ଭୁବନେଶ୍ୱର:ଦିଲ୍ଲୀ’;PPF Invest: ଦୈନିକ ମାତ୍ର ୧୦୦ ଟଙ୍କା ସଂଚୟ କରି ଏହି ସରକାରୀ ଯୋଜନାରେ ପାଆନ୍ତୁ ୧୦ ଲକ୍ଷ

ଆଜିର ଦର ଦାମ୍ ବୃଦ୍ଧି ଯୁଗରେ, ସମସ୍ତେ ସେମାନଙ୍କର ରୋଜଗାରର କିଛି ସଞ୍ଚୟ କରିବାକୁ ଚାହୁଁଛନ୍ତି ଏବଂ ଏହାକୁ ଏପରି ସ୍ଥାନରେ ବିନିଯୋଗ କରିବାକୁ ଚାହୁଁଛନ୍ତି ଯେଉଁଠାରେ ସେମାନେ କେବଳ ରିଟର୍ଣ୍ଣ ନୁହେଁ ବରଂ ସେମାନଙ୍କ ଟଙ୍କାକୁ ମଧ୍ୟ ସୁରକ୍ଷିତ ରଖି ପାରିବେ ।ଏହି ପରିପ୍ରେକ୍ଷୀରେ, ପିପିଏଫ୍ ସ୍କିମ୍ ବହୁତ ଲୋକପ୍ରିୟ ଏବଂ ୭ ପ୍ରତିଶତରୁ ଅଧିକ ରିଟର୍ଣ୍ଣ ପାଇବା ବ୍ୟତୀତ ସରକାର ନିଜେ ଆପଣଙ୍କ ବିନିଯୋଗର ସୁରକ୍ଷା ନିଶ୍ଚିତ କରନ୍ତି ।ଯଦି ଆପଣ ହିସାବ କରିବେ, ତେବେ ଆପଣ ପ୍ରତିଦିନ ୧୦୦ ଟଙ୍କା ସଂଚୟ କରି ଏହି ସରକାରୀ ଯୋଜନା ମାଧ୍ୟମରେ ୧୦ ଲକ୍ଷ ଟଙ୍କା ଯୋଡ଼ି ପାରିବେ।ତେବେ କେମିତି ଆସନ୍ତୁ ଜାଣିବା ।

ପୁଞ୍ଜି ବିନିଯୋଗ ଦୃଷ୍ଟିରୁ ବଜାରରେ ଏପରି ଅନେକ ଯୋଜନା ଉପଲବ୍ଧ ଯାହାକି ଉତ୍କୃଷ୍ଟ ରିଟର୍ଣ୍ଣ ପ୍ରଦାନ କରୁଛନ୍ତି| କିନ୍ତୁ, ଏଥି ମଧ୍ୟରୁ ଅଧିକାଂଶରେ ସ୍କିମ ବିପଦ ମଧ୍ଯ ରହିଥାଏ| କିନ୍ତୁ PPF ବିନିଯୋଗରେ ବିପଦର କୌଣସି ସୁଯୋଗ ନାହିଁ, ବରଂ ସରକାର ନିଜେ ଆପଣଙ୍କ ନିବେଶକୁ ସୁରକ୍ଷା ଦିଅନ୍ତି ।ଏହି ଆକାଉଣ୍ଟ ୧୫ ବର୍ଷରେ ପରିପକ୍ୱ ହୁଏ ଏବଂ ଯଦି ନିବେଶକ ଇଚ୍ଛା କରନ୍ତି, ତେବେ ସେ ଏହାର ଅବଧିକୁ ଆହୁରି ବଢାଇ ମଧ୍ୟ ପାରିବେ।

ଏହି ସରକାରୀ ଯୋଜନାରେ ଏକ ଆକାଉଣ୍ଟ ଖୋଲି ଆପଣ ବାର୍ଷିକ ମାତ୍ର ୫୦୦ ଟଙ୍କା ସହିତ ବିନିଯୋଗ ଆରମ୍ଭ କରିପାରିବେ ଏବଂ ଗୋଟିଏ ବର୍ଷରେ ସର୍ବାଧିକ ୧.୫୦ ଲକ୍ଷ ଟଙ୍କା ଜମା କରିପାରିବେ।ଯଦି ଆମେ ପୁଞ୍ଜି ବିନିଯୋଗରେ ଉପଲବ୍ଧ ସୁଧ ହାରକୁ ଦେଖିବା, ତେବେ ଏଥିରେ ୭.୧ ପ୍ରତିଶତ ସୁଧ ହାର ପ୍ରଦାନ କରାଯାଏ । ତେବେ ସରକାର ଏଥିରେ ପରିବର୍ତ୍ତନ କରୁଛନ୍ତି। ବିଶେଷ କଥା ହେଉଛି ଏହି ଯୋଜନାରେ ବିନିଯୋଗ ମାଧ୍ୟମରେ ଆପଣ ଅନେକ ବ୍ୟାଙ୍କର FD ସ୍କିମ୍ ଅପେକ୍ଷା ଅଧିକ ସୁଧ ପାଇପାରିବେ ।

ବର୍ତ୍ତମାନ ଯଦି ଆମେ ଦୈନିକ ୧୦୦ ଟଙ୍କା ସଞ୍ଚୟ କରି ୧୦ ଲକ୍ଷ ଟଙ୍କା ହିସାବକୁ ଦେଖିବା, ତେବେ ଏହା ଅନୁଯାୟୀ ଆପଣ ପ୍ରତି ମାସରେ ୩୦୦୦ ଟଙ୍କା ସଞ୍ଚୟ କରିପାରିବେ ଏବଂ ଏହି ଅନୁସାରେ ଗୋଟିଏ ବର୍ଷରେ ଆପଣଙ୍କ ସଞ୍ଚୟ ୩୬ ହଜାର ଟଙ୍କା ହୋଇଯିବ ।ସେହିପରି ଆପଣ ଯଦି ୧୫ ବର୍ଷର ପରିପକ୍ୱତା ଅବଧି ପର୍ଯ୍ୟନ୍ତ ସେହି ଅନୁସାରେ ବିନିଯୋଗ କରନ୍ତି, ତେବେ ଆପଣଙ୍କୁ ମୋଟ ୯,୭୬,୩୭୦ ଟଙ୍କା ମିଳିବ । ଏଥିରେ ଆପଣଙ୍କ ଦ୍ୱାରା କରାଯାଇଥିବା ବିନିଯୋଗ ୫.୪୦ ଲକ୍ଷ ଟଙ୍କା ଥିବାବେଳେ ସରକାର ଦେଇଥିବା ସୁଧ ୪,୩୬,୩୭୦ ଟଙ୍କା ହେବ।
ଦୈନିକ ମାତ୍ର ୧୦୦ ଟଙ୍କା ସଂଚୟ କରି ଏହି ସରକାରୀ ଯୋଜନାରେ ପାଆନ୍ତୁ ୧୦ ଲକ୍ଷ।