ୍ୟବସ୍ଥା, ରାସ୍ତାରେ ପାଣିଜମା ହେଉଥିବାରୁ ଡେଙ୍ଗୁ ମଶାର ବଂଶ ବିସ୍ତାର ହେଉଛି । ଜଳ ନିଷ୍କାସନ ପାଇଁ ଥିବା ଡ୍ରେନ ପୋତାଯାଇ କେଉଁଟି ବିଲ୍ଡିଂ ହେଲାଣି ତ କେଉଁଠି ରାସ୍ତା, କେଉଁଠି ଠିକାଦାର ଓ

ବିଲ୍‌ଡରଙ୍କୁ ଟେକି ଦିଆଯାଉଛି । ରାଜଧାନୀର ଅନେକ ସ୍ଥାନରେ ଅଳିଆ ଆବର୍ଜନାର ଅସ୍ତାୟୀ ଡମ୍ଫିଆଡ ଚିନ୍ତାର କାରଣ ପାଲଟିଛି । ଏସବୁ ପ୍ରତି ବିଏମସି ଆଖିବୁଜି ଦେଇଛି । ରାଜଧାନୀରେ ଡେଙ୍ଗୁ ସ୍ଥିିତି ନିୟନ୍ତ୍ରଣରେ ନାହିଁ । ଲୋକଙ୍କ ଜୀବନ ଯାଉଛି ।
ଦୁର୍ଭାଗ୍ୟ ର ବିଷୟ ଭାରତ ବର୍ଷ ଭିତରେ ପ୍ରତିଯୋଗତା ଭଳିଆ ଡେଙ୍ଗୁ ରେ ଭୁବନେଶ୍ୱର ୧ ନମ୍ବର ଭାବେ ଉଭା ହୋଇଛି। ଭୁବନେଶ୍ୱର ର ମେୟର ଓ କମିଶନର ଙ୍କ କଥା ଆଜି ପାଣିରଗାର ପାଲଟିଛି। ଭୁବନେଶ୍ୱର ବାସୀ କି ପାପ କରିଛନ୍ତି ମିଛ ପ୍ରତିଶ୍ରୁତି ସହିବେ ଓ ମିଛ ପ୍ରଲୋଭନ ସହିବେ। ତେଣୁ ଭାରତୀୟ ଜନତା ପାର୍ଟି ମୁଖ୍ୟ ବିରୋଧୀ ଦଳ ହିସାବରେ ଭୁବନେଶ୍ୱର ମେୟର ଓ କମିଶନର ଙ୍କ ବିରୋଧରେ ଫୌଜଦାରୀ ମାମଲା ରୁଜୁ କରିବାକୁ ଆସିଛି। ତାଙ୍କ ବିରୁଦ୍ଧରେ ୩୦୨ ଦଫା ଲଗାଇ ତୁରନ୍ତ ଗିରଫ କରାଯାଉ,କାରଣ ଭୁବନେଶ୍ୱର ବାସୀଙ୍କୁ ଠକିଛନ୍ତି ଓ ବିଭ୍ରାନ୍ତିକର ମନ୍ତବ୍ୟ ଦେଇଛନ୍ତି ବୋଲି ଭୁବନେଶ୍ୱର ସାଂଗଠନିକ ଜିଲ୍ଲା ବିଜେପି ସଭାପତି ଶ୍ରୀ ବାବୁ ସିଂ କହିଛନ୍ତି। ପ୍ରତିବର୍ଷ ବର୍ଷା ର ଦୁଇମାସ ପୂର୍ବରୁ ଡେଙ୍ଗୁ ନିୟନ୍ତ୍ରଣ ପାଇଁ ଏକ ପ୍ରୋଟୋକଲ ଅଛି ମାତ୍ର ବିଏମସି ତାକୁ ପାଳନ କରୁନି। ମେ ଓ ଜୁନ୍ ମାସରୁ ଡେଙ୍ଗୁ ନିୟନ୍ତ୍ରଣ ର ପ୍ରକ୍ରିୟା ଆରମ୍ଭ ହୁଏ ମାତ୍ର ବିଏମସି ଏସବୁ କିଛି ନକରି ନିରବ ରହିବା ଦୁର୍ଭାଗ୍ୟ ଜନକ ଏଣୁ ଡେଙ୍ଗୁ ମୃତ୍ଵ ପାଇଁ ଦାୟୀ ଏମାନେ ବୋଲି ରାଜ୍ୟ ପ୍ରବକ୍ତା ଦିଲ୍ଲୀପ ମହାନ୍ତି ଓ ରାଜ୍ୟ କାର୍ଯ୍ୟକାରିଣୀ ସଦସ୍ୟ ଜଗନ୍ନାଥ ପ୍ରଧାନ କହିଛନ୍ତି। ଆଜିର ଏହି କାର୍ଯ୍ୟକ୍ରମ ରେ ବିଜେପି ନେତା ଦିଲ୍ଲୀପ ବେହେରା, ପ୍ରଶାନ୍ତ କୁମାର ମହାନ୍ତି, ରାଜେନ୍ଦ୍ର ଦାସ, ସ୍ଵଂୟସେବକ ରାୟ, ସୋୟମ୍ଭୁ ପଟ୍ଟନାୟକ, ଅମରଜ୍ୟୋତି ଜଗଦ୍ଦେବ, ନିର୍ମଳ ପଣ୍ଡା, ଆଲୋକ ସେଠୀ, ଚଣ୍ଡି ପ୍ରସାଦ ବେହେରା, ତୁଳସୀ ବିଶୋଇ, ଅନୁପମା ଜେନା, ଭାରତୀ ସାମଲ, ସୁଚିତ୍ରା ପାତ୍ର, ଶର୍ମିଷ୍ଠା ମହାନ୍ତି, ବାରିକ,ପ୍ରଭାତ କୁମାର ମଲ୍ଲିକ, ଜୟlଲଷ୍ମୀ ମଲ୍ଲିକ, ସ୍ମିତା ମହାନ୍ତି, ସୁଶ୍ରୀ ସଙ୍ଗୀତା,ତପନ ନାୟକ, ଶାନ୍ତୁନୁ ଦାସ, କୁନ୍ତଳା ସାହୁ, ଗୟାଧର ରଥ, ଶଚିକାନ୍ତ ସ୍ବାଇଁ, ରାକେଶ ମହାନ୍ତି ପ୍ରମୁଖ ଉପସ୍ଥିତ ଥିଲେ।