ପୂର୍ବତଟ ରେଳପଥ ପକ୍ଷରୁ ଜାତୀୟ ଭୋଟର ଦିବସ ପାଳନ :

ଭୁବନେଶ୍ୱର:ପୂର୍ବ ତଟ ରେଳପଥ ପକ୍ଷରୁ ଆଜି ପୂର୍ବାହ୍ନରେ ଏହାର ମୁଖ୍ୟାଳୟ, ରେଳ ସଦନ ଠାରେ ଜାତୀୟ ଭୋଟର ଦିବସ ପାଳନ କରାଯାଇଅଛି | ରେଳପଥର ମହାପ୍ରବନ୍ଧକ ଶ୍ରୀ ମନୋଜ ଶର୍ମାଙ୍କ ନେତୃତ୍ୱରେ ପୂର୍ବ ତଟ ରେଳପଥର କର୍ମଚାରୀ ଏବଂ ଅଧିକାରୀମାନେ ଭାରତର ନିର୍ବାଚନ ଆୟୋଗର ପ୍ରତିଷ୍ଠା ଦିବସକୁ (25 ଜାନୁୟାରୀ 1950) ସ୍ମରଣୀୟ କରିବା ସହିତ ନାଗରିକଙ୍କ ମଧ୍ୟରେ ନିର୍ବାଚନ ସଚେତନତା ସୃଷ୍ଟି କରିବା ଏବଂ ସେମାନଙ୍କୁ ନିର୍ବାଚନ ପ୍ରକ୍ରିୟାରେ ଭାଗ ନେବାକୁ ଉତ୍ସାହିତ କରିବା ପାଇଁ ଶପଥ ନେଇଥିଲେ |

ପୂର୍ବତଟ ରେଳପଥର ସମସ୍ତ ରେଳ ମଣ୍ଡଳ ଯଥା ଖୋର୍ଦ୍ଧା ରୋଡ଼, ୱାଲଟିୟର ଓ ସମ୍ବଲପୁର ଠାରେ ମଧ୍ୟ ଜାତୀୟ ଭୋଟର ଦିବସ ଆୟୋଜିତ ହୋଇଥିଲା ଯେଉଁଥିରେ ମଣ୍ଡଳ ରେଳବାଇ ପ୍ରବନ୍ଧକ ମାନେ କର୍ମଚାରୀ ଓ ଅଧିକାରୀ ମାନଙ୍କୁ ନିର୍ବାଚନ ପ୍ରକ୍ରିୟା ବିଷୟରେ ଜନସାଧାରଣଙ୍କୁ ଅବଗତ କରାଇବା ଏବଂ ସକରାତ୍ମକ ଭାବରେ ଭୋଟ୍ ଦେବା ପାଇଁ କର୍ମଚାରୀ ଏବଂ କର୍ମଚାରୀମାନଙ୍କୁ ଶପଥ ପାଠ କରାଇଥିଲେ | ଏହା ବ୍ୟତୀତ ରେଳପଥର ବିଭିନ୍ନ ଷ୍ଟେସନ ମାନଙ୍କ ଠାରେ ମଧ୍ୟ କର୍ମଚାରୀମାନେ ଜାତୀୟ ଭୋଟର ଦିବସ ପାଳନ କରିଛନ୍ତି |

ପୂର୍ବତଟ ରେଳପଥର ପ୍ରମୁଖ କାର୍ମୀକ ଅଧିକାରୀ ଶ୍ରୀ ସିଦ୍ଧାର୍ଥ କାଟି ଏବଂ ମୁଖ୍ୟ କାର୍ମୀକ ଅଧିକାରୀ ଶ୍ରୀ ସୂର୍ଯ୍ୟ ପ୍ରକାଶ ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ |