ନିସ୍ଵାର୍ଥ ସେବାକୁ ହୃଦୟରୁ ସମ୍ମାନ ଦେବାର ଏକ ନିଆରା କାର୍ଯ୍ୟକ୍ରମ “ନମନ” -2023

ଭୁବନେଶ୍ୱର:ତା – 05-12-2023ରିଖ, ମଙ୍ଗଳବାର, ଭୁବନେଶ୍ୱର, ଓଡିଶା ର ଅଗ୍ରଣୀ ସାଂସ୍କୃତିକ ଓ ସାମାଜିକ ଅନୁଷ୍ଠାନ ନମନ ଫାଉଣ୍ଡେସନ ଆନୁକୂଲ୍ୟରେ ତଥା ଅଗ୍ରଣୀ ପ୍ରତିଷ୍ଠାନ ହ୍ୱାଇଟ କାନଭାସ, ପୋପା ଏବଂ ସ୍ମାଇଲ ପ୍ଲିଜ଼ ଟ୍ରଷ୍ଟ ସହଯୋଗ ରେ ଆଗାମୀ ଡିସେମ୍ବର ୯ ତାରିଖ ଶନିବାର ଦିନ ୭ମ ବାଟାଲିୟନ ପରିସରରେ ୨ୟ ନମନ – 2023କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଆଜି ଆୟୋଜିତ ପ୍ରେସ୍ ବିଜ୍ଞପ୍ତି ରେ ଘୋଷଣା କରାଯାଇଛି l ନମନ ପୁଲିସ ଭାଇ ଭଉଣୀ ତଥା ସେମାନଙ୍କ ପରିବାର ପାଇଁ ଉତ୍ସର୍ଗୀକୃତ ଏବଂ ନିଆରା ଓ ଅନନ୍ୟ କାର୍ଯ୍ୟକ୍ରମ l ଆଇନ ଶୃଙ୍ଖଳା ରକ୍ଷା କରିବା ବ୍ୟତୀତ ପୁଲିସ ଅହରହ ନିଜ ଜୀବନ କୁ ବାଜି ଲଗାଇ ଆମ ଜୀବନ କୁ ସରଳ, ସୁନ୍ଦର ଓ ଶୃଙ୍ଖଳିତ କରିବାର ପ୍ରୟାସ ଜାରି ରଖିଥାଏ l ନିସ୍ଵାର୍ଥପର ଭାବେ ସେମାନେ ସମାଜ ର ଜାଗ୍ରତ ପ୍ରହରୀ ଭାବେ ବର୍ଷକ ବାର ମାସ ଅତ୍ୟନ୍ତ ଅବିରତ ପରିଶ୍ରମ ସହ ଅନେକ ତ୍ୟାଗ କରିଥାନ୍ତି l ସେମାନଙ୍କ ପରିବାର ମଧ୍ୟ ସେମାନଙ୍କୁ ସହଯୋଗ କରିଥାନ୍ତି l ତେଣୁ କମିଶନରେଟ ପୁଲିସ ଓ ଅନ୍ୟ ସମସ୍ତ ପୁଲିସ ସହଯୋଗୀ ଙ୍କ ନିସ୍ଵାର୍ଥ ସେବାକୁ ହୃଦୟର ସମ୍ମାନ ଦେବାର ଏକ ନିଆରା କାର୍ଯ୍ୟକ୍ରମ ସ୍ୱରୂପ ନମନ ଗତବର୍ଷ ଠାରୁ ଆୟୋଜିତ ହୋଇଆସୁଛି l
ଚଳିତ ବର୍ଷ ନମନ ୨ୟ ସଂସ୍କରଣ ରେ ଓଲିଉଡ଼ ଓ ବଲିଉଡ ର ଅନେକ ଅଭିନେତା, ଅଭିନେତ୍ରୀ, କଣ୍ଠଶିଳ୍ପୀ, କମେଡିଆନ, ଉପସ୍ଥାପକ ଯୋଗଦେଇ ଆସନ୍ତା ୯ ତାରିଖ ସନ୍ଧ୍ୟା ରେ ୭ମ ବାଟାଲିୟନ ପରିସରରେ ବିଭିନ୍ନ ମନୋରଞ୍ଜନ କାର୍ଯ୍ୟକ୍ରମ ମାଧ୍ୟମରେ ମହାସମାରୋହ ରେ ରଙ୍ଗରଙ୍ଗ କରିବେ ବୋଲି ସମ୍ମତି ପ୍ରକାଶ କରିଥିଲେ l
ପ୍ରେସ୍ ବିଜ୍ଞପ୍ତି ସଭାରେ ଓଲିଉଡ଼ ଷ୍ଟାର ତଥା ଅନୁଷ୍ଠାନ ର ଉପାଧ୍ୟକ୍ଷ ସବ୍ୟସାଚୀ ମିଶ୍ର, ଅଧ୍ୟକ୍ଷ ସଙ୍ଗୀତ ନିର୍ଦ୍ଦେଶକ ପ୍ରେମ୍ ଆନନ୍ଦ ଏବଂ ମ୍ୟାନେଜିଙ୍ଗ ଟ୍ରଷ୍ଟି ଶ୍ରୀ ଉଲ୍ଲାସ ବେହେରା ଉପସ୍ଥିତ ରହି
ଏହି ନିଆରା କାର୍ଯ୍ୟକ୍ରମ କୁ ସ୍ୱତନ୍ତ୍ର ଶୈଳୀ ରେ ଉପସ୍ଥାପନା କରିବା ପାଇଁ ନମନ ଫାଉଣ୍ଡେସନ ତାର ସମସ୍ତ ପ୍ରୟାସ ଜାରି ରଖିଛନ୍ତି ବୋଲି ପ୍ରକାଶ କରିଥିଲେ l ଚଳିତ ବର୍ଷ ର ମୁଖ୍ୟ ଆକର୍ଷଣ ରହିଛି ମହିଳା ପୁଲିସ ଙ୍କୁ ସମ୍ମାନ ଦେବା l
ଏହି କାର୍ଯ୍ୟକ୍ରମ କୁ ପ୍ରଚାର ପ୍ରସାର କରିବାର ଦାୟିତ୍ୱ ମିଡ଼ିଆ ପ୍ଲାନର ମୁଖ୍ୟ ପ୍ରଣୟ ଜେଠୀ ନେଇଛନ୍ତି l ଏହି ନିଆରା କାର୍ଯ୍ୟକ୍ରମ କୁ ସମସ୍ତେ ମିଶି ସାଫଲ୍ୟ କରିବା ପାଇଁ ନିବେଦନ କରିଛନ୍ତି l