ବିଡିଓ ମ୍ୟାଡାମ୍ ଙ୍କ ଲୁଟ୍ କାହାଣୀ
ଜେଲ୍ ଗଲେ ଅକ୍ଷମିତା କାର୍ତ୍ତିକ
ଭୁବନେଶ୍ୱର: କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବିଡିଓ ଅକ୍ଷମିତା କାର୍ତ୍ତିକଙ୍କୁ ଆଜି ଭିଜିଲାନସ୍ ଗିରଫ କରିଛି । କୋର୍ଟରେ ଜାମିନ୍ ନାମଞ୍ଜୁର ହେବାରୁ ତାଙ୍କୁ ଜେଲ୍ କୁ ପଠାଇ ଦିଆଯାଇଛି । ଗତକାଲି ଏହି ମ୍ୟାଡାମ୍ ଭବାନୀପାଟଣାଠାରେ ଜିଲ୍ଲାପାଳଙ୍କ ମିଟିଂରେ ଯୋଗ ଦେଇସାରି ଏକ ବୋଲେରୋରେ ଗୋଲାମୁଣ୍ଡା ଫେରୁଥିବା ବେଳେ ଜାରିଙ୍ଗ ଛକ ନିକଟରେ ଛପି ରହିଥିବା ଭିଜିଲାନ୍ସ ଅଧିକାରୀମାନେ ଧରିଥିଲେ । ଗାଡ଼ି ଯାଞ୍ଚ ବେଳେ ୪ ଲକ୍ଷ ୯୨ ହଜାର ଟଙ୍କା ମିଳିଥିଲା । ଗାଡ଼ିର ଡୋର୍ ଭିତରେ ଏହି ଟଙ୍କା ଲୁଚାଇ ରଖାଯାଇଥିଲା । ଟଙ୍କା କାହାର ବୋଲି ବିଡିଓଙ୍କୁ ପଚାରିବାରୁ ସେ ବାଉଳା ହୋଇଥିଲେ । ଠିକ୍ ଉତ୍ତର ଦେଇପାରି ନ ଥିଲେ । ଭିଜିଲାନ୍ସ ଅଧିକାରୀମାନେ ଗତକାଲିଠାରୁ ତାଙ୍କୁ ଅଟକ ରଖିବା ପରେ ଆଜି ଗିରଫ କରିଛନ୍ତି ।