ଏକାମ୍ର ଭୁବନେଶ୍ୱରରେ ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀଜେ.ପି.ନଡ୍ଡାଙ୍କ ବିଶାଳ “ରୋଡ୍ ସୋ”
 ପ୍ରଭୁ ଶ୍ରୀଲିଙ୍ଗରାଜଙ୍କ ଦର୍ଶନ କରି ଆଶୀର୍ବାଦ ନେଲେ ଶ୍ରୀ ନଡ୍ଡା
 ସାଂସଦ ଅପରାଜିତା ଷଡଙ୍ଗୀ, ବିଧାୟକ ପ୍ରାର୍ଥୀ ବାବୁ ସିଂ, ପୁର୍ବତନ ରାଜ୍ୟ ସଭାପତି ସମୀର ମହାନ୍ତି, ବରିଷ୍ଠ ନେତ୍ରୀ ରଶ୍ମୀ ମହାପାତ୍ର ପ୍ରମୁଖ ଥିଲେ ଉପସ୍ଥିତ
 ଏକାମ୍ର ଭୁବନେଶ୍ୱରର ସାମୁହିକ ବିକାଶ ମୋର ପ୍ରାଥମିକତା: ବାବୁ ସିଂ
ଭୁବନେଶ୍ୱର, ତା.୧୬/୦୫: ଦୁଇ ଦିନିଆ ଓଡିଶା ଗସ୍ତରେ ଥିବା ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀଜେ.ପି.ନଡ୍ଡା ଦ୍ୱିତୀୟ ଦିନରେ ଆଜି ସକାଳେ ପ୍ରଭୁ ଶ୍ରୀଲିଙ୍ଗରାଜଙ୍କୁ ଦର୍ଶନ କରି ଆଶୀର୍ବାଦ ନେଇଛନ୍ତି । ଭୁବନେଶ୍ୱର ସାଂସଦ ପ୍ରାର୍ଥୀନୀ ଶ୍ରୀମତୀ ଅପରାଜିତା ଷଡଙ୍ଗୀ ଏବଂ ଏକାମ୍ର ଭୁବନେଶ୍ୱର ବିଧାୟକ ପ୍ରାର୍ଥୀ ବାବୁ ସିଂଙ୍କ ସହିତ ଏକ ବିରାଟ ରୋଡ ସୋ ଜରିଆରେ ହଜାର ହଜାର କାର୍ଯ୍ୟକର୍ତାଙ୍କ ଗହଣରେ ଆସିି ଶ୍ରୀ ନଡ୍ଡା ମନ୍ଦିରମାଳିନୀ ସହର ତଥା ଏକାମ୍ର ଭୁବନେଶ୍ୱର ନିର୍ବାଚନମଣ୍ଡଳୀ ଅନ୍ତର୍ଗତ ପ୍ରଭୁ ଶ୍ରୀଲିଙ୍ଗରାଜଙ୍କୁ ଦର୍ଶନ କରିଥିଲେ । ଏହି ଅବସରରେ ପୂର୍ବତନ ରାଜ୍ୟ ସଭାପତି ଶ୍ରୀସମୀର ମହାନ୍ତି, ବରିଷ୍ଠ ନେତ୍ରୀ ରଶ୍ମୀ ମହାପାତ୍ର ପ୍ରମୁଖ ଉପସ୍ଥିତ ରହି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ନଡ୍ଡାଙ୍କୁ ସ୍ୱାଗତ ଜଣାଇଥିଲେ । ରୋଡସୋ ଅବସରରେ ହଜାର ହଜାର ସଂଖ୍ୟାରେ ଜନସାଧାରଣ ଉପସ୍ଥିତ ରହି ଶ୍ରୀ ନଡ୍ଡାଙ୍କୁ ସ୍ୱାଗତ ଜଣାଇଥିଲେ ।
ଯଶସ୍ୱୀ ପ୍ରଧାନମନ୍ତ୍ରୀଶ୍ରୀ ନରେନ୍ଦ୍ର ମୋଦି ଲଗାତାର ଭାବେ ତୃତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ହେବା ସହିତ ଏକାମ୍ର ଓ ସମଗ୍ର ରାଜ୍ୟରେ ପଦ୍ମ ଫୁଟିବ ଏବଂ ଓଡିଶାରେ ବିଜେପିର ସରକାର ଗଠନ ହେବା ସୁନିଶ୍ଚିତ । ଏକାମ୍ର ଭୁବନେଶ୍ୱରର ସାମୁହିକ ବିକାଶ ମୋର ପ୍ରାଥମିକତା ବୋଲି ଶ୍ରୀ ସିଂ କହିଛନ୍ତି ।