ମହାପ୍ରଭୁଙ୍କ କନକଲାଗି ନୀତି ନହୋଇ ପାରିବା ନେଇ ରାଜ୍ୟ କଂଗ୍ରେସର କ୍ଷୋଭ

ଭୁବନେଶ୍ବର ତା. ୨୮.୭- ଶ୍ରୀ ଜଗନ୍ନାଥଙ୍କ ଘୋଷଯାତ୍ରା ସରିବା ଆନୁମାନିକ ୨୮ଦିନ ହୋଇଯିବ। ଠାକୁରମାନେ ଶ୍ରୀମନ୍ଦିରକୁ ପ୍ରବେଶ କରିବାପରେ ମୁଖଶୃଙ୍ଗାର ପାଇଁ ବନକଲାଗି ଗୁପ୍ତସେବା ହୋଇଥାଏ। ଏହି ସେବାପାଇଁ ଭକ୍ତଙ୍କ ଦର୍ଶନ ପାଇଁ, ମନ୍ଦିର ଅନ୍ୟୁନ ୩-୪ ଘଂଟା ବନ୍ଦ ରହିଥାଏ। କିନ୍ତୁ ଦୁଃଖ ଏବଂ ପରିତାପର ବିଷୟ ଦତ ମହାପାତ୍ର ସେବାୟତ ମାନେ ତାଙ୍କ କାର୍ଯ୍ୟକୁ ଠିକଣା ଭାବେ, ଶ୍ରୀ ମନ୍ଦିର ପ୍ରଶାସନ କରିବାକୁ ଦେଉନାହାନ୍ତି ବୋଲି ଆଣିଥ‌ିବା ଅଭିଯୋଗ ଅତ୍ୟନ୍ତ ସମ୍ବେଦନଶୀଳ।ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟ କଂଗ୍ରେସ ଭବନ ଠାରେ ପିସିସି ମୁଖପାତ୍ର ଡଃ. ଆର୍ଯ୍ୟ କୁମାର ଜ୍ଞାନେନ୍ଦ୍ର ଏକ ସାମ୍ବାଦିକ ସମ୍ମିଳନୀରେ କିହଲେ ଯେ ନଖରେ ଛିଡ଼ିବା କାର୍ଯ୍ୟକୁ ପ୍ରଶାସନ କଟୁରୀ, କୁରାଢ଼ି ଲଗାଇବାକୁ ଯାଉଛନ୍ତି। ଦୀର୍ଘ ୨୮ ଦିନ ହେବ ମହାପ୍ରଭୁ ମାନଙ୍କ ସୁନ୍ଦର ଶ୍ରୀମୁଖ ଭକ୍ତମାନେ ଦେଖ‌ିବାକୁ ପାଉନାହାନ୍ତି। ପ୍ରଶାସନ ଓ ସେବାୟତଙ୍କ ବ୍ୟକ୍ତିଗତ ଅହଂ ପାଇଁ ଆଜି ଏଭଳି ଅବସ୍ଥା ଉପୁଜୁଛି । କଂଗ୍ରେସ ଦଳ ଏହାକୁ ଦୃଢ଼ ଭାବେ ନିନ୍ଦା କରୁଛି । ଶ୍ରୀ ଜଗନ୍ନାଥ ଭକ୍ତଙ୍କ ଭାବାବେଗ ସହ ଆଉ ନଖେଳିବାକୁ ପ୍ରଶାସନକୁ କଂଗ୍ରେସ ଦଳ ସର୍ତକ କରାଇ ଦେଇଛି । ମୁଖ୍ୟ ପ୍ରଶାସକ ଜଣେ ଅତ୍ୟନ୍ତ ଦକ୍ଷବ୍ୟକ୍ତି, ସେ ଏ କାର୍ଯ୍ୟକୁ ପ୍ରଭୁଙ୍କର ଏକାନ୍ତ କାର୍ଯ୍ୟ ଭାବେ ଭାବି, ତୁରନ୍ତ ଏହାର ସମାଧାନ କରନ୍ତୁ |

ଡ. ଜ୍ଞାନେନ୍ଦ୍ର ଜିଲ୍ଲା ପ୍ରଶାସନ ତୁରନ୍ତ ଶ୍ରୀମନ୍ଦିରର ଚାରିଦ୍ଵାର ଖୋଲିବା ପାଇଁ ଓ ଭିତର ରନ୍ ଭଣ୍ଡାର ଖୋଲି ତୁରନ୍ତ ରର ଗଣତି କରିବାପାଇଁ ପୁନଃ ଦାବି କରିଛନ୍ତି । ଜିଲ୍ଲାପାଳଙ୍କ ପରିକ୍ରମା ମାର୍ଗ ବାହାନାରେ ଦକ୍ଷିଣ ଉତର ଦ୍ଵାର ବନ୍ଦକୁ କୌଣସି ପ୍ରକାର ଗ୍ରହଣ କରାଯାଇ ପାରିବ ନାହିଁ । ସରକାର ଓ ପ୍ରଶାସନ ଶ୍ରୀଜଗନ୍ନାଥ ଭକ୍ତଙ୍କ ଭାବାବେଗ ପ୍ରତି ସଚେତନ ରହିବାକୁ କଂଗ୍ରେସ ଦଳ ଚେତାଇ ଦେଉଛି । ଏହି ସାମ୍ବାଦିକ ସମ୍ମିଳନୀରେ ଅନ୍ୟତମ ମୁଖପାତ୍ର ଶ୍ରୀମତୀ ରଶ୍ମି ମହାପାତ୍ର ଉପସ୍ଥିତ ଥିଲେ।