କାଲିମେଳା ବଡ଼ିଗେଟା ଅଞ୍ଚଳ ରେ ବିଏସଏଫ ଯବାନ ଙ୍କ କୁମ୍ବି ଅରେସନ ସମୟରେ ମାଓବାଦୀ ଙ୍କ ଡମ୍ପ ଠାବ, ବିପୁଳ ବିସ୍ପୋରକ ଓ ମାଓସାମଗ୍ରୀ ଜବତ
ମାଲକାନଗିରି, ମାଲକାନଗିରି ଜିଲ୍ଲା ସ୍ଥ କାଲିମେଳା ଥାନା ବଡ଼ିଗେଟା ଅଞ୍ଚଳ ରେ ବିଏସଏଫ ଯବାନ ଙ୍କ କୁମ୍ବି ଅରେସନ ସମୟରେ ମାଓ ଡମ୍ପ ଠାବ ସହ ବିପୁଳ ପରିମାଣ ର ବିସ୍ପୋରକ ଦ୍ରବ୍ୟ ମାଓ ସାମଗ୍ରୀ ଜବତ କରିଛନ୍ତି ଯବାନ ମାନେ। ସୂଚନା ଅନୁଯାୟୀ ଆଜି କାଲିମେଳା ଥାନା ବଡିଗେଟା ୧୪୨ ବାଟାଲିୟନ ବିଏସଏଫ କ୍ୟାମ୍ପ ଯବାନଙ୍କ ଦ୍ୱାରା ସ୍ୱତନ୍ତ୍ର ଅପରେସନ୍ କରାଯାଇଥିଲା । ଏହି ସମୟରେ ବେଜଙ୍ଗିୱାଡା ରିଜର୍ଭ ଫରେଷ୍ଟ ଅଞ୍ଚଳରେ ଥିବା ଗୁମ୍ଫା ଭିତରେ ଲୁଚି ରହିଥିବା ଏକ ମାଓବାଦୀ ଡମ୍ପର ଠାବ କରିଥିଲେ। ସେହି ଡମ୍ପ ମଧ୍ୟ ରେ ମାଓବାଦୀଙ୍କ ଲୁଚାଇ ରଖିଥିବା ୩କେଜି ଓଜନଲେଖା ୨ଟି ଟିଫିନ ବୋମା, ୬୨ଟି ଜେଲାଟିନ୍ ଷ୍ଟିକ୍ସ, ୧୨ଭୋଲ୍ଟ ର ବ୍ୟାଟେରୀ ୨ଟି, ୩୯ ଟି ମାଓବାଦୀ କ୍ୟାପ,
ମାଓବାଦୀ ବ୍ୟାନର, ପୋଷ୍ଟର, ମାଓବାଦୀ ପାମ୍ପଲେଟ୍, ବିଦ୍ୟୁତ ତାର, ଇଲେକ୍ଟ୍ରିକ୍ ପ୍ଲଗ୍,ବିଭିନ୍ନ ପ୍ରକାର ମାଓବାଦୀ ସାମଗ୍ରୀ ଜବତ ହୋଇଥିଲା । ବେଜଙ୍ଗିୱାଡା ରିଜର୍ଭ ଜଙ୍ଗଲ କ୍ଷେତ୍ର ଦୀର୍ଘ ଦିନ ଧରି ମାଓବାଦୀ କ୍ୟାଡର ଏବଂ ସେମାନଙ୍କ ସହଯୋଗୀ ବ୍ୟକ୍ତିଙ୍କ ପାଇଁ ଏକ ଗଡ଼ ହୋଇଆସୁଥିବା ବେଳେ ବିଏସଏଫ ର ଏପରି ପଦକ୍ଷେପ ହେତୁ ଅଞ୍ଚଳରେ ମାଓ ଗଡ଼କୁ ଏକ ଶକ୍ତ ଧକ୍କା ଲାଗିଛି ।