ଟ୍ରାଫିକ୍ କର୍ମଚାରୀଙ୍କ ମୃତ୍ୟୁ
କଳିଙ୍ଗ ଷ୍ଟାଡିୟମ ସମ୍ମୁଖରେ ମର୍ମନ୍ତୁଦ ସଡକ ଦୁର୍ଘଟଣା : ଟ୍ରାଫିକ୍ କର୍ମଚାରୀଙ୍କ ମୃତ୍ୟୁ
ଭୁବନେଶ୍ବର : ନୟାପଲ୍ଲୀ ଥାନା କଳିଙ୍ଗ ଷ୍ଟାଡିୟମ ସମ୍ମୁଖରେ ମର୍ମନ୍ତୁଦ ସଡକ ଦୁର୍ଘଟଣା। କୌଣସି ଗୋଟିଏ ଗାଡି ଦ୍ରୁତ ଗତିରେ ଆଜି ଡ୍ୟୁଟିରୁ ଫେରୁଥିବା ଜଣେ ଟ୍ରାଫିକ କର୍ମଚାରୀଙ୍କୁ ଧକ୍କା ଦେଇଛି। ଯାହା ଫଳରେ ଉକ୍ତ ଟ୍ରାଫିକ କର୍ମଚାରୀଙ୍କର ମୃତ୍ୟୁ ହୋଇଛି।ମିଳିଥିବା ସୂଚନା ଅନୁସାରେ ରାତି ପ୍ରାୟ ୧୦ ଟା ୩୦ ବେଳେ ଏହି ଦୁର୍ଘଟଣା ଘଟିଛି। ଡ୍ୟୁଟି ସାରି ଟ୍ରାଫିକ କର୍ମଚାରୀ ଜଣଙ୍କ ଫେରୁଥିବା ଦ୍ରୁତ ଗତିରେ ଧକ୍କା ଦେଇ ଫେରାର ହୋଇଯାଇଛି ଦୁର୍ଘଟଣା ଘଟାଇଥିବା ଗାଡି।
ଟ୍ରାଫିକ ପୁଲିସ ଜଣଙ୍କ ୟୁନିଫର୍ମରେ ଥିବା ବେଳେ ସେ ଚଲାଉଥିବା ପଲସର ଗାଡି ମଧ୍ୟ ଘଟଣାସ୍ଥଳରେ ପଡିଛି । ଖବର ପାଇ ପିସିଆର ଘଟଣାସ୍ଥଳରେ ପହଁଚି ଛାନଭିନ ଆରମ୍ଭ କରିଛି । ସିସିଟିଭି ଆଧାରରେ ଦୁର୍ଘଟଣା ଘଟାଇଥିବା ଗାଡିକୁ ପୁଲିସ ଖୋଜୁଥିବା ଜଣାପଡିଛି।
