ଲକ୍ଷ୍ମୀପୁର ଖେରୀକୃଷକ ଗଣହତ୍ୟାର ପ୍ରତିବାଦ ରେ ଭୁବନେଶ୍ୱର ରେ କଳା ଦିବସ ପାଳନ

ଭୁବନେଶ୍ୱର ତାରିଖ:୩.୧୦.୨୦୨୩ ସଂଯୁକ୍ତ କିଷାନ ମୋର୍ଚ୍ଚା,ଟ୍ରେଡ଼ ୟୁନିୟନ ମାନଙ୍କର ମିଳିତ ମଞ୍ଚ ଏବଂ ସ୍ୱାଧୀନ ଫେଡେରେସନ ସମୁହ ସମୁହ ତରଫରୁ ୨୦୨୧ ଅକ୍ଟୋବର ୩ ତାରିଖ ରେ ଉତ୍ତର ପ୍ରଦେଶ ର ଲକ୍ଷ୍ମୀପୁର ଖେରୀ କୃଷକ ଗଣହତ୍ୟା ବିରୋଧ ରେ ଆହୁତ ଦେଶବ୍ୟାପୀ କଳାଦିବସ ପ୍ରବଳ ବର୍ଷା ସତ୍ୱେ ଭୁବନେଶ୍ୱର ମାଷ୍ଟର କ୍ୟାଣ୍ଟିନ ଛକ ଠାରେ ସଂଗଠିତ ହୋଇ ଯାଇଛି l

ପ୍ରକାଶ ଥାଉକି ଉତ୍ତରପ୍ରଦେଶ ର ଲକ୍ଷ୍ମୀପୁର ଖେରୀ ଠାରେ ୨୦୨୧ ଅକ୍ଟୋବର ୩ ତାରିଖ ରେ କୃଷକ ମାନଙ୍କ ଉପରେ କେନ୍ଦ୍ର ଗୃହ ରାଷ୍ଟ୍ରମନ୍ତ୍ରୀ ଅଜୟ ମିଶ୍ର ଟେନିଙ୍କ ପୁଅ ଆଶୀଷ ମିଶ୍ର ଟେନି ନିର୍ମମ ଭାବେ ଗାଡି ଚଢାଇବା ଯୋଗୁଁ ୪ ଜଣ କୃଷକ ଏବଂ ଜଣେ ସାମ୍ବାଦିକ ମୃତ୍ୟୁ ବରଣ କରିଥିଲେ l ଏହି ଗଣହତ୍ୟା ରେ ମନ୍ତ୍ରୀଙ୍କ ଗାଡି ବ୍ୟବହାର ହୋଇଥିଲା l ଆନ୍ଦୋଳନରତ କୃଷକ ମାନଙ୍କୁ ହତ୍ୟା କରିବା ପାଇଁ ଏହା ଏକ ଷଡଯନ୍ତ୍ର ଥିଲା l

ସୁତରାଂ କୃଷକ ମାନଙ୍କୁ ନ୍ୟାୟ ପ୍ରଦାନ,ହତ୍ୟା ଷଡଯନ୍ତ୍ର ଅଭିଯୋଗ ରେ ଅଜୟ ମିଶ୍ରଙ୍କୁ ମନ୍ତ୍ରୀ ମଣ୍ଡଳରୁ ବହିଷ୍କାର କରି ଗିରଫ କରିବା ଏବଂ ହତ୍ୟାରେ ଅଭିଯୁକ୍ତ ସମସ୍ତ ଆସାମୀ ମାନଙ୍କୁ ଦୃଷ୍ଟାନ୍ତ ମୂଳକ ଶାସ୍ତି ଦିଆଯାଉ ଦାବି କରି ଆଜି ଦେଶ ତମାମ ଏହି କଳାଦିବସ ପାଳନ ହୋଇଛି l

ଆଗାମୀ ନଭେମ୍ବର ୨୬ ରୁ ୨୮ ତାରିଖ ଶ୍ରମିକ- କୃଷକ ମାନଙ୍କର ଦଫା ଦାବି ଉପରେ ରାଜଧାନୀ ରେ ଅନୁଷ୍ଠିତ ହେବାକୁ ଥିବା ୭୨ ଘଣ୍ଟିଆ ଅହୋରାତ୍ର ମହା ଧାରଣା କୁ ସଫଳ କରିବା ପାଇଁ ନେତୃବୃନ୍ଦ ଆହ୍ୱାନ ଦେଇଥିଲେ

ଆଜିକାର ଏହି ପ୍ରତିବାଦ କାର୍ଯ୍ୟକ୍ରମ ରେ ଶ୍ରମିକ ନେତା ରାମଚନ୍ଦ୍ର ଖୁଣ୍ଟିଆ, ବିଷ୍ଣୁ ମହାନ୍ତି,ବି ଏନ ମହାପାତ୍ର, ମହେନ୍ଦ୍ର ପରିଡା, ସୁର ଜେନା, ଜ୍ୟୋତି ରଞ୍ଜନ ମହାପାତ୍ର, ନିରଞ୍ଜନ ମହାନ୍ତି, କୃଷକ ନେତା ଆଶୀଷ କାନୁନଗୋ, ସୁରେଶ ପାଣିଗ୍ରାହୀ, ପ୍ରଫୁଲ୍ଲ ସାମନ୍ତରା, ଶ୍ରୀକାନ୍ତ ମହାନ୍ତି, ସନ୍ତୋଷ ରଥ,ନରେନ୍ଦ୍ର ମହାନ୍ତି, ବଂଶୀଧର ପରିଡା,ପ୍ରମୋଦିନୀ ସାହୁ,ମାନସ ପଟ୍ଟନାୟକ,ପ୍ରମୁଖ ବହୁ ନେତୃବୃନ୍ଦ ଅଂଶ ଗ୍ରହଣ କରି ନେତୃତ୍ୱ ନେଇଥିଲେ l