‘ବିଭାଜନ ବିଭୀଷିକାର ସ୍ମୃତି ଦିବସ”

ପୀଡିତଙ୍କ ଦୁଃଖ ଓ କଷ୍ଟକୁ ବୁଝିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

 ରାଜ୍ୟ କାର୍ଯ୍ୟାଳୟରେ ସମ୍ବର୍ଦ୍ଧନା ସମୟରେ ଭାବବିହ୍ୱଳ ହେଲେ ପୀଡିତ

ଭୁବନେଶ୍ୱର, ତା.୧୪/୦୮: ଦେଶ ବିଭାଜନରେ ବିସ୍ଥାପିତ ହୋଇଥିବା ଏବଂ ନିଜର ଜୀବନ ବଳିଦାନ ଦେଇଥିବା ଭାଇ ଭଉଣୀମାନଙ୍କର ସଂଘର୍ଷ ଓ ବଳିଦାନର ସ୍ମୃତିଚାରଣ କରିବା ପାଇଁ ଯଶସ୍ୱୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଆହ୍ୱାନକ୍ରମେ ଅଗଷ୍ଟ ୧୪ ତାରିଖକୁ ‘ବିଭାଜନ ବିଭୀଷିକା ସ୍ମୃତି ଦିବସ’ ରୂପେ ପାଳନ କରାଯାଉଛି । ଭାରତ ପାକିସ୍ଥାନ ବିଭାଜନ ସମୟରେ ଘୃଣା ଓ ହିଂସା ପାଇଁ ଲକ୍ଷ ଲକ୍ଷ ଭାଇ ଓ ଭଉଣୀମାନେ ବିସ୍ଥାପିତ ହେବା ସହ ନିଜ ଜୀବନକୁ ବଳିଦାନ ଦେଇଥିଲେ । ୧୬ ଅଗଷ୍ଟ ୧୯୪୬ମସିହାରେ ମୁସଲିମ୍ ଲିଗ୍ ଦ୍ୱାରା “ଡାଇରେକ୍ଟ ଆକ୍ସନ ଡେ” କାରଣରୁ ଦେଶ ବିଭାଜନ ପରେ ଦଙ୍ଗା ଲାଗି ରହିଥିଲା । ବିଭାଜନ ଭୟାବହତା ଏତେ ମାତ୍ରାରେ ଥିଲା ଯେ, ଆଜି ସୁଦ୍ଧା ପାକିସ୍ଥାନ ଓ ବାଂଲାଦେଶରୁ ବହୁ ସଂଖ୍ୟାରେ ଲୋକ ପଳାୟନ କରୁଛନ୍ତି । ଦେଶ ବିଭାଜନ ସମୟରେ ନିର୍ମମ ଦୁଃଖ, ଯନ୍ତ୍ରଣା, ଦୁଷ୍କର୍ମ ଓ ନରହତ୍ୟାର ଯନ୍ତ୍ରଣା କେବେ ହେଲେ ଭୁଲି ହେବ ନାହିଁ । ମାନବ ଇତିହାସର ସବୁଠୁ ବଡ ବିଭୀଷିକା ବୋଲାଉଥିବା ଏହି ବିଭାଜନ ସମୟରେ ୨୦ଲକ୍ଷରୁ ଅଧିକ ଲୋକଙ୍କୁ ହତ୍ୟା କରାଯାଇଥିଲା । ୨କୋଟି ୫୦ଲକ୍ଷ ଲୋକ ବିସ୍ଥାପିତ ହୋଇ ଅନ୍ୟ ଦେଶରେ ବା ନିଜ ଦେଶରେ ଶରଣାର୍ଥୀ ହୋଇଥିଲେ । ମୋଟ ୫କୋଟି ଲୋକ ଏଥିରେ ପ୍ରତ୍ୟକ୍ଷ ଓ ପରୋକ୍ଷଭାବେ ପ୍ରଭାବିତ ହୋଇଥିଲେ । ଏହି ବିଭାଜନର ଯନ୍ତ୍ରଣାକୁ ସମସ୍ତ ଯୁବବର୍ଗ ଜାଣିବା ନିତ୍ୟାନ୍ତ ଆବଶ୍ୟକ । ଏହି ପରିପ୍ରେକ୍ଷୀରେ ଆଜି ରାଜ୍ୟ କାର୍ଯ୍ୟାଳୟଠାରେ ‘ବିଭାଜନ ବିଭୀଷିକା ସ୍ମୃତି ଦିବସ’ ପାଳିତ ହୋଇଛି ।
ଏହି କାର୍ଯ୍ୟକ୍ରମରେ ପୂର୍ବତନ ରାଜ୍ୟ ସଭାପତି ଶ୍ରୀ ସମୀର ମହାନ୍ତି, ବରିଷ୍ଠ ନେତା ସଜ୍ଜନ ଶର୍ମା, ଅଧ୍ୟାପକ ପୂର୍ଣ୍ଣଚନ୍ଦ୍ର ମଲ୍ଲିକ ପ୍ରମୁଖ ଉପସ୍ଥିତ ରହି ବିଭାଜନ ସମୟରେ ବିସ୍ଥାପିତ ହୋଇ ବର୍ତମାନ ଭୁବନେଶ୍ୱରରେ ବାସ କରୁଥିବା ବିକ୍ରମ ସେହେଗଲ, ବିଶ୍ୱନାଥ ପଟ୍ଟନାୟକ, ଧୀରେନ୍ଦ୍ର ଦାସ, ଜୁନେଜା ଜୀ, ବିକ୍ରମ ଭାଇ, ଭାରତ ଭାଇଜୀଙ୍କୁ ସମ୍ବର୍ଦ୍ଧିତ କରାଯାଇଛି । ଏହି ଅବସରରେ ପୀଡିତମାନେ ଅତୀତର ଦୁଃଖ ଓ କଷ୍ଟକୁ ମନେ ପକାଇ ଭାବବିହ୍ୱଳ ହୋଇପଡିଥିଲେ ।