କାର୍ତ୍ତିକେଶ୍ଵର ପୂଜା ଅବସରରେ ନୟାପଲ୍ଲୀର ନୂଆସାହିରେ ପୂଜା ପାଉଛନ୍ତି ଶ୍ରୀ ରାଧାକୃଷ୍ଣ

ଭୁବନେଶ୍ବର ମହାନଗର ନିଗମ ଅଧୀନରେ ଥୀବା ନୟାପଲ୍ଲୀ ୱାର୍ଡ଼ ନଂ-୩୯ର ନୂଆସାହି ପୋଷ୍ଟ ଅଫିସ ଛକରେ କାର୍ତ୍ତିକେଶ୍ଵର ପୂଜା ଅବସରରେ ନୟାପଲ୍ଲୀର ଅଗ୍ରଣି ଯୁବ ସଂଗଠନ ଶ୍ରୀ ବିନାୟକ ୟୁଥ ଆସୋସିଏସନ ତରଫରୁ ପ୍ରତିବର୍ଷ ପରି ଚଳିତ ବର୍ଷ ମଧ ଶ୍ରୀ ରାଧାକୃଷ୍ଣଙ୍କ ପୂଜା ମହାଆଡମ୍ବରରେ ଅନୁଷ୍ଠିତ ହେଉଛି.ପବିତ୍ର କାର୍ତ୍ତିକ ମାସର ଅଁଳା ନବମୀ ଦିନ ନୟାପଲ୍ଲୀ ଗ୍ରାମ ପୁଷ୍କରିଣୀରୁ କଳସ ଯାତ୍ରା କରାଯାଇ ମଣ୍ଡପରେ ମହାପ୍ରଭୁ ଶ୍ରୀ ରାଧାକୃଷ୍ଣଙ୍କ ଅବାହାନ କରାଯାଇ ବିଧି ଅନୁଯାଇ ପୂଜାର୍ଚ୍ଚନା କରାଯାଉଛି ବୋଲି ପୂଜାର କର୍ତ୍ତା ତଥା ଆସୋସିଏସନର ମୁଖ୍ୟ ଉପଦେଷ୍ଟା ଶ୍ରୀ ଦିଲୀପ ନାୟକ ସୂଚନା ଦେଇଛନ୍ତି.ଚଳିତ ବର୍ଷ ଶ୍ରୀ ରାଧାକୃଷ୍ଣଙ୍କ ପୂଜା ୮ମ ବର୍ଷରେ ପଦାର୍ପଣ କରିଛି ସେହି ପରିପ୍ରେକ୍ଷୀରେ ସଂଗଠନ ତରଫରୁ ୭ ଦିନ ଧରି ବିଭିନ୍ନ ସାମାଜିକ କାର୍ଯ୍ୟକ୍ରମ ସହ ଆଧ୍ୟାତ୍ମିକ ସାସ୍କୃତିକ କାର୍ଯ୍ୟକ୍ରମର ମଧ୍ଯ ଆୟୋଜନ କରାଯାଉଛି ତା ସହ ଅଞ୍ଚଳର ବରିଷ୍ଠ ନାଗରିକ, ସମାଜସେବୀ,ସ୍ବଚ୍ଛ ସାଥୀମାନଙ୍କୁ ସମ୍ବଦ୍ଧିର୍ତ କରାଯାଉଛି ବୋଲି ଆସୋସିଏସନର ସଭାପତି ତଥା ଯୁବ ନେତା ଶ୍ରୀ ଦେବବ୍ରତ ମହାନ୍ତି ସୂଚନା ଦେଇଛନ୍ତି.କାର୍ତ୍ତିକ ପୂର୍ଣ୍ଣମୀର ସନ୍ଧ୍ୟାରେ ଶ୍ରୀ ରାଧାକୃଷ୍ଣଙ୍କ ପୂଜାର ପୂର୍ଣ୍ଣାହୁତି ଅନୁଷ୍ଠିତ ହୋଇ ଭକ୍ତଗଣଙ୍କ ନିମନ୍ତେ ପ୍ରସାଦ ସେବନର ବ୍ୟବସ୍ଥା ରହିଛି ଏବଂ ତା ସହ ପୂର୍ଣ୍ଣମୀ ପରଦିନ ମହା ଆଡ଼ମ୍ବରରେ ଭସାଣୀ ଉତ୍ସବ ସାହି ପରିକ୍ରମା କରି ମହାପ୍ରଭୁ ଶ୍ରୀ ରାଧାକୃଷ୍ଣଙ୍କୁ ମେଲାଣୀ ଦିଆଯିବ ବୋଲି ଆସୋସିଏସନର କୋଷାଧ୍ୟକ୍ଷ ଶ୍ରୀ ବିଶ୍ବଜିତ ସାହୁ ଏକ ପ୍ରେସ ବିଜ୍ଞପ୍ତି ମାଧ୍ୟମରେ ଜଣାଇଛନ୍ତି.