ସାଇକିଡ୍ସ ପ୍ଲେସ୍କୁଲ ଓ ଡେକେୟରର ବାର୍ଷିକ ଉତ୍ସବ 2024

ଭୁବନେଶ୍ୱର:ଭୁବନେଶ୍ୱରର ରବିଟକିଜ୍ ସ୍ଥିତ ସାଇକିଡ୍ସ ପ୍ଲେସ୍କୁଲ୍ ଓ ଡେକେୟାରର ବାର୍ଷିକ ଉତ୍ସବ ଭଞ୍ଜକଳାମଣ୍ଡପରେ ଆୟୋଜିତ ହୋଇ ସଫଳତାର ସହିତ ପାଳିତ ହୋଇଛି। “ସାଇ ସ୍ମୃତି ସମ୍ମାନ 2024” ଉତ୍ସବର ମୁଖ୍ୟ ଆକର୍ଷଣ ଥିଲା। ଏଥିରେ ବିଭିନ୍ନ ପ୍ରତିଭାଶାଳୀ ପ୍ରତିଯୋଗୀଙ୍କୁ ସମ୍ମାନିତ କରାଯାଇଥିଲା।ଚଳିତ ବର୍ଷର ମୁଖ୍ୟ ଉଦ୍ଘାଟକ ଭାବେ ଶ୍ରୀ ବାବୁ ସିଂ, ମୁଖ୍ୟ ଅତିଥି ଭାବେ ଶ୍ରୀମତୀ ସୁଲୋଚନା ଦାସ, ପୋଲିସ କମିଶନର ଶ୍ରୀ ଏସ୍‌. ଦେବଦତ୍ତ ସିଂହ, ଶିଶୁ ଅଧିକାର ସୁରକ୍ଷା ଅଧ୍ୟକ୍ଷା ଶ୍ରୀମତୀ ମନ୍ଦାକିନୀ କର ଓ ଓଡ଼ିଶା ଗୋ ସେବାର ଅଧ୍ୟକ୍ଷ ଶ୍ରୀ ପ୍ରଦୀପ୍ତ ତ୍ରିପାଠୀ ଯୋଗ ଦେଇଥିଲେ। ସ୍ଥାନୀୟ କର୍ପୋରେଟର ଶ୍ରୀ ନୃପେଶ ନାୟକ ଓ ଶ୍ରୀ ବିରଞ୍ଚି ନାରାୟଣ ମହାସୁପକର ମଧ୍ୟରେ ଅନେକ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ।ଉତ୍ସବର ଅଂଶ ହିସାବରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଓ ପ୍ରତିଯୋଗିତା ଆୟୋଜନ ହୋଇଥିଲା। ପ୍ରତିଭାବାନ ମାନଙ୍କୁ ସମ୍ବର୍ଦ୍ଧନା ମିଳିଥିଲା। ସ୍କୁଲର ନିର୍ଦ୍ଦେଶକ ଶ୍ରୀ ରବି ନାରାୟଣ ମହାରଣା, ଅଧ୍ୟକ୍ଷା ଶ୍ରୀମତୀ ସ୍ମୃତିସୁଧା ପଟ୍ଟନାୟକ ଓ ପରାମର୍ଶଦାତା ଶ୍ରୀ ଉପେନ୍ଦ୍ର ବିଶ୍ୱାଳ ଉତ୍ସବକୁ ସୁଚାରୁ ରୂପେ ପରିଚାଳନା କରିଥିଲେ।ଏହି କାର୍ଯ୍ୟକ୍ରମକୁ ସଫଳ କରିବାରେ ଶିକ୍ଷୟିତ୍ରୀ ଅଞ୍ଜଳି ଦାଶ,ଦୀପ୍ତିଶିଖା ମହାନ୍ତି, ଲାଡଲି ପଣ୍ଡା,ମଧୁସ୍ମିତା ମହାକୁଡ଼, ରଶ୍ମିତା ସେନାପତି,ଜ୍ଯୋତ୍ସ୍ନା ଆଚାର୍ଯ୍ୟ, ସୋମା ଗୋସ୍ୱାମୀ ଓ ପୂର୍ଣ୍ଣିମା ତ୍ରିପାଠୀ ଆଦି ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲେ।
ପରିଶେଷରେ, ସ୍କୁଲର ନିର୍ଦ୍ଦେଶକ ଶ୍ରୀ ରବି ନାରାୟଣ ମହାରଣା ସମସ୍ତଙ୍କୁ ଧନ୍ୟବାଦ ଜଣାଇ ଉତ୍ସବକୁ ଶୁଭେଚ୍ଛାର ସହ ସମାପନ କରିଥିଲେ।