ଡୁଡନୁ ଫାଉଣ୍ଡେସନ୍ ଟ୍ରଷ୍ଟର ପଞ୍ଚମ ବାର୍ଷିକ ଉତ୍ସବ
‘ମାନସିକ ଅନଗ୍ରସର କୌଣସି ଗୁଣରେ କମ୍ ନୁହଁନ୍ତି’
ଭୁବନେଶ୍ୱର, ୨୬ା୮: ମାନସିିକ ଅନଗ୍ରସର ହୋଇ ମଧ୍ୟ ସେମାନେ କୌଣସି ଗୁଣରେ କମ୍ ନୁହଁନ୍ତି  । ସବୁବେଳେ ସେମାନଙ୍କୁ ଭଗବାନ ସହାୟ ହୋଇଥାନ୍ତି  । ସେମାନେ ଯେଉଁ କାର୍ଯ୍ୟରେ ହାତ ଦିଅନ୍ତି ତାହା ସଫଳତାର ଶୀର୍ଷରେ ପହଞ୍ôଚପାରିଥାଏ  । ସେମାନେ ସବୁବେଳେ ସମସ୍ତଙ୍କଠାରୁ ସ୍ୱତନ୍ତ୍ର  । ତେଣୁ ସେମାନଙ୍କୁ ସମାଜର ସବୁବର୍ଗର ଲୋକମାନେ ସ୍ୱତନ୍ତ୍ର ଭାବେ ସମ୍ମାନ ପ୍ରଦର୍ଶନ କରିବା ଉଚିତ୍ ବୋଲି ଏଠାରେ ବିଶିଷ୍ଟ ବକ୍ତାମାନେ ମତବ୍ୟକ୍ତ କରିଛନ୍ତି  । ସୋମବାର ଜୟଦେବ ବିହାରସ୍ଥିତ ଗୁରୁ କେଳୁଚରଣ ଓଡ଼ିଶୀ ଗବେଷଣା କେନ୍ଦ୍ରଠାରେ ‘ଡୁଡନୁ ଫାଉଣ୍ଡେସନ୍ ଟ୍ରଷ୍ଟ’ର ପଞ୍ଚମ ବାର୍ଷିକ ଉତ୍ସବ ଏବଂ ୯୦ ପ୍ରତିଶତ ମାନସିକ ଅନଗ୍ରସର ଡୁଡନୁର ୧୯ତମ ଜନ୍ମ ଉତ୍ସବ ପାଳିତ ହୋଇଯାଇଛି  । ଏହି ଉତ୍ସବରେ ମୁଖ୍ୟ ଅତିଥି ଭାବେ ସାଂସଦ ସୁଲତା ଦେଓ, ସମ୍ମାନିତ ଅତିଥି ଭାବେ ଆନ୍ତର୍ଜାତିକ ଶୋଭନୀୟ ଆନ୍ଦୋଳନର ସାମାଜିକ କର୍ମୀ ଅରୁନ୍ଧତୀ ଦେବୀ ଯୋଗ ଦେଇଥିଲେ  । ସେହିପରି ଅନ୍ୟତମ ଅତିଥି ଭାବେ ଭୁବନେଶ୍ୱର ମହାନଗର ନିଗମ ମେୟର ସୁଲୋଚନା ଦାସ, ବିଶିଷ୍ଟ କବି ଡକ୍ଟର ଶରତ ଚନ୍ଦ୍ର ମାଝୀ, ସମାଜସେବୀ ମନସ୍ମିତା ଜେନା, କର୍ପୋରେଟର ଶ୍ରୀଧର ଜେନା, ବିଶିଷ୍ଟ କବି ରକ୍ଷକ ଦାସ ପ୍ରମୁଖ ଯୋଗଦେଇ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ  । ଏହି ଅବସରରେ ଅତିଥିମାନଙ୍କ ଦ୍ୱାରା ପାଞ୍ଚଜଣ ଭିନ୍ନକ୍ଷମ ବିଶିଷ୍ଟ ବ୍ୟକ୍ତି ସୁରେଶ କୁମାର ସାହୁ, ରବି ନାରାୟଣ ଦାସ, ନରହରି ବେହେରା, କୁନି ବାରିକ ଏବଂ ସୁଭଦ୍ରା ଦାସ ପ୍ରମୁଖଙ୍କୁ ‘ଡୁଡନୁ ସମ୍ମାନ-୨୦୨୪’ରେ ସମ୍ମାନିତ କରାଯାଇଥିଲା  । ସେହିପରି ୯ଗୋଟି ଅଗ୍ରଣୀ ସାମାଜିକ ଅନୁଷ୍ଠାନମାନଙ୍କୁ ‘ଡୁଡନୁ ପ୍ରେରଣା ସମ୍ମାନ-୨୦୨୪’ରେ ସମ୍ମାନିତ କରାଯାଇଥିଲା  । ପରେ ଆୟୋଜିତ ଦ୍ୱିତୀୟ ଅଧିବେଶନରେ ଅତିଥି ଭାବେ ବିଶିଷ୍ଟ କବି ଶଙ୍କର୍ଷଣ ପରିଡ଼ା, ସଂଗୀତ ନିର୍ଦ୍ଦେଶକ ଡାକ୍ତର ଜୟଶ୍ରୀ ଧଳ, ସମାଜସେବୀ ମୀରା ପରିଡ଼ା, ସୌମ୍ୟଦୀପ ଘୋଷ, ଅମ୍ବିକା ମହାରଣା, ଭୁବନେଶ୍ୱର ମଧ୍ୟ ବିଧାୟକ ଅନନ୍ତ ନାରାୟଣ ଜେନା, ପୂର୍ବତନ ମନ୍ତ୍ରୀ ସମୀର ରଞ୍ଜନ ଦାଶ, ଚିତ୍ତରଞ୍ଜନ ଶତପଥୀ ପ୍ରମୁଖ ଯୋଗ ଦେଇଥିଲେ  । ଏହି ଅବସରରେ ଅତିଥିମାନଙ୍କ ଦ୍ୱାରା ଡୁଡନୁ ଟିଭିରେ ‘ମୋ ଜୀନବ ଧନ’ ଲୋକାର୍ପିତ ହୋଇଥିଲା  । ପରେ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହୋଇଥିଲା  । ଏହି ସମସ୍ତ କାର୍ଯ୍ୟକ୍ରମକୁ ‘ଡୁଡନୁ ଫାଉଣ୍ଡେସନ୍ ଟ୍ରଷ୍ଟ’ର ଅଧ୍ୟକ୍ଷା କବି ଡକ୍ଟର ବନ୍ଦନା ହରିଚନ୍ଦନ ଓ ପରିଚାଳନା ନିର୍ଦ୍ଦେଶକ ସଂଜୀବ କୁମାର ହରିଚନ୍ଦନ ପରିଚାଳନା କରିଥିଲେ  । ଅନ୍ୟମାନଙ୍କ ମଧ୍ୟରେ ଟ୍ରଷ୍ଟର ସମସ୍ତ ସଦସ୍ୟ ଜୀବିତେଶ ବେହେରା, ସମ୍ପାଦକ ରୋଷନ ଅଲ୍ଲୀ ବେଗ୍‌, ସ୍ୱପ୍ନସାର୍ଥକ, ଗୋପାଙ୍ଗିନୀ ପ୍ରଧାନ, ସୁନିତା ସେନାପତି, ଜ୍ୟୋତ୍ସ୍ନାରାଣୀ ଢକନ, କବିତା ମହାପାତ୍ର, ନିହାରିକା ବାରିକ, ହରିକ୍ରିସ୍‌, ଶଶୀଭୂଷଣ ମିଶ୍ର, ପ୍ରିୟଙ୍କା ବେହେରା, ବାସୁଦେବ, ସୀମା ପ୍ରଜ୍ଞା ଓ ଅନ୍ୟମାନେ ଉପସ୍ଥିତ ଥିଲେ  ।