ଝାରପଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ମା’ ପାଇଁ ଗଛଟିଏ

ଗୋଟିଏ ଗଛର ଦାୟିତ୍ବ ନିଅନ୍ତୁ ପ୍ରତ୍ୟେକ ବିଦ୍ୟାର୍ଥୀ : ଜଗନ୍ନାଥ ପ୍ରଧାନ

ଭୁବନେଶ୍ବର,୦୪,୦୮…. ଜଶସ୍ବୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନକ୍ରମେ ଆଜି ମଧ୍ୟ ଭୁବନେଶ୍ୱର, ଝାରପଡା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ମା’ ଗଛଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଚି ା “ଝାରପଡା ୱେଲଫେୟାର ଆସୋସିଏସନ ସ୍କୁଲ ଛାତ୍ରଛାତ୍ରୀ, ଶିକ୍ଷକଶିକ୍ଷୟିତ୍ରୀ ଏବଂ ସ୍ଥାନୀୟ ଅଞ୍ଚଳବାସୀଙ୍କ ମିଳିତ ସହଯୋଗରେ
ଆୟୋଜିତ ବୃକ୍ଷରୋପଣ କାର୍ଯ୍ୟକ୍ରମରେ ବରିଷ୍ଠ ବିଜେପି ନେତା ଜଗନ୍ନାଥ ପ୍ରଧାନ ଯୋଗଦେଇ ବିଦ୍ୟାଳୟ ପରିସରେ ଅନେକ ବଉଳ ଓ ନଡ଼ିଆ ବୃକ୍ଷ ରୋପଣ କରିଥିଲେ ା ଏହି ଅବସରରେ ନିଜ ଅଭିଭାଷଣରୋ ବିଦ୍ୟାଳୟ ପରିସରରେ ଲାଗିଥିବା ଗଛର ସୁରକ୍ଷା ଓ ଲାଳନପାଳନ ପଇଁ ଅତିକମରେ ଗୋଟିଏ ଗଛର ଦାୟିତ୍ବ ଗୋଟିଏ ବିଦ୍ୟାର୍ଥୀ ନେବାକୁ ପରାମର୍ଶ ଦେଇଥିଲେ ଜଗନ୍ନାଥ ା ସମସାମୟିକ ପରିସ୍ଥିତିରେ ପରିବେଶ ସନ୍ତୁଳନ ସମଗ୍ର ବିଶ୍ବ ପାଇଁ ଏକ ବିରାଟ ଆହ୍ବାନ ା ଯଦି ଜଣେ ବ୍ୟକ୍ତି ଗୋଟିଏ ଗଛ ଲଗାଇ ତାହାର ସମ୍ପୁର୍ଣ୍ଣ ଦାୟିତ୍ବ ନେବ ବିଶ୍ବରେ ଏକ ସନ୍ତୁଳିତ ପରିବେଶ ଆପଣା ଛାଏଁ ହୋଇଜିବ ବୋଲି ଜଗନ୍ନାଥ ମତବ୍ୟକ୍ତ କରିଥିଲେ ା ଆସୋସିଏସନର ସଭାପତି ଗୋରାଚାନ୍ଦ ମଙ୍ଗରାଜଙ୍କ ପୌରହିତ୍ୟରେ ୩୨ ନଂ ଓ୍ବାର୍ଡର ବିଜେପି ନେତା ପ୍ରଭାତ ମାର୍ଥା, ପୂର୍ବତନ କର୍ପୋରେଟର ସୁରେସ ଚନ୍ଦ୍ର ଜେନା, ସାମାଜିକ କର୍ମି ପ୍ରକାଶ ସାମନ୍ତରାୟ,ସୁନିଲ ଜେନା, ନିବାସ ଜେନା ଓ ଜହୁର ଖାନଙ୍କ ସମେତ ସ୍ଥାନୀୟ ଅଞ୍ଚଳର ବହୁ ଜନସାଧାରଣ ଯୋଗ ଦେଇ କାର୍ଯ୍ୟକ୍ରମକୁ ସଫଳ କରିଥିଲେ ା