ରେଲୱେ ରକର୍ଜ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ
ଥାର୍ଡ ଆୟ୍ ବିଦ୍ୟୁତ୍ ଟିମ ବିଜୟୀ
ଭୁବନେଶ୍ୱର: ନିଳାଦ୍ରୀ ବିହାର ସ୍ଥିତ ଗୋପବନ୍ଧୁ ଖେଳ ପଡିଆ ଠାରେ ୩ ଦିନ ଧରି ଚାଲିଥିବା କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ରେଲୱେ ରକର୍ଜ କ୍ଲବ ଯୁବକଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଏହି କ୍ରିକେଟ ଟୁର୍ଣ୍ଣାମେଣ୍ଟରେ ମୋଟ ୧୬ ଟି କର୍ପୋରେଟ୍ ଟିମ୍ ଅଂଶଗ୍ରହଣ କରିଥିଲେ । ୮ ନଭେମ୍ବର ଦିନ କ୍ଲବ ପକ୍ଷରୁ ଆରମ୍ଭ ହୋଇଥିବା କ୍ରିକେଟ ମ୍ୟାଚ ର ପ୍ରଥମ ସଂସ୍କରଣ କୁ ମୁଖ୍ୟ ଅତିଥି ଭାବେ ଉତ୍ତର ଭୁବନେଶ୍ୱର ବିଧାୟକ ଶ୍ରୀ ସୁଶାନ୍ତ ରାଉତ ଉଦ୍ଘାଟନ କରି ଖେଳାଳୀମାନଙ୍କୁ ଉତ୍ସାହିତ କରିଥିଲେ ।ଫାଇନାଲ ମ୍ୟାଚ ଥାର୍ଡ ଆୟ୍ ବିଦ୍ୟୁତ୍ ଓ ୱିସଡମ୍ ୱାରିୟର ଙ୍କ ମଧ୍ୟରେ ହୋଇଥିବା ଏହି ମ୍ୟାଚରେ ଥାର୍ଡ ଆୟ୍ ବିଦ୍ୟୁତ୍ ଦଳ ବିଜୟୀ ହୋଇଥିଲେ । ୱିସଡମ୍ ୱାରିୟର ର ଅଧିନାୟକ ଦୁର୍ଗା ଚରଣ ନାୟକ ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଥିଲେ । ବ୍ୟାଟିଂର ଆମନ୍ତ୍ରଣ ପାଇ ଥାର୍ଡ ଆୟ୍ ବିଦ୍ୟୁତ୍ ନିର୍ଦ୍ଧାରିତ ୮ ଓଭର୍ ରେ ୪ ୱିକେଟ୍ ବିନିମୟରେ ୧୫୧ ରନ କରିବାକୁ ସକ୍ଷମ ହୋଇଥିଲେ । ଯେଉଁଥିରେ ଦିବ୍ୟରଞ୍ଜନ ୨୨ ବଲ୍ ରେ ୭୦ ରନ କରି ଏକ ଆକର୍ଷଣୀୟ ଇନଙ୍ଗସ ଖେଳିଥିଲେ । ୱିସଡମ୍ ୱାରିୟର ଏହି ଲକ୍ଷକୁ ପିଛା କରି ନିର୍ଦ୍ଧାରିତ ୮ ଓଭର୍ ରେ ୩ ୱିକେଟ୍ ବିନିମୟରେ ୧୩୩ ରନ କରିବାରେ ସକ୍ଷମ ହୋଇଥିଲେ ।ଟୁର୍ଣ୍ଣାମେଣ୍ଟ ରେ ବିଜେତା ଥାର୍ଡ ଆୟ୍ ବିଦ୍ୟୁତ୍ ଦଳକୁ ଟ୍ରଫି ଓ ୩୦ ହଜାର ଟଙ୍କା ଓ ରନର୍ସ–ଅଫ ଦଳ ୱିସଡମ୍ ୱାରିୟରକୁ ଟ୍ରଫି ଓ ୧୫ ହଜାର ଟଙ୍କା ପୁରସ୍କାର ହିସାବ ରେ ପ୍ରଦାନ କରାଯାଇଥିଲା । ଏହି ଟୁର୍ଣ୍ଣାମେଣ୍ଟ ରେ ମ୍ୟାନ ଅଫ୍ ଦ ମ୍ୟାଚ ଦିବ୍ୟରଞ୍ଜନ ଙ୍କୁ ପୁରସ୍କୃତ କରାଯାଇଥିଲା । ଏହି ମ୍ୟାଚ କୁ ବିରେନ୍ଦ୍ର ରାୟ ସିଂହ, ରାଜୀବ ପଣ୍ଡା, ନିର୍ମାଲ୍ୟ ଦାଶ, ସ୍ନେହାଶୁ ମହାନ୍ତି, ଶ୍ରୀ ବଲ୍ଲଭ, ଆଶିଷ ସାମଲ, ଆଶିଷ ଦାସ ଓ ଅନ୍ୟାନ୍ୟ କର୍ମକର୍ତ୍ତା ପରିଚାଳନା କରିବାରେ ରେ ସହଯୋଗ କରିଥିଲେ ।