ଏକାମ୍ର ରେ ୬ କୋଟି ଟଙ୍କାର ବିଭିନ୍ନ ପ୍ରକଳ୍ପ ଶୁଭାରମ୍ଭ

ଭୁବନେଶ୍ୱର:ଆଜି ଭୁବନେଶ୍ୱର ଏକାମ୍ର ନିର୍ବାଚନ ମଣ୍ଡଳୀ ଅନ୍ତର୍ଗତ ଧଉଳି ଗ୍ରାମପଞ୍ଚାୟତ ର ଦୟା ବାମ ପାର୍ଶ୍ୱ ନଦୀ ବନ୍ଧ ପ୍ରଶସ୍ତିକରଣ ଓ ସୁଦୃଢ଼ୀକରଣ କାର୍ଯ୍ୟ ପାଇଁ ଜଳ ସମ୍ପଦ ବିଭାଗ ପକ୍ଷରୁ ପ୍ରାୟ ୫ କୋଟି ଟଙ୍କାରେ ଦୀର୍ଘ ୫ କିଲୋମିଟର ରାସ୍ତା ନିର୍ମାଣ କୁ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଶିଳାନ୍ୟାସ କରିଛନ୍ତି। ଏହାପରେ ଧଉଳି ମହିଳା ମାହସଂଘର ନୂତନ ଗୃହ ପୁରୁଣା ଭୁବନେଶ୍ୱର ଅଞ୍ଚଳରେ ପ୍ରାୟ ୧ କୋଟି ଟଙ୍କାରେ ମୁଖ୍ୟମନ୍ତ୍ରୀ ସ୍ଵତନ୍ତ୍ର ସହାୟତା ଏବଂ ବିଧାୟକ ଆଞ୍ଚଳିକ ଉନ୍ନୟନ ମିଳିତ ପାଣ୍ଠିରୁ ଗୋସାଗରେଶ୍ଵର୍ ମଣ୍ଡପ ଏବଂ ପୂଜାପଣ୍ଡା ମଣ୍ଡପ କୁ ମଧ୍ୟ ମନ୍ତ୍ରୀ ଶ୍ରୀ ପଣ୍ଡା ଏବଂ ମେୟର ସୁଲୋଚନା ଦାସ ଉଦଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଜିଲ୍ଲା ପରିଷଦ ସଭ୍ୟ ସୁବାସ ସୁନ୍ଦରାୟ,କର୍ପୋରେଟର ଶିବ ପ୍ରସାଦ ବେହେରା,ସରପଞ୍ଚ ଚନ୍ଦନ ମଲ୍ଲିକ, ସମିତି ସଭ୍ୟ ସରସ୍ଵତୀ ସେଠୀ,ପୂର୍ବତନ କର୍ପୋରେଟର ସୀମା ନାୟକ, ବିଧାୟକ ପ୍ରତିନିଧି ଦାଶରଥି ଗରାବଡୁ, ହରେକୃଷ୍ଣ ସାହୁ,ପୂର୍ବତନ ସମିତି ସଭ୍ୟ ଭଗବାନ ସାହୁ, ଯୁବ ନେତା ଶୁଧାରଞ୍ଜନ ପ୍ରଧାନ, ବ୍ରାହ୍ମଣ ନିଯୋଗ ସଭାପତି ଶ୍ୟାମସୁନ୍ଦର ମହାପାତ୍ର,ସମ୍ପାଦକ ବିରଞ୍ଚି ନାରାୟଣ ପତି,ପୂଜାପଣ୍ଡା ନିଯୋଗ ସମିତି ସଭାପତି ସଚିକାନ୍ତ ପୂଜାପଣ୍ଡା ,ସମ୍ପାଦକ ଅଗାଧୁ ପୂଜାପଣ୍ଡା, ଲିଙ୍ଗରାଜ ପୂଜାପଣ୍ଡା, ତ୍ରିଲୋଚନ ପୂଜାପଣ୍ଡା,ମହେଶ ପଣ୍ଡା,ରଂଜନ ଗରାବଡୁ ନଳିନୀକାନ୍ତ ପଣ୍ଡା,ହେମାଦ୍ରୀ ମହାପାତ୍ର, ରବି ବିଶୋଇ, ଅମରେନ୍ଦ୍ର ଗରାବଡୁ,ଗୋପାଳ ମକଦମ ପ୍ରମୁଖ ଉପସ୍ଥିତ ଥିଲେ।