ଆରୋହଣ, ଭୁବନେଶ୍ଵର ପ୍ରାୟୋଜିତ ୩୩ତମ ନିଖିଳ ଉତ୍କଳ ନାଟ୍ୟୋତ୍ସବ-୨୦୨୫ ତା୦୫.୦୩.୨୦୨୫ରିଖ ଠାରୁ ତା୦୮.୦୩.୦୩.୨୦୨୫ରିଖ ପର୍ଯ୍ୟନ୍ତ ଚାରି ଦିନ ବ୍ୟାପୀ ଭଞ୍ଜକଳା ମଣ୍ଡପରେ ଅନୁଷ୍ଠିତ ହେବ।

ଭୁବନେଶ୍ୱରତା୦୫.୦୩.୨୦୨୫ରିଖରେ କବି ସମ୍ରାଟ୍ ଉପେନ୍ଦ୍ର ଭଞ୍ଜଙ୍କ ବିରଚିତ ଲାବଣ୍ୟବତୀ କାବ୍ୟର ନାଟ୍ୟ ରୂପାନ୍ତର କରାଯାଇ ଆରୋହଣର କଳାକାରମାନଙ୍କ ଦ୍ବାରା ମଞ୍ଚସ୍ଥ କରାଯିବ। ଏହାକୁ ଡାକ୍ତର ଶୈଳେଶ୍ବର ନନ୍ଦ ନାଟ୍ୟରୂପ ଦେଇଥିବା ବେଳେ ଇଂ ପ୍ରିତିରଞ୍ଜନ ମିଶ୍ର ନିର୍ଦ୍ଦେଶନା ଦେଇଛନ୍ତି। ଦ୍ଵିତୀୟ ଦିବସରେ ଦୁଇଟି ନାଟକ ମଞ୍ଚସ୍ଥ ହେବ। କୁନି କଳାକାର ନାଟ୍ୟାନୁଷ୍ଠାନ, ଭୁବନେଶ୍ବର ଦ୍ୱାରା ପେଟେଣ୍ଟ ମେଡ଼ିସିନ ଓ ରଙ୍ଗମଞ୍ଚ, ରାଉରକେଲା ଦ୍ବାରା ଜୀବନ ଯେମିତି ନାଟକ ମଞ୍ଚସ୍ଥ ହେବ। ତୃତୀୟ ଦିନ କଲିକତାର ଷ୍ଟେପ୍ ଏନ୍ ଷ୍ଟେଜ୍ ଦ୍ଵାରା ବଙ୍ଗଳା ନାଟକ ମଞ୍ଚସ୍ଥ ହେବ। ଶେଷ ଦିବସରେ ମହିଳା ଯୋଗ କେନ୍ଦ୍ର, ଭୁବନେଶ୍ୱର ଦ୍ବାରା କଣ୍ଢେଇ ଖେଳ ମଞ୍ଚସ୍ଥ ହେବ। ଏହାକୁ ରଚନା କରିଛନ୍ତି ଶ୍ରୀ ପୀୟୂଷ ରଞ୍ଜନ ପରିଡ଼ା ରଚନା କରିଛନ୍ତି। ଏତଦ୍ ବ୍ୟତୀତ ବର୍ଷୀୟାନ୍ ମଞ୍ଚ ତଥା ଚଳଚ୍ଚିତ୍ର ଅଭିନେତ୍ରୀ ମୀରା କର ଓ ଉମା ଭଟ୍ଟାଚାର୍ଯ୍ୟଙ୍କୁ ଆରୋହଣ ସମ୍ମାନ ପ୍ରଦାନ କରାଯିବ। ଉଷାକାନ୍ତ ପଟ୍ଟଯୋଷୀଙ୍କୁ ଯୁବ ପ୍ରତିଭା ସମ୍ମାନ ପ୍ରଦାନ କରାଯିବ। ଆନ୍ତର୍ଜାତିକ ମହିଳା ଦିବସ ଅବସରରେ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ମୀନାକ୍ଷୀ ମିଶ୍ର, ପ୍ରତିଭା ପଣ୍ଡା ଓ ଲକ୍ଷ୍ମୀପ୍ରିୟା ଓଝାଙ୍କୁ ସମ୍ବର୍ଦ୍ଧନା ଦିଆଯିବ। ଆରୋହଣ ତରଫରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସଭାପତି ଡ଼ା ଶୈଳେଶ୍ବର ନନ୍ଦ ଏହା ଜଣାଇଛନ୍ତି। ଏହି ସମାବେଶରେ ସମ୍ପାଦକ ଇଂ ପ୍ରିତିରଞ୍ଜନ ମିଶ୍ର, ପରିଚାଳନା ସମ୍ପାଦକ ପୀୟୂଷ ରଞ୍ଜନ ରଞ୍ଜନ ପରିଡ଼ା, ଉପସଭାପତି ଦୁର୍ଗା ପ୍ରସାଦ ମହାପାତ୍ର, କୋଷାଧ୍ୟକ୍ଷ ଆଲୋକ ରଂଜନ ବେଉରା,ସହ ସମ୍ପାଦକ ସଞ୍ଜିତ୍ ଦାସ, ବରିଷ୍ଠ ସଭ୍ୟ ବିନାୟକ ମିଶ୍ର,ରାଜେନ୍ଦ୍ର କୁମାର ନାଥ, ସୁବ୍ରତ କୁମାର ମହାପାତ୍ର, ପ୍ରଫୁଲ୍ଲ କୁମାର ବାରିକ ପ୍ରମୁଖ ଉପସ୍ଥିତ ଥିଲେ।