ଆଦରଣୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଓଡିଶାର କନ୍ଧମାଳ, ବଲାଙ୍ଗୀର ଓ ବରଗ଼ଡରେ ଆୟୋଜିତ ବିଶାଳ ଜନସଭାରେ ଦିଆଯାଇଥିବା ଉଦବୋଧନର ମୁଖ୍ୟ ବିନ୍ଦୁ*
ବିଜେପି ପାଇଁ ଜନସାଧାରଣଙ୍କର ରେକର୍ଡ ସମର୍ଥନ ସ୍ପଷ୍ଟ ରୂପେ ଇଂଗିତ କରୁଛି ଯେ ଓଡିଶାର ଜନସାଧାରଣ ବିଜେଡିର କୁଶାସନ ଓ ରାଜ୍ୟର ସମୃଦ୍ଧ ସଂସ୍କୃତି ପ୍ରତି ତାଙ୍କର ଅନାଦର କାରଣରୁ ନିରାଶ ହୋଇଛନ୍ତି ।
********
କେବଳ ବିଜେପି ହିଁ ଓଡିଶାର ବିକାଶ କରି ପାରିବ ଓ ରାଜ୍ୟର ଜୀବନ୍ତ ସଂସ୍କୃତି ଓ ଐତିହ୍ୟର ରକ୍ଷା କରି ପାରିବ । ଓଡିଶାରେ ବିଜେପି ରେକର୍ଡ ଅନ୍ତରରେ ବିଜୟୀ ହେବା ଆଡକୁ ଅଗ୍ରସର ହେଉଛି ।
********
ପଦ୍ମ ଫୁଲ ଅଛି ତ ଶାନ୍ତି ଓ ବିକାଶ ରହିଛି । ପଦ୍ନ ଫୁଲ ଅଛି ତ ଜ୍ଞାନ ଓ ବିଜ୍ଞାନ ଅଛି । ପଦ୍ମ ଫୁଲ ଅଛି ତ ନାରୀର ସମ୍ମାନ ଅଛି । ପଦ୍ମ ଫୁଲ ଅଛି ତ ସଂକଳ୍ପରୁ ସିଦ୍ଧି ଅଛି । ପଦ୍ମ ଫୁଲ ଅଛି ତ ସୁରକ୍ଷା ଓ ସମୃଦ୍ଧି ରହିଛି।
********
ପଦ୍ମ ଫୁଲ ଅଛି ତ ଆତ୍ମ ନିର୍ଭରତାର ଶକ୍ତି ଅଛି । ପଦ୍ମ ଫୁଲ ଅଛି ତ ଗୌରବର ପରିପୂର୍ଣ ଐତିହ୍ୟ ଅଛି । ପଦ୍ମ ଫୁଲ ଅଛି ତ ମାନ ଅଛି, ସ୍ୱାଭିମାନ ଅଛି । ପଦ୍ମ ଫୁଲ ଅଛି ତ ପ୍ରଗତି ପଥରେ ଭାରତ ଅଛି ।
********
26 ବର୍ଷ ପୂର୍ବେ ଆଜିର ଦିନରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ପୋଖରଣ ଠାରେ ପରମାଣୁ ପରୀକ୍ଷଣ କରିଥିଲେ । ଆମେ ଦେଖାଇ ଦେଇଥିଲୁ ଯେ ଦେଶ ଭକ୍ତିରେ ଓତପ୍ରୋତ ସରକାର କିପରି କାମ କରିଥାଏ । କଂଗ୍ରେସ ବାରମ୍ବାର ନିଜ ଦେଶକୁ ଡରାଇବାର ପ୍ରୟାସ କରୁଛି ଯେ ପାକିସ୍ତାନ ନିକଟରେ ଆଟମ ବମ ରହିଛି ।
********
ଆତଙ୍କବାଦୀ ମାନଙ୍କୁ ଶିକ୍ଷା ଦେବା ପରିବର୍ତେ ଏହି ଲୋକ ମାନେ ଆତଙ୍କବାଦୀ ସଂଗଠନଗୁ଼ଡିକ ସହ ବୈଠକ କରୁଥିଲେ, ଏହାକୁ ଦେଶବାସୀ ଭୁଲି ପାରିବେ ନାହିଁ। 26/11ର ମୁମ୍ବାଇ ଆକ୍ରମଣ ପରେ ଏହି ଲୋକ ମାନେ ଆତଙ୍କବାଦର ମୁଖ୍ୟ ମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିଲେ । କାହିଁକି ? କଂଗ୍ରେସକୁ, ଇଣ୍ଡି ମେଂଟକୁ ଲାଗୁଥିଲା ଯେ ଯଦି ଆମେ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ତେବେ ଆମର ଭୋଟ ବ୍ୟାଙ୍କ ଅସନ୍ତୁଷ୍ଟ ହୋଇଯିବ ।
********
ଯାହା ମୁଁ ଦେଶକୁ ଜଣାଇବାକୁ ଚାହୁଁଛି ତାହା ଜାଣି ଦେଶର ଲୋକ ମାନେ ଚକିତ ହୋଇଯିବେ । ଶ୍ରୀଜଗନ୍ନାଥ ମନ୍ଦିରର ରତ୍ନ ଭଣ୍ଡାରର ଚାବି ଗତ 6 ବର୍ଷ ଧରି ହଜିଯାଇଛି ।
********
କଣ ଆପଣଙ୍କୁ ଏହା ଜାଣିବାର ଅଧିକାର ନାହିଁ ଯେ ଏହି ଚାବି ଗୁଡିକ କୁଆଡେ ଗଲା ? ରାଜ୍ୟ ସରକାର କହୁଛି ଯେ ରତ୍ନ ଭଣ୍ଡାରର ଡୁପ୍ଲିକେଟ ଚାବି ମିଳିଛି, କିନ୍ତୁ ଏହା କିପରି ତିଆରି ହେଲା ଓ ଏହାକୁ କିଏ ତିଆରି କଲା । ଏହାର ବ୍ୟବହାର ହୋଇଛି ନା ନାହିଁ ଏହା କାହାକୁ ଜଣା ନାହିଁ ।
********
ଏହି ମାମଲାର ଜାଂଚ ପାଇଁ ରାଜ୍ୟ ସରକାର ଏକ ଆୟୋଗକୁ ଦାୟିତ୍ୱ ଦେଇଥିଲେ । ହେଲେ ଏହାର ରିପୋର୍ଟ ଆଜି ଯାଏ ଓଡିଶା ସରକାର ସାର୍ବଜନୀନ କରି ନାହାନ୍ତି । ବିଜେପି ସମ୍ପୂର୍ଣ ଭକ୍ତିଭାବରେ ଏହି ବିଷୟ ଉଠାଉଛି । କାହିଁକି ବିଜେଡି ସରକାର ଏହି ବିଷୟକୁ ନେଇ ପଳାୟନପନ୍ଥୀ ସାଜିଛି ? ତାଙ୍କର କଣ ବାଧ୍ୟବାଧକତା ରହିଛି ? ରାଜ୍ୟ ସରକାର କାହାକୁ ବଂଚାଇବାକୁ ଚେଷ୍ଟା କରୁଛି ?
********
ଯେତେବେଳେ ଦିଲ୍ଲୀରେ ଜି -20 ସମ୍ମିଳନୀ ହୋଇଥିଲା, ସେତେବେଳେ ସାରା ବିଶ୍ୱର ବଡ ବଡ ନେତା ମାନେ ଆସିଥିଲେ, ସେତେବେଳେ ମୁଁ କୋଣାର୍କ ସୂର୍ଯ୍ୟ ମନ୍ଦିରର ଚକ୍ର ସାମନାରେ ତାଙ୍କର ଫଟୋ ଉଠା କରାଇଥିଲି ।
********
ଆମ ସରକାର ଓଡିଆ ବୀରତ୍ୱର ପ୍ରତୀକ ପାଇକ ସଂଗ୍ରାମର ସ୍ମାରକକୁ ସ୍ୱୀକୃତି ପ୍ରଦାନ କରିଛନ୍ତି। ଆମ ସରକାର ପାଇକ ସଂଗ୍ରାମର ସମ୍ମାନରେ ମୁଦ୍ରା ଓ ଡ଼ାକଟିକେଟ ମଧ୍ୟ ଜାରୀ କରିଥିଲେ ।
********
ଭୁବନେଶ୍ୱର, ତା.୧୧/୦୫: ଆଦରଣୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଶନିବାର ଦିନ ଓଡିଶାର କନ୍ଧମାଳ, ବଲାଙ୍ଗୀର ଓ ବରଗଡରେ ଆୟୋଜିତ ବିଶାଳ ଜନସଭା ଗୁଡିକୁ ସମ୍ବୋଧିତ କରିଥିଲେ । ଏହି ଅବସରରେ ପ୍ରଧାନମନ୍ତ୍ରୀ ବିଜେଡି ସରକାର ଉପରେ କେନ୍ଦ୍ର ସରକାରଙ୍କ ଯୋଜନା ଗୁଡିକୁ ଲାଗୁ କରାଇ ଦେଉ ନ ଥିବା ଓ ଚାଷୀ ମାନଙ୍କୁ ଅଣଦେଖା କରୁଥିବା ନେଇ ଟାର୍ଗେଟ କରିଛନ୍ତି । ଏହି ଅବସରରେ ସେ କଂଗ୍ରେସ ଉପରେ ମଧ୍ୟ ଆକ୍ରମଣ କରିଛନ୍ତି । ସେ ମହାପ୍ରଭୁ ଜଗନ୍ନାଥଙ୍କ ରତ୍ନଭଣ୍ଡାରର ଚାବି ହଜିବାକୁ ନେଇ ମଧ୍ୟ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି । ଏହି କାର୍ଯ୍ୟକ୍ରମ ଗୁଡିକରେ କେନ୍ଦ୍ର ମନ୍ତ୍ରୀ ତଥା ସମ୍ବଲପୁରରୁ ପ୍ରାର୍ଥୀ ଧର୍ମେନ୍ଦ୍ର ପ୍ରଧାନ, କନ୍ଧମାଳର ପ୍ରାର୍ଥୀ ସୁକାନ୍ତ ପାଣିଗ୍ରାହୀ, ବଲାଙ୍ଗୀରରୁ ପ୍ରାର୍ଥୀ ଶ୍ରୀମତୀ ସଂଗୀତା ସିଂହଦେଓ ଓ ବରଗଡରୁ ପ୍ରାର୍ଥୀ ପ୍ରଦୀପ ପୁରୋହିତ ଉପସ୍ଥିତ ଥିଲେ ।
ଯଶସ୍ୱୀ ପ୍ରଧାନମନ୍ତ୍ରୀ କହିଛନ୍ତି ଯେ ତୁଳା ବେହେରା ନାମକ ଜଣେ ମା ଆସି ମୋତେ ସମ୍ମାନ କଲେ ଓ ତାଙ୍କ କାହାଣୀ ଶୁଣି ମୁଁ ଭାବ ବିଭୋର ହୋଇଗଲି । ତୁଳା ବେହେରା ମା ଭିକ୍ଷା ମାଗିଥାନ୍ତି ଓ ସେ ଭିକ୍ଷା ମାଗି ଭଗବାନ ଜଗନ୍ନାଥଙ୍କୁ ଏକ ଲକ୍ଷ ଟଙ୍କା ସମର୍ପିତ କରିଛନ୍ତି । ଏଭଳି ପବିତ୍ର ମନ ବିଶିଷ୍ଟ ମା ଯେତେବେଳେ ମୋତେ ଆଶୀର୍ବାଦ ଦେବାକୁ ଆସିଲେ, ମୋତେ ଲାଗୁଛି ଯେ ପୂରା ଓଡିଶା ମୋତେ ଆଶୀର୍ବାଦ ଦେଉଛି । ଆଜି ମୋତେ ଓଡିଶାର ଗ୍ରାମୀଣ ଭାଷାରେ କବିତା ଲେଖୁଥିବା ପୂର୍ଣମାସୀ ଜାନୀଙ୍କୁ ପଦ୍ମ ପୁରସ୍କାର ଦେବାକୁ ମୋତେ ସୌଭାଗ୍ୟ ମିଳିଛି । ଭୁବନେଶ୍ୱରରେ ଗତ କାଲି ସଂଧ୍ୟାରେ ଅପାର ଜନସମୂହ ବିଜେପିକୁ ପ୍ରଚଂଡ ଆଶୀର୍ବାଦ ଦେଉଥିଲା ଓ ମୁଁ ଓଡିଶାର ଜନ ସାଧାରଣଙ୍କ ଏହି ସ୍ନେହର ଋଣକୁ ଓଡିଶାକୁ ବିକଶିତ କରିବାକୁ ଅଥକ ପରିଶ୍ରମ କରି ପରିଶୋଧ କରିବି । ବିଜେପି ବଲାଙ୍ଗୀରର ନରସିଂହ ପ୍ରସାଦ ଗୁରି ଜୀଙ୍କ ବ୍ୟତୀତ ଚଳିତ ବର୍ଷ ବିନୋଦ କୁମାର ପଶାୟକ, ଭାଗବତ ପ୍ରଧାନ, ଗୋପୀନାଥ ଓ ବିନୋଦ ମହାରଣାଙ୍କୁ ପଦ୍ମ ପୁରସ୍କାର ପ୍ରଦାନ କରିଛି ।
ଶ୍ରୀ ମୋଦୀ କହିଛନ୍ତି ଯେ 26 ବର୍ଷ ପୂର୍ବେ ଆଜିର ଦିନରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ପୋଖରଣ ଠାରେ ପରମାଣୁ ପରୀକ୍ଷଣ କରିଥିଲେ ଓ ବିଜେପି ଦେଖାଇ ଦେଇଥିଲା ଯେ ଦେଶ ଭକ୍ତିରେ ଓତପ୍ରୋତ ସରକାର ଦେଶର ସ୍ୱାର୍ଥ ଓ ଦେଶର ସୁରକ୍ଷା ପାଇଁ କିପରି କାମ କରିଥାଏ । ବିଜେପି ସରକାର ଦ୍ୱାରା କରାଯାଇଥିବା ପରମାଣୁ ପରୀକ୍ଷଣ ପ୍ରତ୍ୟେକ ଦେଶରେ ରହୁଥିବା ଭାରତୀୟ ମାନଙ୍କୁ ଗର୍ବରେ ଓତୋପ୍ରତ କରି ଦେଇଥିଲା । ତାହା ଗୋଟିଏ ଦିନ ଥିଲା ଯେତେବେଳେ ଭାରତ ବିଶ୍ୱରେ ନିଜର ସାମର୍ଥ୍ୟର ପରିଚୟ କରାଇଥିଲା ଓ ଅନ୍ୟ ପଟେ କଂଗ୍ରେସ ବାରମ୍ବାର ନିଜ ଦେଶକୁ ଡରାଇବାର ପ୍ରୟାସ କରିଛି ।
କଂଗ୍ରେସ ନେତା ପାକିସ୍ତାନ ନିକଟରେ ପରମାଣୁ ଅସ୍ତ୍ର ଥିବା ଧମକ ଦେଇ ଦେଶର ମନକୁ ମାରୁଛନ୍ତି, କିନ୍ତୁ ପାକିସ୍ତାନର ଅବସ୍ଥା ଏତେ ଖରାପ ଯେ, ଏହି ଦେଶ ପରମାଣୁ ଅସ୍ତ୍ରକୁ ସମ୍ଭାଳିବାର ସ୍ଥିତିରେ ନାହିଁ ଏବଂ ଏହି ଅସ୍ତ୍ରକୁ ବି କେହି କିଣିବାକୁ ପ୍ରସ୍ତୁତ ନାହାନ୍ତି । କଂଗ୍ରେସର ଏହି ଦୁର୍ବଳ ଆଭିମୁଖ୍ୟର କାରଣରୁ ଜମ୍ମୁ କଶ୍ମୀର 60 ବର୍ଷ ଯାଏ ଆତଙ୍କବାଦକୁ ସହିଛି ଏବଂ କଂଗ୍ରେସ ଆତଙ୍କବାଦୀଙ୍କୁ ଶିକ୍ଷା ଦେବା ବଦଳରେ ଆତଙ୍କୀ ସଙ୍ଗଠନ ସହିତ ବୈଠକ କରିଥାଏ । 26/11ରେ ଭୟଙ୍କର ଆତଙ୍କବାଦୀ ଆକ୍ରମଣ ପରେ କଂଗ୍ରେସର ସାହସ ନଥିଲା, ଯେ ଆତଙ୍କବାଦୀଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ କାରଣ କଂଗ୍ରେସକୁ ଭୋଟବ୍ୟାଙ୍କର ଡର ଥିଲା । କଂଗ୍ରେସର ଯୁବରାଜ 2014, 2019 ଓ 2024ର ନିର୍ବାଚନୀ ଭାଷଣରେ ଗୋଟିଏ ହିଁ ସ୍କ୍ରିପ୍ଟ ପଢିଚାଲିଛନ୍ତି ଏବଂ ଏବେ ଲିଖିତ ଭାବେ ରଖିବା ବିଷୟରେ କଥା କହୁଛନ୍ତି, କିନ୍ତୁ କଂଗ୍ରେସ ଏବେ ଲେଖିକି ରଖୁ ଯେ, ଏଥର ଲୋକେ ଏନଡିଏକୁ 4ଶହରୁ ଅଧିକ ସିଟରେ ବିଜୟୀ କରିବାରେ ଏବଂ କଂଗ୍ରେସକୁ ଅଧିକୃତ ବିରୋଧୀ ପାଇଁ ଆବଶ୍ୟକ ସିଟ ବି ନଦେବାକୁ ସ୍ଥିର କରିନେଇଛନ୍ତି । କଂଗ୍ରେସ 50ରୁ କମ୍ ସିଟରେ ସୀମିତ ରହିବ ।
ଆଦରଣୀୟ ପ୍ରଧାନମନ୍ତ୍ରୀ କହିଛନ୍ତି ଯେ, ବିକଶିତ ଓଡ଼ିଶା ଓ ବିକଶିତ ଭାରତର ସଂକଳ୍ପ ପାଇଁ ଏହି ନିର୍ବାଚନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ ଏବଂ ଲୋକଙ୍କର ଗୋଟିଏ ଗୋଟିଏ ଭୋଟ ବହୁତ ଆବଶ୍ୟକ ଅଟେ । ଓଡ଼ିଶା ଏହି ନିର୍ବାଚନରେ ପ୍ରଥମ ଥର ଡବଲ ଇଂଜିନ ସରକାର ଏବଂ ପୂରା 21ସିଟରେ ବିଜେପିକୁ ବିଜୟୀ କରିବାକୁ ସ୍ଥିର କରିଛି । ବିଜେପି ‘ବିକାଶ ବି ଏବଂ ଐତିହ୍ୟ ବି’ ମନ୍ତ୍ର ନେଇ ଦେଶକୁ ଆଗକୁ ବଢାଉଛି । ବିଜେପି ସରକାରରେ ହିଁ ଦେଶର 5ଶହ ବର୍ଷର ପ୍ରତୀକ୍ଷା ପୂରଣ ହୋଇଛି ଏବଂ ଅଯୋଧ୍ୟାରେ ଭବ୍ୟ ରାମ ମନ୍ଦିର ଦେଖି ଆଜି ଦେଶକୁ ଗର୍ବ ହେଉଛି । ରାମଲଲା ବି ଆଜି ଦେଶକୁ ଆଶୀର୍ବାଦ ଦେଉଛନ୍ତି । ରାଜ୍ୟ ବିଜେପି ବି ଓଡ଼ିଆ ଭାଷା ଓ ସଂସ୍କୃତି ପ୍ରତି ସମର୍ପିତ ଅଟେ । ରାଜ୍ୟରେ ବିଜେପି ସରକାର ଗଠନ ହେଲେ ଓଡ଼ିଶା ଓ ଓଡ଼ିଆ ଭାଷା ଓ ସଂସ୍କୃତି ସହିତ ଜଡିତ ନିଜର ମୁଖ୍ୟମନ୍ତ୍ରୀ ମିଳିବ ଏବଂ ଜୁନ 4ରେ ବିଜେଡି ସରକାରର ଏକ୍ସପାଏରୀ ତାରିଖ ଅଟେ । ସମସ୍ତେ ଜାଣନ୍ତି ଯେ, ବିଜେଡି ସରକାର ଓଡ଼ିଶାରେ ବିକାଶ କାର୍ଯ୍ୟ କରିବାରେ ବିଫଳ ରହିଛି । ସମସ୍ତେ ଜାଣନ୍ତି ଯେ, ବିଜେଡି ସରକାର କିଏ ଚଳାଉଛି ? ବିଜେଡିରେ ଜଣେ ସୁପର ସିଏମ ଅଛି, ଯିଏ ଲୋକଙ୍କ ଦ୍ୱାରା ଚୟନ ହୋଇନାହିଁ, ବିଜେଡି ଏଭଳି ବ୍ୟକ୍ତିକୁ ମୁଖ୍ୟମନ୍ତ୍ରୀ ପଦ ଦେଇଛି ଯିଏକି ଓଡ଼ିଶାର ସାଂସ୍କୃତିକ ମୂଲ୍ୟବୋଧ ସହିତ ପରିଚିତ ନୁହେଁ ।
ଶ୍ରୀ ମୋଦି କହିଛନ୍ତି ଯେ, କଂଗ୍ରେସ ସମ୍ବିଧାନ ବଦଳିବାକୁ ଚାହୁଁଛି । ସିଏ ଅନୁସୂଚିତ ଜାତି, ଜନଜାତି ଓ ଓବିସିର ସଂରକ୍ଷଣର ଅଧିକାର ଛଡାଇ ନିଜର ଭୋଟବ୍ୟାଙ୍କକୁ ଦେବାକୁ ଚାହଁଛି, କିନ୍ତୁ ଭାରତୀୟ ସମ୍ବିଧାନର ସଂରକ୍ଷକ ଜଣେ ଆଦିବାସୀ ମହିଳା ଅଟନ୍ତି ଏବଂ ଆପଣଙ୍କ ପ୍ରଧାନମନ୍ତ୍ରୀ ଓବିସି ସମୁଦାୟରୁ ଅଟନ୍ତି । ମୁଁ ଆପଣଙ୍କୁ ବିଶ୍ୱାସ ଦେଉଛି ଯେ, କେହି ବି ଆପଣଙ୍କ ଅଧିକାର ଛଡାଇବେ ନାହିଁ । ଯେତେବେଳେ ଜଣେ ଆଦିବାସୀ ଝିଅ ତଥା ଦେଶର ରାଷ୍ଟ୍ରପତି ଶ୍ରୀମତି ଦ୍ରୌପଦୀ ମୁର୍ମୁ ରାମଲଲାଙ୍କ ଦର୍ଶନ କରି ଆସିଲେ, ତାର ପରଦିନ କଂଗ୍ରେସର ଜଣେ ବଡ ନେତା ଘୋଷଣା କରିଥିଲେ ଏବେ ଆମେ ଗଙ୍ଗାଜଳରେ ଧୋଇ ରାମମନ୍ଦିରର ଶୁଦ୍ଧିକରଣ କରିବୁ । ଏହା ଦେଶର ଆଦିବାସୀ ସମାଜର ଏବଂ ମାଆ-ଝିଅଙ୍କର ଅପାମନ ଅଟେ । ମୁଁ ଚାହୁଁଛି ଯେ, ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଅପମାନ କରିଥିବା କଂଗ୍ରେସର ସମସ୍ତ ସିଟରେ ଜାମିନ ଜବତ ହେବା ଉଚିତ, କାରଣ ସେମାନେ ବହୁତ ବଡବଡ ପାପ କରିଛନ୍ତି ।
ଆଦରଣୀୟ ପ୍ରଧାନମନ୍ତ୍ରୀ କହିଛନ୍ତି ଯେ, 7ଦଶନ୍ଧି ପୂର୍ବରୁ ଶ୍ରୀ ଜଗନ୍ନାଥ ମନ୍ଦିରର ପ୍ରବନ୍ଧନ ପାଇଁ ନିୟମ କରାଯାଇଥିଲା । ଗୋଟିଏ ନିୟମ ହେଉଛି ମନ୍ଦିରର ସୁନା, ରୂପା, ସ୍ଥାବର ଅସ୍ଥାବର ସଂପତ୍ତିର ରେକର୍ଡ ରଖାଯିବ । ଶ୍ରୀ ରତ୍ନଭଣ୍ଡାରରେ ରଖାଯାଇଥିବା ମୂଲ୍ୟବାନ ସାମଗ୍ରୀର ଏକ ତାଲିକା ପ୍ରସ୍ତୁତ କରାଯାଇଥିଲା ଏବଂ ଏହି ରତ୍ନଭଣ୍ଡାରକୁ ଶେଷଥର ଆକଳନ 45 ବର୍ଷ ପୂର୍ବରୁ କରାଯାଇଥିଲା, ସେତେବେଳେ ଆଭୂଷଣ ଓ ରତ୍ନ ଏତେ ଅଧିକ ଥିଲା ଯେ, ଏହି ଖଜାନାକୁ ଅମୂଲ୍ୟ କରି ମୂଲ୍ୟାଙ୍କନ କରୁଥିବା ଲୋକେ ନିଜ ହାତ ଟେକିଦେଇଥିଲେ । ଅଧିକାରିକ ଭାବେ ଶ୍ରୀ ରତ୍ନଭଣ୍ଡାର ଗତ 40 ବର୍ଷରୁ ଖୋଲାଯାଇନାହିଁ, କିନ୍ତୁ ଶ୍ରୀରତ୍ନଭଣ୍ଡାରର ଗର୍ଭଗୃହରର ଭିତର କକ୍ଷର ଚାବି ଗତ 6ବର୍ଷରୁ ମିଳୁନାହିଁ । ଚାବି କେଉଁଠି ଅଛି ଓ କାହା ପାଖରେ ଅଛି କଣ ଲୋକଙ୍କ ଜାଣିବାର ଅଧିକାର ନାହିଁ? ରାଜ୍ୟ ସରକାର କହୁଛନ୍ତି ଯେ, ରତ୍ନଭଣ୍ଡାରର ଡୁପ୍ଲିକେଟ ଚାବି ମିଳିଛି, ଏହି ଡୁପ୍ଲିକେଟ ଚାବି କାହିଁକି ତିଆରି ହୋଇଛି ? କଣ ସେହି ଚାବିରେ ରାତିରେ ରତ୍ନଭଣ୍ଡାର ଖୋଲାଯାଉଛି ? ଏହି ମାମଲାର ଯାଂଚ ରାଜ୍ୟ ସରକାର ଏକ କମିଶନକୁ ଦେଇଥିଲେ କିନ୍ତୁ ସେହି ରିପୋର୍ଟ ଓଡ଼ିଶା ସରକାର ସାର୍ବଜନୀନ କରିନାହାନ୍ତି । ବିଜେଡି ସରକାର ଏହି ବିଷୟରୁ କାହିଁକି ଦୌଡୁଛନ୍ତି । ରାଜ୍ୟ ସରକାର କାହାର ପାପକୁ ସୁରକ୍ଷା ଦେବାକୁ ଉଦ୍ୟମ କରୁଛନ୍ତି । ରାଜ୍ୟରେ ବିଜେପି ସରକାର ଗଠନ ହେବା ପରେ ଶ୍ରୀରତ୍ନଭଣ୍ଡାରର ପାରଦର୍ଶିତା ଓ ପ୍ରତିଷ୍ଠାକୁ ପୁଣି ଥରେ ସ୍ଥାପିତ କରାଯିବ ଏବଂ ଏହା ମୋଦିର ଗ୍ୟାରେଂଟି ଅଟେ ।
ଶ୍ରୀ ମୋଦି କହିଛନ୍ତି ଯେ, ଆପଣଙ୍କ ସେବକ ମୋଦି ଆପଣଙ୍କ ପାଇଁ ଦିନ ରାତି ପରିଶ୍ରମ କରୁଛି । ମୋଦିର ଉଦ୍ୟମରୁ ଗତ 10 ବର୍ଷରେ 25କୋଟି ଲୋକ ଦାରିଦ୍ରତାରୁ ମୁକ୍ତ ହୋଇଛନ୍ତି । ଯେତେବେଳ ଯାଏ ଦେଶରେ ଗୋଟିଏ ବି ଗରିବ ଥିବ ମୋଦି ଶାନ୍ତିର ବସିବ ନାହିଁ । ମୋଦି ପକ୍କା ଘର ଏବଂ ନିଶୁଳ୍କ ରାସନର ଗ୍ୟାରେଂଟି ଦେଉଛି ଏବଂ ଏହାର ବହୁତ ବଡ ଲାଭ ଆଦିବାସୀ ସମାଜର ଲୋକଙ୍କୁ ହୋଇଛି । ବିଜେପି ପିଏମ ସୂର୍ଯ୍ୟ ଘର ଯୋଜନା ଆଣିଛି, ଯାହାଦ୍ୱାରା ଘରେ ସୌର ପ୍ୟାନେଲ ଲଗାଇବା ପାଇଁ ପ୍ରାୟ 75 ହଜାର ଟଙ୍କାର ସହାୟତା ପ୍ରଦାନ କରାଯାଉଛି । ଏହାଦ୍ୱାରା ବିଜୁଳି ବିଲ୍ ଶୂନ୍ୟ ହେବା ସହିତ ହିତାଧିକାରୀ ବିଜୁଳି ବିକ୍ରି କରିପାରିବେ. ଏହାଦ୍ୱାରା ଲୋକଙ୍କ ଆୟ ବି ହେବ ।
ମୋଦୀ ଆପଣଙ୍କୁ ମାଗଣା ଚିକିତ୍ସା ସୁବିଧା ଦେବାକୁ ଚାହୁଁଛି ମାତ୍ର ଓଡିଶା ର ବିଜେଡି ସରକାର ରାଜ୍ୟରେ ଆୟୁଷ୍ମାନ ଭାରତ ଯୋଜନା ଲାଗୁ ହେବାକୁ ଦେଉନାହିଁ । ଓଡିଶାର ଜନତା ଯେତେବେଳେ ରାଜ୍ୟରେ ଭାଜପା ସରକାର ଗଢିବ ୫ ଲକ୍ଷ ପର୍ଯ୍ୟନ୍ତ ମାଗଣା ଚିକିତ୍ସା ର ଯୋଜନା ରାଜ୍ୟରେ ଲାଗୁ ହୋଇଯିବ । ଏହି ଅଞ୍ଚଳରେ ପର୍ଯ୍ୟଟନର ଅସୀମ ସମ୍ଭାବନା ରହିଛି । ପର୍ଯ୍ୟଟନ ବଢିଲେ ରୋଜଗାର ବଢେ ଏବଂ ଲୋକଙ୍କ ଆମଦାନୀ ମଧ୍ୟ ବଢେ କିନ୍ତୁ ବିଜେଡି ସରକାରର ଉଦାସୀନତା କାରଣରୁ ଏଠାରେ ପର୍ଯ୍ୟଟନ ମଧ୍ୟ ବରବାଦ । ଭାଜପା ସରକାର ଚାଷୀଙ୍କ ହିତକୁ ସର୍ବୋଚ୍ଚ ପ୍ରାଥମିକତା ଦିଏ କିନ୍ତୁ ବିଜେଡି ସରକାର ଧାନ ଚାଷୀଙ୍କୁ ହଇରାଣ କରି ରଖିଛନ୍ତି । ବିଜେଡି ସରକାର ଧାନ ଚାଷୀଙ୍କୁ ସମ୍ପୂର୍ଣ୍ଣ ଏମଏସପି ଦେଉନାହିଁ ଏଥିପାଇଁ ଓଡିଶାର ଭାଜପା ଘୋଷଣା କରିଛି ଯେ ଭାଜପା ସରକାର ୩୧୦୦ ଟଙ୍କା ପ୍ରତି କ୍ୱିଣ୍ଟାଲ ହିସାବରେ ଧାନ କିଣିବ ଓ ୪୮ ଘଣ୍ଟା ମଧ୍ୟରେ ଚାଷୀଙ୍କ ଖାତାକୁ ପଇସା ପଠାଯିବ । କନ୍ଧମାଳର ହଳଦୀକୁ ମୋଦୀ ସରକାର ଜିଆଇ ଟ୍ୟାଗ୍ ଦେଇଛି କିନ୍ତୁ ବିଜେଡି ସରକାର ହଳଦୀ ଚାଷୀଙ୍କୁ ମଧ୍ୟ ସମସ୍ୟା ମଧ୍ୟରେ ରଖିଛନ୍ତି । ଏଠାରେ ପର୍ଯ୍ୟାପ୍ତ ଭଣ୍ଡାରର ସୁବିଧା ନାହିଁ ଏଥିପାଇଁ ଓଡିଶା ଭାଜପା କନ୍ଧମାଳରେ ମସଲା ପାର୍କ ନିର୍ମାଣ କରିବାକୁ ଘୋଷଣା କରିଛି । ଭାଜପା ସରକାର ଜାତୀୟ ହଳଦୀ ବୋର୍ଡର ଗଠନ କରିଛନ୍ତି । ଯେତେବେଳ ପର୍ଯ୍ୟନ୍ତ ଏଠାରେ ବିଜେଡି ସରକାର ରହିବ ସେତେ ଯାଏଁ ହିତାଧିକାରୀଙ୍କୁ ସେମାନଙ୍କୁ ସମ୍ପୂର୍ଣ୍ଣ ଅଧିକାର ମିଳିପାରିବ ନାହିଁ । ବିଜେଡି ନେତାମାନେ ଏକାଧିକ ବଙ୍ଗଳା ଓ ଗାଡି କିଣି ସାରିଲେଣି କିନ୍ତୁ ଏଠାକାର ଯୁବକ ପଳାଇଯିବାକୁ ବାଧ୍ୟ ହେଉଛନ୍ତି ।
ମାନନୀୟ ପ୍ରଧାନମନ୍ତ୍ରୀ ଜୀ କହିଛନ୍ତି ଯେ ଭାଜପା ସରକାର ଜି୨୦ ମାଧ୍ୟମରେ ଓଡିଶାର କୋଣାର୍କ ସୂର୍ଯ୍ୟ ମନ୍ଦିରକୁ ବୈଶିକ ପରିଚୟ ଦେଇଛନ୍ତି ଏବଂ ଓଡିଶାର ପାଇକ ସଂଗ୍ରାମର ସ୍ମାରକକୁ ସ୍ୱିକୃତୀ ଦେବା ସହିତ ଏହି ସଂଗ୍ରାମର ସମ୍ମାନରେ ଏକ ମୁଦ୍ରା ଓ ଡାକ ଟିକେଟ୍ ମଧ୍ୟ ଜାରି କରିଛନ୍ତି । ଭାଜପା ସରକାର ୩ କୋଟି ମହିଳାଙ୍କୁ ଲକ୍ଷପତି ଦିଦି କରିବାକୁ ସଂକଳ୍ପ ନେଇଛି , ଏହା ବ୍ୟତୀତ ଭାଜପା ସରକାର ହୋମଷ୍ଟେ ପାଇଁ ସହାୟତା ଦେଉଛି । ଓଡିଶା ଭାଜପା ମହିଳାଙ୍କ ପାଇଁ ସୁଭଦ୍ରା ଯୋଜନାର ମଧ୍ୟ ଘୋଷଣା କରିଛି ଯାହା ମହିଳାଙ୍କ ପାଇଁ ବଡ ସମ୍ବଳ ହେବ । ମୋଦୀ ସରକାରର ସମ୍ବଳ ଅଭିଯାନରେ ପ୍ରତି ଗର୍ଭବତୀ ମହିଳାଙ୍କ ଖାତାକୁ ୬ ହଜାର ଟଙ୍କା ପଠାଯାଉଛି କିନ୍ତୁ ବିଜେଡି ଓଡିଶାରେ ଏହି ଯୋଜନ ଉପରେ ପ୍ରତିବନ୍ଧକ ଲଗାଇଛି ।
ଶ୍ରୀ ମୋଦୀ କହିଛନ୍ତି ଯେ ଯେଉଁମାନଙ୍କୁ କେହି ପଚାରି ନଥିଲେ ସେମାନଙ୍କୁ ମୋଦୀ ପୂଜା କରିଛି । ଏଠାକାର ବିଶ୍ୱକର୍ମା ସମାଜ ପାଇଁ ଭାଜପା ସରକାର ୧୩ ହଜାର କୋଟି ଟଙ୍କାର ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା ତିଆରି କରିଛନ୍ତି । ଏଠାକାର ଭୂଇୟାଁ, ଭୂଞ୍ଜିୟା, ବଣ୍ଡା ପରଜା ଓ ମାଙ୍କଡିଆ ଭଳି ଅତି ପଛୁଆ ଜନଜାତିମାନଙ୍କ ପାଇଁ ମୋଦୀ ୨୪ ହଜାର କୋଟି ଟଙ୍କା ବ୍ୟୟରେ ପ୍ରଧାନମନ୍ତ୍ରୀ ଜନମନ ଯୋଜନା କରାଯାଇଛି ଏବଂ ଏହି ଯୋଜନା ଓଡିଶାର ଝିଅ ତଥା ଆମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁଙ୍କ ମାର୍ଗଦର୍ଶନରେ ଆକାର ନେଇଛି । ବିଜେଡି ଓ କଂଗ୍ରେସ କନ୍ଧମାଳକୁ ପଛୁଆ ଜିଲ୍ଲା ଘୋଷଣା କରି ହାତ ଛାଡି ଦେଇଥିଲା କିନ୍ତୁ ମୁଁ ଏହି ଜିଲ୍ଲାକୁ ଆକାଂକ୍ଷୀ ଜିଲ୍ଲା ଘୋଷଣା କରି ଏହାକୁ ବିକଶିତ କରିବାକୁ ସଂକଳ୍ପ ନେଇଛି । ପ୍ରତି ଆକାଂକ୍ଷୀ ଜିଲ୍ଲାର ପ୍ରତିଦିନ ମନିଟରିଂ ହେଉଛି । ଭାଜପା ସରକାର ଏଠାରେ ବହୁ ଏକଲବ୍ୟ ବିଦ୍ୟାଳୟ ଆବଣ୍ଟିତ କରିଛି କିନ୍ତୁ ବିଜେଡିର ନେତା ଶିକ୍ଷା ସଂସ୍ଥାଗୁଡିକ ଉପରେ କବଜା କରି ବସିଛନ୍ତି । ବିଜେଡିର ନେତା ଏଠାରେ ଆଦିବାସୀଙ୍କ ଜମି ହଡପ୍ କରୁଛନ୍ତି । ଏଠାରେ ଭାଜପା ସରକାର ଆସିବା ପରେ ପ୍ରତି ମାଫିଆ ଉପରେ କଡା କାର୍ଯ୍ୟାନୁଷ୍ଠାନ ନିଆଯିବ ।
ଆଦରଣୀୟ ପ୍ରଧାନମନ୍ତ୍ରୀ ଜୀ କହିଛନ୍ତି ଯେ ପଦ୍ମ ଅଛି ତ ଶାନ୍ତି ଓ ବିକାଶ ଅଛି , ପଦ୍ମ ଅଛି ତ ଜ୍ଞାନ ଓ ବିଜ୍ଞାନ ଅଛି , ପଦ୍ମ ଅଛି ତ ପ୍ରତି ନାରୀର ସମ୍ମାନ ଅଛି, ପଦ୍ମ ଅଛି ତ ସଂକଳ୍ପର ସିଦ୍ଧି ଅଛି , ପଦ୍ମ ଅଛି ତ ସୁରକ୍ଷା ଅଛି , ପଦ୍ମ ଅଛି ତ ଆତ୍ମନିର୍ଭରତାକୁ ଶକ୍ତି ମିଳିଛି , ପଦ୍ମ ଅଛି ତ ଗୌରବମୟ ଐତିହ୍ୟ ଅଛି , ପଦ୍ମ ଅଛି ତ ବିଜୟ ଓ ବିଶ୍ୱାସ ଅଛି , ପଦ୍ମ ପଛି ତ ମାନ ଅଛି ସମ୍ମାନ ଅଛି ଏବଂ ଅଭିମାନ ଅଛି । ପଦ୍ମ ଅଛି ତ ପ୍ରଗତି ପଥରେ ହିନ୍ଦୁସ୍ଥାନ ଅଛି । ବର୍ଷ ବର୍ଷ ଧରି ମୁଖ୍ୟମନ୍ତ୍ରୀ ପଦରେ ବସିଥିବା ନବୀନ ପଟ୍ଟନାୟକଙ୍କୁ ଜଣାଇବାକୁ ହେବ ଯେ ଓଡିଶାର ଜନତା ତାଙ୍କ ଯୋଗୁଁ ଦୁଃଖୀ କଣ ପାଇଁ ? ନବୀନ ପଟ୍ଟନାୟକ ଓଡିଶାର ସବୁ ଜିଲ୍ଲାମାନଙ୍କ ନାଁ ବିନା କାଗଜ ପଢି କହିପାରିବେ ନାହିଁ । ଯେଉଁ ମୁଖ୍ୟମନ୍ତ୍ରୀ ନିଜ ଜିଲ୍ଲାର ନାଁ ବିନା କାଗଜ ପଢାରେ କହିପାରିବେନି , ସେ ଜନତାଙ୍କ ଦୁଃଖ କଷ୍ଟ କେମିତି ଜାଣିବେ? ଜନତା ଏଭଳି ନେତାଙ୍କ ଭରସାରେ ନିଜ ଭବିଷ୍ୟତ ଛାଡି ପାରିବେ ନାହିଁ । ଭାଜପା ଓଡିଶାକୁ ୧ ନମ୍ବର ରାଜ୍ୟ କରିବାକୁ ସଂକଳ୍ପ ନେଇଛି । ଓଡିଶା ପାଖରେ ଗୁଜରାଟ ଠାରୁ ଶହେ ଗୁଣା ଅଧିକ ଶକ୍ତି ଅଛି , ଯଦି ଗୁଜରାଟ ଆଗକୁ ବଢିଗଲା ତେବେ ଓଡିଶା ପଛରେ କେମିତି ରହିଗଲା ? ଓଡିଶା ପାଖରେ ଖଣିର ଭଣ୍ଡାର ଅଛି , ଏଥିପାଇଁ ଏଠାକାର ମାଟି ସହ ଜଡିତ ବ୍ୟକ୍ତି ହିଁ ଏଠାକାର ମୁଖ୍ୟମନ୍ତ୍ରୀ ହୋଇ ଓଡିଶାକୁ ୧ ନମ୍ବର ରାଜ୍ୟ କରିପାରିବ । ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଜୀ ଭାଜପାର ସ୍ଥାନୀୟ ଲୋକସଭା ଓ ବିଧାନସଭା ପ୍ରାର୍ଥୀଙ୍କୁ ବିଜୟୀ କରି ରାଜ୍ୟରେ ଭାଜପା ସରକାର ଓ କେନ୍ଦ୍ରରେ ପୁଣି ଥରେ ମୋଦୀ ସରକାର ଗଢିବାକୁ ଆହ୍ୱାନ ଦେଇଛନ୍ତି ।