ଭୁବନେଶ୍ୱର:ଓଡିଶା କୃଷି ଶିଳ୍ପ ନିଗମ ର ପରିଚାଳନା ନିର୍ଦେଶକ ଶ୍ରୀ ପ୍ରେମ ଚନ୍ଦ୍ର ଚୌଧୁରୀ, ଆଇ.ଏ.ଏସ. ଙ୍କ ସଂଯୋଜନା ରେ ଏକ ପ୍ରତିନିଧି ଦଳ ଆଜି ଗୁଜରାତ ଗସ୍ତ କରି ଗୁଜରାତ ରେ ଚାଲୁଥିବା ବିଭିନ୍ନ କୃଷି ଯୋଜନା ବିଷୟରେ ଗୁଜରାତ ର ସମ୍ମାନୀୟ କୃଷି ମନ୍ତ୍ରୀ ଶ୍ରୀ ରାଘବଜୀ ଭାଇ ପଟେଲ ଓ ଗୁଜରାତ କୃଷି ଶିଳ୍ପ ନିଗମ ର ପରିଚାଳନା ନିର୍ଦେଶକ ଶ୍ରୀ ଡି: ଏଚ: ସାହା, ଆଇ.ଏ.ଏସ. ଙ୍କ ସହ ଗୁଜରାତ ସଚିବାଳୟ ରେ ଆଲୋଚନା କରିଥିଲେ | କୃଷି ମନ୍ତ୍ରୀ ଏହି ଅବସରରେ ରାଜ୍ୟ ରେ ଚାଲୁଥିବା ବିଭିନ୍ନ ରାଜ୍ୟ ଓ କେନ୍ଦ୍ର ସରକାରଙ୍କ ଯୋଜନା ମାଧ୍ୟମରେ ଚାଷୀ ମାନେ କିଭଳି ଉପକୃତ ହେଉଛନ୍ତି, ପୁଙ୍ଖାନୁପୁଖ ଭାବରେ ଆଲୋଚନା କରିଥିବା ବେଳେ ଗୁଜରାତ କୃଷି ଶିଳ୍ପ ନିଗମ ର ପରିଚାଳନା ନିର୍ଦେଶକ ରାଜ୍ୟ ରେ ଥିବା କୃଷି ଶିଳ୍ପ ନିଗମ ଦ୍ୱାରା ପରିଚାଳିତ ହେଉଥିବା ଅନ୍ୟାନ୍ୟ କୃଷି ଶିଳ୍ପ ଭିତିକ ପ୍ରକଳ୍ପ ସବୁ ଦେଖିବା ପାଇଁ ପରାମର୍ଶ ଦେଇଥିଲେ | ଏହି ଗସ୍ତ ରେ ଓଡିଶା କୃଷି ଶିଳ୍ପ ନିଗମ ର ଉପାଧ୍ୟକ୍ଷ ଡ଼ଃ ସନ୍ତୋଷ କୁମାର ବେଜ ଙ୍କ ନେତୃତ୍ୱ ରେ ଡେପୁଟି ଜେନେରାଲ ମ୍ୟାନେଜର ଇ: ମନୋରଞ୍ଜନ ମନ୍ତ୍ରୀ, ଜିଲ୍ଲା ପରିଚାଳକ କ୍ରିଷ୍ଣ ଚନ୍ଦ୍ର ନାୟକ ଓ ଆଶିଷ କୁମାର ସିଂ ସାମିଲ ଅଛନ୍ତି |