ଛାତ୍ର କଂଗ୍ରେସର ରାଷ୍ଟ୍ରୀୟ ସଂଯୋଜକ ହେଲେ ବିଶ୍ୱଭୂଷଣ ମହାପାତ୍ର
ଭୁବନେଶ୍ୱର, ୨୦.୯ : ଗତକାଲି ବିଳମ୍ବିତ ରାତ୍ରିରେ ଛାତ୍ର କଂଗ୍ରେସର ରାଷ୍ଟ୍ରୀୟ ସଂଯୋଜକ ତାଲିକା ପ୍ରକାଶ ପାଇଛି । ଏଥିରେ ପ୍ରତ୍ୟେକ ରାଜ୍ୟରୁ ସଂଗଠନ, ଆନ୍ଦୋଳନ ଓ ଛାତ୍ରମାନଙ୍କ ସହ ଜଡ଼ିତ ଛାତ୍ରନେତା ମାନଙ୍କୁ ଚୟନ କରାଯାଇଛି । ଓଡ଼ିଶାରୁ ଏକମାତ୍ର ଛାତ୍ରନେତା ବିଶ୍ୱଭୂଷଣ ମହାପାତ୍ରଙ୍କୁ ରାଷ୍ଟ୍ରୀୟ ସଂଯୋଜକ ଭାବେ ଚୟନ କରିଛନ୍ତି ରାଷ୍ଟ୍ରୀୟ ସଭାପତି ବରୁଣ ଚୌଧୁରୀ । ବିଶ୍ୱଭୂଷଣ ଜଣେ ଆଗଧାଡ଼ିର ଛାତ୍ରନେତା । ସେ ବହୁ ଛାତ୍ର ଆନ୍ଦୋଳନ ସହିତ ପ୍ରତ୍ୟକ୍ଷ ଭାବରେ ଜଡ଼ିତ । ଏପରିକି ଜାତୀୟସ୍ତରରେ ସିଏଏ, ଏନ୍‌ଆରସି, ଏନ୍‌ପିଆର ଆନ୍ଦୋଳନ, ଚାଷୀ ଆନ୍ଦୋଳନ, ଭାରତ ଯୋଡ଼ ଯାତ୍ରାରେ ସକ୍ରିୟ ଅଂଶଗ୍ରହଣ କରିଛନ୍ତି । ତାଙ୍କର ଏହିସବୁ କାର୍ଯ୍ୟକଳାପ ଯୋଗୁଁ ତାଙ୍କୁ ମିଛ ମାମଲାରେ ପୋଲିସ୍ ଅନେକ ଥର ଗିରଫ କରିଛି ।
ଶ୍ରୀ ମହାପାତ୍ର କେନ୍ଦ୍ରାପଡ଼ା ଜିଲ୍ଲା ଡ଼େରାବିଶ କଲେଜରୁ ନିର୍ବାଚରେ ବିଜୟୀଲାଭ କରି ନିଜର ଛାତ୍ର ରାଜନୀତି ଆରମ୍ଭ କରି ପରର୍ବୀ ସମୟରେ ରାଜ୍ୟ ରାଜନୀତିରେ ସକ୍ରିୟ ଭୂମିକା ଗ୍ରହଣ କରିଛନ୍ତି । ପ୍ରଦେଶ ଛାତ୍ର କଂଗ୍ରସ ତରଫରୁ ଶ୍ରୀ ମହାପାତ୍ର ମୁଖ୍ୟ ମୁଖପାତ୍ର ଭାବେ ସୁଚାରୁ ରୂପେ ଦାୟିତ୍ୱ ନିର୍ବାହ କରିଆସୁଛନ୍ତି । ବିଶ୍ୱଭୂଷଣଙ୍କୁ ର୍ବମାନ ଜାତୀୟ ରାଜନୀତିରେ ଗୁରୁ ଦାୟିତ୍ୱ ମିଳିଥିବାରୁ ଶ୍ରୀ ମହାପାତ୍ର ବିରୋଧୀ ଦଳ ନେତା ଶ୍ରୀମାନ ରାହୁଲ ଗାନ୍ଧୀ, କହ୍ନେୟା କୁମାର, ବରୁଣ ଚୌଧୁରୀଙ୍କୁ ଧନ୍ୟବାଦ ଜ୍ଞାପନ କରିଛନ୍ତି ।