ଟ୍ରାକ୍ଟର ଓଲଟି ୧ମୃତ, ନାବାଳକ ଗୁରୁତର.
ହାଟଡ଼ିହୀ,୩୧.୦୭: ସୋସୋ ଥାନା ଅଧିନ ଝଣଝଣା ନିକଟରେ ଏକ ଟ୍ରାକ୍ଟର ଓଲଟି ୧ମୃତ ଜଣେ ଗୁରୁତର ହୋଇଥିବା ଜଣାଯାଇଛ। ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଢ଼େଙ୍କା ପଞ୍ଚାୟତ ମଟରାଗଡ଼ିଆ ଗ୍ରାମର ବିଜୟ କୁମାର ନାୟକ(୪୫) ଓ ତାଙ୍କ ପୁତୁରା କ୍ଷୀରୋଦ କୁମାର ନାୟକ(୧୧) ସୁନ୍ଦରାପାଳ ଛକରୁ ସଢ଼ାକୁ ଲମ୍ବିଥିବା ରାସ୍ତାରେ ରାତ୍ର ପ୍ରାୟ ୨ଟା ସମୟରେ
ଗାଁକୁ ଫେରୁଥିବା ବେଳେ ଝଣଝଣା ନିକଟରେ ଭାରସାମ୍ୟ ହରାଇ ଟ୍ରାକ୍ଟରଟି ରାସ୍ତାତଳକୁ ଖସି ଓଲଟି ପଡ଼ିଥିଲା। ଫଳରେ ଟ୍ରାକ୍ଟର ଷ୍ଟିୟରିଂରେ ଚାପି ହୋଇ ବିଜୟ ଗୁରୁତର ହୋଇଥିଲା ବେଳେ ତାଙ୍କ ପୁତୁରା କ୍ଷୀରୋଦ ହୁଡ ତଳେ ଚାପି ହୋଇ ଗୁରୁତର ହୋଇଥିଲେ। ସ୍ଥାନୀୟ ଲୋକଙ୍କ ସହାୟତା କ୍ରମେ ତାଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟ ନିଆଯାଇଥିଲେ ସୁଦ୍ଧା ସେଠାରେ ଡ଼ାକ୍ତର ବିଜୟଙ୍କୁ ମୃତ ଘୋଷଣା କରିଥିଲେ। ନାବାଳକ କ୍ଷୀରୋଦର ହାତ ଏବଂ ମୁଣ୍ଡରେ ଗଭୀର ଆଘାତ ଯୋଗୁଁ ସେ ଗୁରୁତର ହୋଇ ଏବେ ଚିକିତ୍ସାଧୀନ ଅଛନ୍ତି। ଖବରପାଇ ସୋସୋ ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ମେଡ଼ିକାଲରେ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛନ୍ତି।