ୱାର୍ଡ଼ ବୁଲି ସମସ୍ୟା ବୁଝିବା ସହ ସମାଧାନ କରୁଛନ୍ତି ବିଧାୟକ।

ଭୁବନେଶ୍ୱର, ତା.୨୨/୬: ଏକାମ୍ର ନିର୍ବାଚନ ମଣ୍ଡଳୀ ରାଜଧାନୀ ଭୁବନେଶ୍ୱର ରେ ଥିଲେ ମଧ୍ୟ ଏଠି ଲୋକେ ନିଜର ମୌଳିକ ସୁବିଧା ପାଇବାରୁ ବଞ୍ଚିତ। ରାସ୍ତା, ପାଣି, ଡ୍ରେନ,ମେଡିକାଲ ସବୁର ସମସ୍ୟା ଏଠି ରହିଛି ମାତ୍ର ଏବେ ସମୟ ବଦଳିଛି ଏକାମ୍ର ରେ ଭାରତୀୟ ଜନତା ପାର୍ଟି କୁ ଲୋକେ ବିପୁଳ ଜନସମର୍ଥନ ଦେଇ ବାବୁ ସିଂ ଙ୍କୁ ବିଧାୟକ ଭାବେ ନିର୍ବାଚିତ କରାଇଛନ୍ତି। ନିର୍ବାଚନ ରେ ବିଜୟ ହେବା ଦିନଠାରୁ ସେ ନିଜର ପ୍ରତିଶ୍ରୁତି ପାଳନ କରିବା ପାଇଁ ଅଣ୍ଟା ଭିଡିଛନ୍ତି। ପ୍ରତ୍ୟେକ ଦିନ ୱାର୍ଡ଼ ରୁ ୱାର୍ଡ଼ ବୁଲି ଲୋକଙ୍କ ସହ ମିଶୁଛନ୍ତି ସମସ୍ୟା ପଚାରି ବୁଝିବା ସହ ସଙ୍ଗେ ସଙ୍ଗେ ସମସ୍ୟାର ସମାଧାନ କରୁଛନ୍ତି। ସମସ୍ୟା ତାଙ୍କ ନଜରକୁ ଆଣିବାର କିଛି ଘଣ୍ଟା ମଧ୍ୟରେ ସମାଧାନ କରିଦେଉଛନ୍ତି। ଆଜି ନିର୍ବାଚନ ମଣ୍ଡଳୀର ବାଶୁଆଘାଇ ପଞ୍ଚାୟତ ର ବିଭିନ୍ନ ସ୍ଥାନ ବୁଲି ଲୋକଙ୍କ ସମସ୍ୟା ପଚାରି ବୁଝିବା ସହ ସମାଧାନ କରିବା ପାଇଁ ପ୍ରୟାସ ଆରମ୍ଭ କରିଥିଲେ। ମୁଖ୍ୟତଃ ଏହି ଅଞ୍ଚଳରେ ରାସ୍ତା,ଡ୍ରେନ ଓ ପିଇବା ପାଣିର ସମସ୍ୟା ରହିଛି।ଏହି ସମ୍ପର୍କ ରେ ଏକାମ୍ର ନିର୍ବାଚନ ମଣ୍ଡଳୀ ର ବିଧାୟକ ବାବୁ ସିଂ କହିଛନ୍ତି ଯେ, ଏକାମ୍ର ନିର୍ବାଚନ ମଣ୍ଡଳୀର ପ୍ରତ୍ୟେକ ଲୋକଙ୍କୁ ତାଙ୍କ ମୌଳିକ ସୁବିଧା ଯୋଗାଇଦେବା ମୋର ପ୍ରାଥମିକ କର୍ତ୍ତବ୍ୟ। ଆମେ ଆଗରୁ ମଧ୍ୟ ୱାର୍ଡ଼ ବୁଲି ଲୋକଙ୍କ ସମସ୍ୟା ପଚାରି ବୁଝୁଥିଲୁ ଏବଂ ଏବେ ମଧ୍ୟ ବୁଝୁଛୁ। ଏକାମ୍ର ନିର୍ବାଚନ ମଣ୍ଡଳୀ ବାସିନ୍ଦାଙ୍କ ଆଶା ଓ ଆକାଂକ୍ଷାକୁ ପୂରଣ କରିବୁ ।ଏକାମ୍ର ର ଅସ୍ମିତାର ସୁରକ୍ଷା ତଥା ସ୍ୱାଭିମାନ ପାଇଁ ବିଜେପି ହାତରେ କ୍ଷମତା ଦେଇଛନ୍ତି।ଦୀର୍ଘ ୨୫ ବର୍ଷର ମିଥ୍ୟା ପ୍ରତିଶୃତି ଦ୍ଵାରା ଏକାମ୍ର ନିର୍ବାଚନ ମଣ୍ଡଳୀ ପ୍ରତାରିତ ଓ ଅବହେଳିତ ହୋଇଥିଲା ଏବେ ଆଉ ନୁହେଁ।ଏକାମ୍ର ବାସୀଙ୍କ ସର୍ବାଙ୍ଗୀନ ଉନ୍ନତି ପାଇଁ ଦୃଢ ପ୍ରତିଜ୍ଞାବଦ୍ଧ ବିଜେପି ବୋଲି ଶ୍ରୀ ସିଂ କହିଛନ୍ତି।