ଭୁବନେଶ୍ୱର ଲୋୟର ପି. ଏମ୍.ଜି ଠାରେ ଓଡିଶା ବହୁଜନ ଅଧିକାର ସମାବେଶ ଅନୁଷ୍ଠିତ ହୋଇ ଯାଇଅଛି । ଓଡ଼ିଶାର ବିଭିନ୍ନ ଜିଲ୍ଲା ମାନଙ୍କରୁ ବହୁ ସଂଖ୍ୟାରେ ଲୋକମାନେ ଏହି ସମାବେଶ ରେ ଯୋଗ ଦେଇଥିଲେ। ହୋଟେଲ ମାରୀୟନ ଠାରୁ ଏକ ବିଶାଳ ଶୋଭାଯାତ୍ରା ପି. ଏମ୍.ଜି ଠାରେ ପହଁଚିବା ପରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଏକ ସଭାପତି ମଣ୍ଡଳୀ ଦ୍ଵାରା ସଭାକାର୍ଯ୍ୟ ପରିଚାଳନା ହୋଇଥିଲା । ସମାବେଶର ସଂଯୋଜକ ଅଭିରାମ ମଲ୍ଲିକ ସ୍ବାଗତ ଭାଷଣ ଦେଇଥିଲେ । ଶ୍ରୀ ମାନସ ଜେନା ସରକାରଙ୍କ ଦୋଷ ତ୍ରୁଟି ଦର୍ଶାଇ ଏକ ଦଶ ଦଫାଅଭିଯୋଗ ଫର୍ଦ ସଭାରେ ଉପସ୍ଥାପିତକରିଥିଲେ। ଶ୍ରୀ ସଂଗ୍ରାମ ମଲ୍ଲିକ ସମାବେଶର ଘୋଷଣା ପତ୍ର ଉପସ୍ଥାପନ କରିଥିଲେ । ସମାବେଶ ପକ୍ଷରୁ ୨୦ ଦଫା ସମ୍ବଳିତ ଦାବିପତ୍ରଦଟଡଲଗ ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଉଦ୍ଧେଶ୍ୟରେ ପ୍ରଦାନ କରିଯାଇଛି । ଏହି ଦାବି ଗୁଡ଼ିକ ମଧ୍ୟରେ ଓଡ଼ିଶାର ଦାଦନ ଶ୍ରମିକ ସମସ୍ୟା ସମାଧାନ ଓ କୃଷି ବୃଦ୍ଧି ପାଇଁ ଘରଡିହ ପରିବାର କୁ ବାସଗୃହ ନିର୍ମାଣ ପାଇଁ ଜମି ଓ ଚାଷ ସହିତ ସଂପୃକ୍ତ କୃଷକ କୃଷକ ପରିବାର ମାନଙ୍କୁ ଚାଷ ଜମି ଯୋଗାଇ ଦେବା ସହ , ସର୍ବନିମ୍ନ ମଜୁରୀ ୮୦୦ ଟଙ୍କା ଓ ସାମାଜିକ ନିରାପତ୍ତା ପେନସନ ୩୦୦୦ ବାବଦକୁ ବୃଦ୍ଧିପାଇଁ ଦାବି କରାଯାଉଅଛି। ଓଡ଼ିଶାରେ କ୍ରମାଗତ ଭାବେ ଅନୁସୂଚିତ ଜାତି ଓ ଅନୁସୂଚିତ ଜନଜାତି ମାନଙ୍କ ବିରୁଦ୍ଧରେ ନିର୍ଯାତନା ବୃଦ୍ଧି ପାଉଥିବା ବେଳେ ସରକାର ଙ୍କ ପକ୍ଷରୁ ଉଦାସୀନତା ଦୃଢ଼ ନିନ୍ଦା କରାଯାଇଥିବା ଗଲା ୧୦ ବର୍ଷ ରେ ୩୦ ହଜାର ନିର୍ଯାତନା ମାମଲା ହୋଇଥିଲେ ମଧ୍ୟ ୧ ପ୍ରତିଶତ ଦୋଷୀ ଦଣ୍ଡ ନ ପାଇବା ଓ ଓଡ଼ିଶାର ଜେଲ ମାନଙ୍କରେ ସର୍ବାଧିକ ଏ. ସି ଓ ଏସ୍. ଟି ଓ. ବି. ସି ଓ ସଂଖ୍ୟାଲଘୁ ମାନେ ବିଚାରାଧୀନ ବନ୍ଦୀ ଭାବରେ ରହିବା ବିଷୟରେ ସମାବେଶରେ ଉଦବେଗ ପ୍ରକାଶ ପାଇଥିଲା ।

ଏଥିପାଇଁ ରାଜ୍ୟ ସ୍ତରରେ ଏ. ସି ଓ ଏସ୍. କମିଶନ ଓ ସଂଖ୍ୟାଲଘୁ ମାନଙ୍କ ସୁରକ୍ଷା ଓ ବିକାଶ ପାଇଁ ସଂଖ୍ୟାଲଘୁ କମିଶନ ଗଠନ ପାଇଁ ଦାବି କରାଯାଇଅଛି । ଆଦିବାସୀ ଅଞ୍ଚଳରେ ପେଶା ଆଇନ କାର୍ଯ୍ୟକାରୀ କରିବା ଓ ଜମି , ଜଳ , ଜଙ୍ଗଲ , ଖଣି ସମ୍ପଦ ଆଦିରେ ପାରମ୍ପରିକ ଅଧିକାର ପ୍ରଦାନ ସହ ଅନୁସୂଚିତ ଜାତି ଓ ଜନଜାତି ସଂଖ୍ୟାଲଘୁ ମାନଙ୍କୁ ଅର୍ଥ ନିଗମ ରୁ ପର୍ଯ୍ୟାପ୍ତ ଅର୍ଥ ପ୍ରଦାନ କରି ଯୁବକ ମାନଙ୍କ ମଧ୍ୟରେ ଆତ୍ମନିଯୁକ୍ତି ବୃଦ୍ଧି ପାଇଁ ଦାବି କରାଯାଇଅଛି । ମେହେନ୍ତର୍ ଓ ମେହେତର ଭଳି ବନାନଗତ ତ୍ରୁଟି ସଂଶୋଧନ କରି ଏହି ଜାତିର ପରିଚୟ ବା ଜାତି ପ୍ରମାଣ ପତ୍ର ଯୋଗାଇ ଦେବା।ଓଡ଼ିଶାର ପଛୁଆ ବର୍ଗ ମାନଙ୍କୁ ସେମାନଙ୍କ ସଂଖ୍ୟା ଅନୁପାତରେ ସ୍ଥାନ ସଂରକ୍ଷଣ ସହ , ଜାତି ଆଧାରିତ ସାମାଜିକ ଆର୍ଥିକ ଜନଗଣନା ଓ ଓ.ବି.ସି ଅର୍ଥ ନିଗମ ରୁ ଆତ୍ମ ନିଯୁକ୍ତି ଯୋଜନାରେ ବେକାର ଯୁବକ ଯୁବତୀ ମାନଙ୍କୁ ନିଯୁକ୍ତି ଦେବା ପାଇଁ ଦାବି କରାଯାଇଅଛି। ଏହି ସମାବେଶ ରେ କୃଷକ ଆନ୍ଦୋଳନ , ଓ ଜମି ,ଜଳ ,ଜଙ୍ଗଲ ଅଧିକାର ଆନ୍ଦୋଳନ ପ୍ରତି ସମର୍ଥନ ଜ୍ଞାପନ କରାଯାଇଥିଲା । ଆଗାମୀ ଦିନରେ ଓଡିଶା ର ଓ.ବି.ସି , ଏସି , ଏସ୍. ଟି ଓ ସଂଖ୍ୟାଲଘୁ ମାନେ ସେମାନଙ୍କର ସାମାଜିକ ଆର୍ଥିକ ଓ ଅର୍ଥନୈତିକ ଅଧିକାର ପାଇଁ ମିଳିତ ହୋଇ ଆନ୍ଦୋଳନ କରିବାକୁ ସମାବେଶରେ ବକ୍ତା ମାନେ ଆହ୍ବାନ ଦେଇଥିଲେ ଓ କେନ୍ଦ୍ର ତଥା ରାଜ୍ୟ ସରକାର ଙ୍କ ଜନ ବିରୋଧ ନୀତିର ଦୃଢ଼ ନିନ୍ଦା କରିଥିଲେ ।