କଂଗ୍ରେସ ଅଭିନବ ରୂପେ ପାଳିଲା ଓଡ଼ିଶା ଦିବସ
କଂଗ୍ରେସ ଅଭିନବ ରୂପେ ପାଳିଲା ଓଡ଼ିଶା ଦିବସ
ଭୁବନେଶ୍ଵର, ତା. ୦୪.୦୪ ରିଖ : ପ୍ରଦେଶ କଂଗ୍ରେସ ସଭାପତି ଶ୍ରୀ ଭକ୍ତ ଚରଣ ଦାସଙ୍କ ନିର୍ଦ୍ଦେଶକ୍ରମେ ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ଶ୍ରୀ ବିଶ୍ଵଜିତ୍ ଦାସଙ୍କ ନେତୃତ୍ୱରେ ଭୁବନେଶ୍ଵର ଜିଲ୍ଲା କଂଗ୍ରେସ ପକ୍ଷରୁ ଆଜି ସଂନ୍ଧ୍ୟାରେ ଅଭିନବ ଉପାୟରେ ଓଡ଼ିଶା ଦିବସ ପାଳନ କରାଯାଇଛି । ଓଡ଼ିଶାର ୬୦ ହଜାର ନିଖୋଜ ମହିଳାଙ୍କ ପାଇଁ ଏକ ଶୋଭାଯାତ୍ରା ବାହାରି ମାଷ୍ଟରକ୍ୟାଣ୍ଟିନ୍ ଠାରେ ଥିବା ବସଷ୍ଟାଣ୍ଡ ଏବଂ ଭୁବନେଶ୍ୱର ରେଲୱେ ଷ୍ଟେସନ ପର୍ଯ୍ୟନ୍ତ ଯାଇଥିଲା। ସେଠାରେ ନିଖୋଜ ମହିଳାମାନଙ୍କୁ କଂଗ୍ରେସ ନେତୃବର୍ଗ, ମହିଳା କଂଗ୍ରେସ ନେତୃବର୍ଗ ଓ କର୍ମୀମାନେ ଖୋଜିଥିଲେ । ଏହିଭଳି କାର୍ଯ୍ୟକ୍ରମ ଆଜି ସାରା ଓଡ଼ିଶାରେ ବିଭିନ୍ନ ଜିଲ୍ଲାରେ ଜିଲ୍ଲା କଂଗ୍ରେସ ପକ୍ଷରୁ ଆୟୋଜିତ କରାଯାଇଛି । ମାଷ୍ଟରକ୍ୟାଣ୍ଟିନସ୍ଥିତ ବସଷ୍ଟାଣ୍ଡ ଓ ରେଲୱେ ଷ୍ଟେସନରେ ମହିଳା ନିର୍ଯ୍ୟାତନା, ଦୁଷ୍କର୍ମ, ହତ୍ୟା ଓ ନିଖୋଜ ପ୍ରସଙ୍ଗରେ ସ୍ଲୋଗାନ ଦିଆଯାଇଥିଲା। ଏହି ପ୍ରସଙ୍ଗରେ ପିସିସି ସଭାପତି ଶ୍ରୀ ଦାସ କହିଥିଲେ ଯେ ୯ ମାସର ବିଜେପି ସରକାର ମହିଳାମାନଙ୍କ ସମସ୍ୟା ପ୍ରତି ଉଦାସୀନ ରହିଛି। ମହିଳାମାନେ ନ୍ୟାୟ ପାଉନାହାନ୍ତି । ମହିଳାମାନଙ୍କୁ ନ୍ୟାୟ ଦେବା ପାଇଁ କଂଗ୍ରେସ ଦାବି କରିବାରୁ ଓଡ଼ିଶାର ବିଜେପି ସରକାର କଂଗ୍ରେସ ନେତୃବର୍ଗ ଓ କର୍ମୀମାନଙ୍କ ଉପରେ ଶାରିରୀକ ଆକ୍ରମଣ କରୁଛି। ଯେ ପର୍ଯ୍ୟନ୍ତ ଓଡ଼ିଶାର ନିର୍ଯ୍ୟାତିତା ଓ ଦୁଷ୍କର୍ମ ପିଡ଼ିତା ମହିଳା ନ୍ୟାୟ ନ ପାଇଛନ୍ତି ସେ ପର୍ଯ୍ୟନ୍ତ ଆନ୍ଦୋଳନାତ୍ମକ କାର୍ଯ୍ୟକ୍ରମ ଜାରି ରହିବ ଏବଂ ସଂଗ୍ରାମ ଅଭିରାମ ରହିବ । ଯଦି ମୋହନ ସରକାର ସମସ୍ୟାର ସମାଧାନ ନ କରି ଦମନମୂଳକ ଉପାୟ ଜାରି ରଖନ୍ତି ତେବେ କଂଗ୍ରେସ ତା’ର ସଂଗ୍ରାମକୁ ଏତେ ତୀବ୍ରତର କରିବ ଯେ ମୋହନ ସରକାର ଥରହର ହୋଇଯିବ । ଏହାପରେ ମହିଳା କଂଗ୍ରେସ କର୍ମୀମାନେ ପ୍ରତି ଗ୍ରାମ, ପୁରପଲ୍ଲୀ ଓ ପଡ଼ାରେ ମହମବତି ଶୋଭାଯାତ୍ରା କରି ମୋହନ ସରକାର ବିରୁଦ୍ଧରେ ନିଜର ଅସନ୍ତୋଷ ବ୍ୟକ୍ତ କରିବେ।
ଏହା ପରେ ପ୍ରଦେଶ କଂଗ୍ରେସ କାର୍ଯ୍ୟାଳୟ ପରିସରରେ ଓଡ଼ିଶା ଦିବସ ପାଳନ ହୋଇଥିଲା । ଏହି ଅବସରରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା।
ଏହି ସମସ୍ତ କାର୍ଯ୍ୟକ୍ରମରେ ପୂର୍ବତନ ପିସିସି ସଭାପତି ଜୟଦେବ ଜେନା, ସୁରେଶ କୁମାର ରାଉତରାୟ, ଡ. ଦେବାଶିଷ ପଟ୍ଟନାୟକ, ଯୁବ କଂଗ୍ରେସର ଜାତୀୟ ସମ୍ପାଦକ ତଥା ଓଡ଼ିଶା ପ୍ରଭାରୀ ମହେଶ ଦେଶମୁଖ, ଜାନକୀବଲ୍ଲଭପଟ୍ଟନାୟକ, ମନୋରଞ୍ଜନ ଦାଶ, ପ୍ରଣତୀ ମିଶ୍ର, ସଶ୍ମିତା ବେହେରା, ସୁବ୍ରତ ମହାପାତ୍ର, ଅଶୋକ ଦାସ, ମୋହନ ଜେନା, ଆଶିଷ ମଲ୍ଲିକ, ପ୍ରକାଶ ମିଶ୍ର, ମାନସ ଆଚାର୍ଯ୍ୟ, ମହମ୍ମଦ ଇମ୍ଦାଦ୍, ମନୀଷା ଦାସପଟ୍ଟନାୟକ, ମାନସ ମହାନ୍ତି, ଚୈତାଳୀ ପଟ୍ଟନାୟକ, ସୋନାଲୀ ସାହୁ, ସତ୍ୟବ୍ରତ ନାୟକ, ସିଲି ସେଠୀ, କୁସୁମ ପ୍ରଧାନ, ପ୍ରସନ୍ନ ନାୟକ, ଜାନକୀ ମଲ୍ଲିକ, ସ୍ନେହାସ୍ମିତା ଜେନା, ଘନ ମହାନ୍ତି, ସେକ୍ ତାକ୍କିମ, ଲଲାଟେନ୍ଦୁ ଦାସ, ଉଦିତ୍ ପ୍ରଧାନ, ଲିଙ୍ଗରାଜ ସାହୁ, ନିହାର ରଞ୍ଜନ ବେହେରା, ସିଦ୍ଧାଥ ରାଉତରାୟ, ନକୁଳ ନାୟକ, ମନୋଜ ବିଶ୍ଵାଳ, ସିଦ୍ଧାର୍ଥ ମହାନ୍ତି, ନିହାର ମହାପାତ୍ର, ନାରାୟଣ ଜେନା, ଦେବାଶିଷ ମହାପାତ୍ର, ସୁକୁମାର, କାର୍ତିକ କାଣ୍ଡି, ସନ୍ତୋଷ ପ୍ରଧାନ, ଦେବୀ ପ୍ରସାଦ ବାହାଲିଆ ଓ ମନୋରଞ୍ଜନ ରାଉତରାୟ ପ୍ରମୁଖ ଉପସ୍ଥିତ ଥିଲେ।