ଭୁବନେଶ୍ୱର ଉତ୍ତରରେ ବିରୋଧୀଙ୍କ ନିଦ ହଜାଇ ଦେଲେଣି ପ୍ରିୟଦର୍ଶୀ
ଉତ୍ତର ବିଧାନ ସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ପଞ୍ଚାୟତରେ ପ୍ରତିଷ୍ଠା ହେବ ଶୀତଳ ଭଣ୍ଡାର

ଭୁବନେଶ୍ୱର: ହାତରେ ମାତ୍ର ଦିନ କେଇଟା ବାକି। ନିର୍ବାଚନ ତାରିଖ ପାଖେଇବା ସହ ଉତ୍ତର ନିର୍ବାଚନ ମଣ୍ଡଳୀରେ ବିଜେପି ବିଧାୟକ ପ୍ରାର୍ଥୀ ପ୍ରିୟଦର୍ଶୀ ମିଶ୍ର ଦମଦାର ପ୍ରଚାର କରୁଛନ୍ତି । ସକାଳୁ ରାତି ଯାଏଁ ଓ୍ବାର୍ଡରୁ ପଞ୍ଚାୟତକୁ ବୁଲି ପ୍ରଚାର କରୁଥିବାରୁ ବିରୋଧୀଙ୍କ ନିଦ ହଜି ଗଲାଣି। ଆଜି ସକାଳେ ବରିମୁଣ୍ଡ ପଞ୍ଚାୟତରେ ରୋଡ୍ ସୋ କରିଥିବା ବେଳେ ସନ୍ଧ୍ୟାରେ ଓ୍ବାର୍ଡ ନଂ୧୨ରେ ଭୋଟ ଭିକ୍ଷା କରିଛନ୍ତି।
ଅପରାହ୍ନରେ ପାଞ୍ଚ ପଞ୍ଚାୟତ ପକ୍ଷରୁ ଆୟୋଜିତ ରୋଡ୍ ସୋରେ ସେ ସାମିଲ ହୋଇଥିଲେ। ବରିମୁଣ୍ଡ ଲକ୍ଷେଶ୍ବର ମନ୍ଦିର ନିକଟରୁ ରୋଡ୍ ସୋ ବାହାରି ପଞ୍ଚାୟତ ପରିକ୍ରମା କରିଥିଲେ ପ୍ରିୟଦର୍ଶୀ ପାଞ୍ଚ ଶହରୁ ବାଇକ ଆରୋହିଙ୍କ ସହ ଶତାଧିକ କର୍ମୀ ରାଲିରେ ଶକ୍ତି ପ୍ରଦର୍ଶନ କରିଥିଲେ। ବିଜେପି ଜିତିଲେ ଉତ୍ତର ଭୁବନେଶ୍ବର ଅନ୍ତର୍ଗତ ପଞ୍ଚାୟତରେ ଶୀତଳ ଭଣ୍ଡାର ପ୍ରତିଷ୍ଠା କରାଯିବ । ଚାଷୀ ଭାଇମାନଙ୍କୁ ଆଉ ଅନ୍ୟ ଦୂର ସ୍ଥାନରେ ଥିବା ଶୀତଳ ଭଣ୍ଡାର ଯିବାକୁ ପଡିବନି।
ବିକାଶ ପାଇଁ ଜସ୍ୱସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଡବଲ ଇଞ୍ଜିନ ସରକାରଙ୍କୁ ଏଠାକୁ ଆଣିବାକୁ ପଡିବ ବୋଲି ପ୍ରିୟଦର୍ଶୀ କହିଥିଲେ। ଏଥିପାଇଁ ବିଜେପିକୁ ଡବଲ ପଦ୍ମ ଚିହ୍ନରେ ଭୋଟ୍ ଦେବାକୁ ସେ ନିବେଦନ କରିଥିଲେ।
ସେହିପରି ସନ୍ଧ୍ୟାରେ ୧୨ ନଂ ଓ୍ବାର୍ଡ ପ୍ରେସ ଛକ ଆହାର କେନ୍ଦ୍ରଠୁ ଏକ ରୋଡ୍ ସୋ ବାହାରି ଦୁରଦର୍ଶନ, ଯୁକ୍ତ ଦୁଇ ବୋର୍ଡ କାର୍ଯ୍ୟାଳୟ କଲୋନୀ, ସାମନ୍ତାପୁରୀ, ସ୍ବସ୍ତି ପ୍ରିମିୟର ଅଞ୍ଚଳ ପରିକ୍ରମା କରିଥିଲା। କଲୋନୀର ମହିଳା ପୁରୁଷମାନେ ପ୍ରିୟଦର୍ଶୀଙ୍କୁ ବିପୁଳ ମାତ୍ରାରେ ସମର୍ଥନ ଜଣାଇଥିଲେ।