ଧଉଳିଠାରେ \”ଐତିହ୍ୟ\” ଶୀର୍ଷକ  ଚିତ୍ରକଳା ପ୍ରଦର୍ଶନୀ ଓ ୩ ଦିନିଆ ଶିଳ୍ପୀ ଶିବିର ଉଦ୍ଘାଟିତ
ଚନ୍ଦ୍ରଶେଖର,ହିମାଂଶୁ ଓ ଜୟଶ୍ରୀଙ୍କୁ ଶିଳ୍ପୀ ଶରତ ରଥ ସ୍ମୃତି ସମ୍ମାନ ପ୍ରଦାନ
ଭୁବନେଶ୍ୱର,୨୭/୦୭/୨୪-ଶାନ୍ତିସ୍ତୁପ ପାଦଦେଶରେ ଅବସ୍ଥିତ ଧଉଳି ଚାରୁକଳା ମହାବିଦ୍ୟାଳୟର ୩୦ ତମ ପ୍ରତିଷ୍ଠା ଦିବସ ଅବସରରେ ଉଦ୍ଘାଟିତ ହୋଇଯାଇଛି \”ଐତିହ୍ୟ \”ଶୀର୍ଷକ ଚିତ୍ରଶିଳ୍ପୀ ଶିବିର ଓ ପ୍ରଦର୍ଶନୀ।ପ୍ରଦର୍ଶନୀକୁ ମୁଖ୍ୟ ଅତିଥି ଏକାମ୍ର ବିଧାୟକ ବାବୁ ସିଂ ଉଦ୍ଘାଟନ କରି ଐତିହ୍ୟ ସ୍ଥାନ ଧଉଳିରେ ଚାରୁକଳା ମହାବିଦ୍ୟାଳୟର ପ୍ରତିଷ୍ଠାକୁ ପ୍ରଶଂସା କରିଥିଲେ । ମୁଖ୍ୟ ବକ୍ତା ରୂପେ ଓଡ଼ିଆ ଭାଷା,ସାହିତ୍ୟ ଓ ସଂସ୍କୃତି ବିଭାଗର ସ୍ଵତନ୍ତ୍ର ଶାସନ ସଚିବ,ମଧୂସୁଦନ ଦାଶ ଯୋଗଦେଇ ଅନୁଷ୍ଠାନର ସୃଜନଶୀଳ ଦିଗ ସମ୍ପର୍କରେ ବକ୍ତବ୍ୟ ରଖିଥିଲେ।ସମ୍ମାନିତ ଅତିଥି ପଞ୍ଚାୟତ ସମିତି ବୌଦ୍ଧର ଚେୟାରମେନ୍,ପ୍ରିୟଦର୍ଶୀ ପ୍ରତ୍ୟୁଷ ରଥ ଓ ଉତ୍କଳ ସଂସ୍କୃତି ବିଶ୍ଵବିଦ୍ୟାଳୟର ଅବସର ପ୍ରାପ୍ତ ଅଧ୍ୟାପକ ଡ.ଜଗନ୍ନାଥ କୁଅଁର ପ୍ରମୁଖ ଯୋଗଦେଇ ଶିଳ୍ପୀ ମାନଙ୍କ କଳାକୃତିର ଭୂୟସୀ ପ୍ରଶଂସା କରିଥିଲେ।ଉତ୍ସବରେ ମହାବିଦ୍ୟାଳୟର କାର‌୍ୟ୍ୟକାରି ସଭାପତି ଡ. ହୃଷିକେଶ ମିଶ୍ର ଅଧ୍ୟକ୍ଷତା କରିଥିଲେ।ପ୍ରାରମ୍ଭରେ ଅଧ୍ୟକ୍ଷ ଡ.ପଞ୍ଚାନନ ସାମଲ ଅତିଥି ପରିଚୟ ପ୍ରଦାନ ପୂର୍ବକ ସ୍ବାଗତ ଭାଷଣ ଦେବାସହ ପରିଶେଷରେ ସଂପାଦକ ରବିଶଙ୍କର ଦାସ ଆନୁଷ୍ଠାନିକ ଧନ୍ୟବାଦ୍ ଅର୍ପଣ କରିଥିଲେ।ଉତ୍ସବ ଅବସରରେ ଓଡ଼ିଶାର ଲବ୍ଧ ପ୍ରତିଷ୍ଠିତ ଚିତ୍ରଶିଳ୍ପୀ ଓ ମହାବିଦ୍ୟାଳୟର ପୂର୍ବତନ ଛାତ୍ରଛାତ୍ରୀ ମାନଙ୍କ ଦ୍ଵାରା ଏକ ଚିତ୍ରକଳା ଓ ଭାସ୍କର‌୍ୟ୍ୟ କଳା ଶିବିର ଅନୁଷ୍ଠିତ ହୋଇଥିଲା। ଏହି ଅବସରରେ ଅତିଥିମାନେ ବିଭୂତି କାନୁନଗୋ ଚାରୁକଳା ମହାବିଦ୍ୟାଳୟର ଅଧ୍ୟାପକ ଚନ୍ଦ୍ରଶେଖର ସେଠୀ,ଚିତ୍ରଶିଳ୍ପୀ ଜୟଶ୍ରୀ ଜେନା ଓ ହିମାଂଶୁ ପରିଡାଙ୍କୁ \”ଶିଳ୍ପୀ ଶରତ କୁମାର ରଥ ସ୍ମୃତି ସମ୍ମାନ ପ୍ରଦାନ କରାଯାଇଥିଲା।ଦିବସ ଅବସରରେ ସ୍କୁଲ ଓ କଲେଜ ଛାତ୍ରଛାତ୍ରୀ ମାନଙ୍କ ମଧ୍ୟରେ ଏକ ରାଜ୍ୟ ସ୍ତରୀୟ ଶିଶୁ ଚିତ୍ରକଳା ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଛାତ୍ରଛାତ୍ରୀମାନେ ଓଡ଼ିଶାର ପର୍ବପର୍ବାଣୀ ଓ ଶ୍ରୀଜଗନ୍ନାଥଙ୍କ ଉପରେ ଆଧାରିତ ଚିତ୍ର ମାନ ଅଙ୍କନ କରୁଥିଲେ।ପ୍ରତିଯୋଗିତାର କୃତି ଶିଳ୍ପୀମାନଙ୍କୁ ଅତିଥିମାନେ ପୁରସ୍କୃତ କରିଥିଲ।ଏହି ଅବସରରେ ଆୟୋଜିତ ଶିଳ୍ପୀ ଶିବିର ଜୁଲାଇ ୨୯ ତାରିଖ ପର‌୍ୟ୍ୟନ୍ତ ଚାଲିବ।