ଭୁବନେଶ୍ୱର:ଭ୍ରଷ୍ଟାଚାରୀ ଗୌତମ ଆଦାନୀକୁ ଘଣ୍ଟ ଘୋଡ଼ାଉଛି ମୋଦି ସରକାର – ପ୍ରଦେଶ କଂଗ୍ରେସ
ଆଦାନୀକୁ ତୁରନ୍ତ ଗିରଫ କରାଯାଉ – ଶ୍ରୀକାନ୍ତ ଜେନା
ଗନ୍ଧମାର୍ଦ୍ଧନ ପର୍ବତକୁ ଆଦାନୀକୁ ଟେକିଦେବା ପ୍ରସଙ୍ଗରେ ସ୍ପଷ୍ଟୀକରଣ ରଖନ୍ତୁ ମୁଖ୍ୟମନ୍ତ୍ରୀ – ସନ୍ତୋଷ ସିଂ ସାଲୁଜା
2,000 କୋଟି ଲାଞ୍ଚ ମାମଲାରେ ଆଦାନୀ ଗ୍ରୁପ୍ର ସମ୍ପୃକ୍ତି ଏବଂ ଆମେରିକାର କର୍ତ୍ତୃପକ୍ଷଙ୍କ ଅଭିଯୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସରକାର ଏବଂ କର୍ପୋରେଟ୍ ସ୍ୱାର୍ଥ ମଧ୍ୟରେ ଗଭୀର ସମ୍ପର୍କ ରହିଛି। ସମଗ୍ର ବିଶ୍ୱରେ ଏହି ଘଟଣା ଚହଳ ପକାଉଥିବା ବେଳେ ପ୍ରଧାନମନ୍ତ୍ରୀଙ୍କ ନିରବତା ଏହାର ଜଟିଳତାକୁ ଦର୍ଶାଉଛି । ଶାସନ, ନିୟାମକ ତଦାରଖ ଏବଂ ଜନସାଧାରଣଙ୍କ ବିଶ୍ୱାସକୁ ନେଇ ଗୁରୁତର ଚିନ୍ତା ବଢ଼ାଇଛି ।
ଏ ସମ୍ପର୍କରେ ଓଡିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ଆଜି ରାଜ୍ୟ କଂଗ୍ରେସ କାର୍ଯ୍ୟାଳୟ ଠାରେ ଆୟୋଜିତ ସାମ୍ବାଦିକ ସମିଳନୀରେ ପୂର୍ବତନ କେନ୍ଦ୍ରମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ଶ୍ରୀକାନ୍ତ ଜେନା ଅଭିଯୋଗ କରିଛନ୍ତି କି ଭ୍ରଷ୍ଟାଚାରୀ ଗୌତମ ଆଦାନୀକୁ ଘଣ୍ଟ ଘୋଡ଼ାଉଛି ମୋଦି ସରକାର ।
ଆମେରିକାର Securities and Exchange Commission (SEC) ପକ୍ଷରୁ ଆଦାନୀ ଓ ଅନ୍ୟମନଙ୍କ ବିରୁଦ୍ଧରେ ଆମେରିକାର ପ୍ରତିଭୂତି ନିୟମ ଉଲଂଘନ କରାଯାଇଥିବା ଅଭିଯୋଗ ହୋଇଛି ।
ଆଜିର ଏହି ସାମ୍ବାଦିକ ସମ୍ମିଳନୀରେ ଶ୍ରୀ ଜେନା ଉଭୟ ନରେନ୍ଦ୍ର ମୋଦିଙ୍କ ସରକାର ଓ ଆଦାନୀକୁ ମଧ୍ୟ କାଠଗଡାକୁ ଟାଣିବା ସହିତ ନିମ୍ନଲିଖିତ ଅଭିଯୋଗ ଗୁଡିକୁ ଉପସ୍ଥାପନା କରିଛନ୍ତି ।
ସିକ୍ୟୁରିଟି ଜାଲିଆତି: ଦୁର୍ନୀତି ନିବାରଣ ଅଭ୍ୟାସର ମିଥ୍ୟା ଦାବି ମାଧ୍ୟମରେ 175 ମିଲିୟନ୍ ଡଲାରରୁ ଅଧିକ ସଂଗ୍ରହ କରୁଥିବାବେଳେ ଆମେରିକୀୟ ନିବେଶକଙ୍କୁ ବିଭ୍ରାନ୍ତ କରୁଛି।
ଅତ୍ୟଧିକ ମୂଲ୍ୟର ସୌର ଶକ୍ତି : ସରକାରୀ ଡିସକମ୍ ଅଧିକ ମୂଲ୍ୟର ସୌର ଶକ୍ତି କିଣିବାକୁ ବାଧ୍ୟ ହେଲା, ଯାହାଦ୍ୱାରା ଗ୍ରାହକଙ୍କ ଉପରେ ବିଦ୍ୟୁତ୍ ବିଲ୍ ଭାର ବଢିଛି । ଏହି ପକ୍ଷପାତିତା ଆଦାନୀଙ୍କ ବିମାନବନ୍ଦର, ବନ୍ଦର, ମିଡିଆ କମ୍ପାନୀ ଏବଂ ଅନ୍ୟାନ୍ୟ ସମ୍ପତ୍ତି ଅଧିଗ୍ରହଣରେ ପ୍ରତିଫଳିତ ହୋଇଛି, ଯାହାକି ପ୍ରତ୍ୟକ୍ଷ ସରକାରୀ ତତ୍ୱବାଧନରେ କରାଯାଇଛି । ଓଡିଶାରେ ଆଦାନୀ ଗୋଷ୍ଠୀକୁ ବିକ୍ରୀହୋଇଥିବା ପ୍ରାକୃତିକ ସମ୍ପଦ ଲୁଣ୍ଠନ କରିବାରେ ରାଜ୍ୟସରକାରଙ୍କ ଭୂମିକା ପ୍ରତିଫଳିତ ହୋଇଛି ।
ଓଡିଶାର ଖଣିଜ ସମ୍ପଦକୁ ଆଦାନୀ ହାତକୁ କିଭଳି ଶାଗ ମାଛ ଦରରେ ବିକ୍ରି କରାଯାଇଛି ଶ୍ରୀ ଜେନା ସେହି ବିଷୟରେ ଅଭିଯୋଗ କରିଛନ୍ତି

❖ Odisha’s Natural Resources Sold to Adani
The Adani Group’s dominance in Odisha illustrates the government’s role in resource plunder:
➢ Coal Mining: The Talabira II and III blocks in Sambalpur and Jharsuguda, spanning 1,914 hectares, displace communities while degrading the environment.
➢ Bauxite and Iron Ore: Adani controls significant reserves, including Kutrumali (127.74 MT) and iron ore projects in Keonjhar and Bhadrak.
➢ Ports and Airports: Adani controls Dhamra Port and 95% of Gopalpur Port, establishing a near monopoly.
➢ LNG Infrastructure: The Dhamra LNG Terminal (5 MTPA capacity) consolidates Adani’s grip on infrastructure.
This exploitation enriches Adani while local communities bear the brunt of displacement and environmental harm.
• ଆଦାନୀ ଅଧୀନରେ ଆଜି ଧାମରା ଓ ଗୋପାଳପୁର ବନ୍ଧର ୯୫% ନିୟନ୍ତ୍ରଣରେ ରହିଛି ।
• ସେବି ବିଫଳତା ଓ ହିନ୍ଦନବର୍ଗ ରିପୋର୍ଟରେ ବିନୋଦ ଆଦାନୀଙ୍କ ମାଲିକାନାରେ ଥିବା ସଂସ୍ଥାଗୁଡ଼ିକ ସହିତ SEBI ଚେୟାରମ୍ୟାନ୍ ମାଧବୀ ପୁରୀ ବଚଙ୍କ ଲିଙ୍କ୍ ପ୍ରକାଶ ପାଇଛି।
• ସୁପ୍ରିମକୋର୍ଟ ଦୁଇ ମାସର ସମୟସୀମା ସ୍ଥିର କରିବାର 20 ମାସ ପରେ ମଧ୍ୟ ଆଦାନୀଙ୍କ ଷ୍ଟକ ମନିପୁଲେସନ୍ ଉପରେ ସେବିଙ୍କ ଯାଞ୍ଚ ଅସମ୍ପୂର୍ଣ୍ଣ ରହିଛି।
• ସାର୍ବଜନୀନ ସଞ୍ଚୟ ବିପଦରେ – 100 ମିଲିୟନ ଭାରତୀୟ ନିବେଶକଙ୍କୁ ଅସୁରକ୍ଷିତ କରିଦେଇଛି, LIC ଏବଂ SBI, ଯାହାକି ଆଦାନୀ ସେୟାରରେ ବହୁ ବିନିଯୋଗ କରିଛି ।
• ଅପରପକ୍ଷେ, ଆମେରିକାର ନିବେଶକମାନଙ୍କୁ ସୁରକ୍ଷା ଦେବା ପାଇଁ SEC ଶୀଘ୍ର କାର୍ଯ୍ୟ କଲା, SEBI ର କାର୍ଯ୍ୟ ଦକ୍ଷତା ଉପରେ ପ୍ରଶ୍ନବାଚୀ ସୃଷ୍ଟି କଲା ।
• ଭାରତୀୟ ଗ୍ରାହକ ଏବଂ ଟିକସଦାତା ଆଦାନୀ ଗ୍ରୁପ୍ର ଠକାମିର ଶିକାର ହୋଇଛନ୍ତି ।
ଭାରତୀୟ ଦୁର୍ନୀତି ନିବାରଣ ଆଇନକୁ କାର୍ଯ୍ୟକାରୀ କର ଏବଂ ଆଦାନୀଙ୍କୁ ତାଙ୍କ ଅପରାଧ ପାଇଁ ଦୋଷୀ ସାବ୍ୟସ୍ତ କର। ଏହି ଘୋଟାଲା କେବଳ ଆଦାନୀଙ୍କ ବିଷୟରେ ନୁହେଁ, ଏହା ମୋଦୀ ଶାସନ ସମୟରେ ଏକ ପ୍ରମୁଖ ବ୍ୟବସ୍ଥିତ ବିଫଳତାର ପ୍ରତୀକାତ୍ମକ । ସରକାରଙ୍କ ଏହି ଉଦାସୀନତା ଆଜି ଭାରତ ଅର୍ଥନୀତି ଓ ଗଣତନ୍ତ୍ରକୁ ବିପଦକୁ ଠେଲି ଦଉଚି ବୋଲି ଶ୍ରୀ ଜେନା ଆଜିର ସାମ୍ବାଦିକ ସମିଳନୀରେ ଅଭିଯୋଗ କରିଛନ୍ତି ।
ବରିଷ୍ଠ କଂଗ୍ରେସ ନେତା ପୂର୍ବତନ ବିଧାୟକ ସନ୍ତୋଷ ସିଂ ସାଲୁଜା ଗନ୍ଧମାର୍ଦ୍ଧନ ପର୍ବତକୁ ଆଦାନୀକୁ ଟେକିଦେବା ପ୍ରସଙ୍ଗରେ ମୁଖ୍ୟମନ୍ତ୍ରୀ ସ୍ପଷ୍ଟୀକରଣ ରଖନ୍ତୁ ବୋଲି ଆଜିର ସାମ୍ବାଦିକ ସମିଳନୀରେ ଦାବି କରିଛନ୍ତି ।
ଅନ୍ୟମାନଙ୍କ ମଧ୍ୟରେ ପୂର୍ବତନ ସାଂସଦ ଅନନ୍ତ ପ୍ରସାଦ ସେଠି ଓ ବରିଷ୍ଠ କଂଗ୍ରେସ ନେତା ଡ଼ ବିଶ୍ୱରଞ୍ଜନ ମହାନ୍ତି ଉପସ୍ଥିତ ଥିଲେ ।