ଅର୍ଣ୍ଣବ ପ୍ରଡ଼କସନ୍ସ ର ଦୁଇଟି ନୂଆ କମେଡି ୱେବ ସିରିଜ୍ ର ଶୁଭମୁକ୍ତି

ଭୁବନେଶ୍ୱର:ଚିରାଚରିତ ଧାରା ଠାରୁ ଟିକେ ଅଲଗା ଚିନ୍ତା କରିବା, ଯାହା ଚାଲିଛି ତା’ଠାରୁ ଟିକେ ଅଲଗା ଦେଖାଯିବା, ଏମିତି ଏକ ଚିନ୍ତାଧାରା କୁ ନେଇ ଅର୍ଣ୍ଣବ ପ୍ରଡ଼କସନ୍ସ ର ପ୍ରଯୋଜକ ଅଶୋକ ଦାସ ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି l
ଅର୍ଣ୍ଣବ ପ୍ରଡ଼କସନ୍ସ ସବୁବେଳେ ନୂଆ ଚିନ୍ତାଧାରା ର କଥା କୁ ବିଶ୍ୱାସ କରେ l ସେଇ ମାନସିକତା ରେ ସେ ଆରମ୍ଭ କରିବାକୁ ଯାଉଛନ୍ତି ଦୁଇଟି ନୂଆ ୱେବ ସିରିଜ୍ ଯାହା ଟିଭି ରେ ପ୍ରସାରିତ ହେଉଥିବା ମେଗା ସିରିଏଲ ଭଳି ୱେବ ଚାନେଲ ରେ ଚାଲିବ ଏବଂ ପ୍ରତ୍ୟେକ ସପ୍ତାହ ରେ ଗୋଟିଏ ଲେଖାଏଁ ଅଧ୍ୟାୟ ଆସିବ l ଯାହାର ପରିକଳ୍ପନା ଏବଂ ଡିଜାଇନ କରିଛନ୍ତି ଓଡ଼ିଶାର କମେଡି କିଙ୍ଗ ପପୁ ପମ୍ ପମ୍ l ଏକ ସମ୍ପୂର୍ଣ୍ଣ କମେଡି ଏବଂ ପ୍ରଥମ ଥର ପାଇଁ ଓଡ଼ିଶାରେ କଳାଧଳା କମେଡି, ସାଇଲେଣ୍ଟ କମେଡି, ଚାର୍ଲି ଚାପ୍ଲିନ୍ କିମ୍ବା ମିଷ୍ଟର ବିନ୍ ଙ୍କ ଭଳିଆ, ଲରେନ୍ସ ଏବଂ ହାର୍ଡି ଙ୍କ କମେଡି ଭଳିଆ ଇଣ୍ଟରନେସନାଲ ସ୍ତରରେ ଯେମିତି ହେଇଥିଲା, ଓଡ଼ିଶାରେ କେବେ ବି ସେମିତି ହେଇନଥିଲା l ଓଡିଶାର ଜଣେ ପ୍ରମୁଖ ଅଭିନେତା ରାଜୀବ ଲୋଚନ ଓଝା ଯିଏ ଅଭିନୟ ପପୁ ପମ୍ ପମ୍ ଙ୍କ ସହିତ ଅଭିନୟ କରନ୍ତି, ବହୁତ ପତଳା ଶରୀର ର ମଣିଷ ଏବଂ ତାଙ୍କ ସାଙ୍ଗକୁ ଖାପ ଖୁଆଇଲା ଭଳିଆ ଆଉ ଜଣେ ଆଜିକା ଜମାନା ର କଳାକାର ଗଣେଶ, ଯିଏ କି ସିନେମା ଜଗତର ଜଣେ କଳା ନିର୍ଦ୍ଦେଶକ ଙ୍କୁ ନେଇ ଆରମ୍ଭ ହେବାକୁ ଯାଉଛି ଏକ ନୂଆ ୱେବ ସିରିଜ୍ ଯାହାର ନାଁ ହେଉଛି “ଟିଙ୍ଗା ଟେରୁ” l ଦୁଇ ଜଣ ଭିନ୍ନ ଚେହେରା ର କଳାକାର ଦୁହିଁଙ୍କୁ ନେଇ ପ୍ରତ୍ୟେକ ଅଧ୍ୟାୟ ରେ ନୂଆ ନୂଆ ହାସ୍ୟରସ ଭରା ଯାହା ସାତ ରୁ ସତୁରି ବର୍ଷ ବୟସ ର ଲୋକଙ୍କୁ ଭଲ ଲାଗିବ l ପରବର୍ତ୍ତୀ ମାସ ରେ ଆଉ ଏକ ୱେବ ସିରିଜ୍ ଆରମ୍ଭ ହେବ ଯାହାର ନାଁ ରଖାଯାଇଛି “ଓଡି ମ୍ୟାନ” l ପ୍ରଥମ ଥର ପାଇଁ ଓଡ଼ିଆରେ ଏକ ସୁପରମ୍ୟାନ ଆସୁଛି ଯେଉଁଥି ପାଇଁ ତାର ନାଁ ରଖାଯାଇଛି ଓଡି ମ୍ୟାନ l ଶକ୍ତିମ୍ୟାନ, ସୁପରମ୍ୟାନ, ଆଇରନ୍ ମ୍ୟାନ୍ ଭଳିଆ ଚିନ୍ତାଧାରା ରେ ନିର୍ମାଣ ହେଉଚି ଓଡି ମ୍ୟାନ ୱେବ ସିରିଜ୍ l ଏହା ଆଉ ଏକ ଭିନ୍ନ ଚିନ୍ତାଧାରା ର ୱେବ ସିରିଜ୍ l ତେଣୁ ଦୁଇଟି ଯାକ ନୂଆ ଚିନ୍ତାଧାରା ର କଥା ଏବଂ କମେଡି ର ଗୋଟିଏ ନୂଆ ଦିଗ ଦେଖାଇବ ଯାହା ଆମ ମାଟିର ବାସ୍ନା ରହି ନିର୍ମାଣ ହୋଇଛି l ଦୁଇଟି ଯାକ ୱେବ ସିରିଜ୍ ର ଶୁଭ ମହୁରତ ଭୁବନେଶ୍ୱର ସ୍ଥିତ ସୂର୍ଯ୍ୟାଂଶ ହୋଟେଲ ରେ ଅନୁଷ୍ଠିତ ହୋଇଯାଇଛି l ଏହି ଅବସରରେ ନନ୍ଦିଘୋଷ ଟିଭି ର ଚିଫ ଏଡିଟର ଶ୍ରୀଯୁକ୍ତ ଶିଶିର ଭଟ୍ଟ ମିଶ୍ର, ମିଡ଼ିଆ ପ୍ଲାନର ମୁଖ୍ୟ ପ୍ରଣୟ ଜେଠୀ, ପ୍ରଯୋଜକ ଅଶୋକ ଦାସ, ଓଡ଼ିଶାର ଆଗ ଧାଡ଼ିର କମେଡି ଅଭିନେତା ପପୁ ପମ୍ ପମ୍ ଙ୍କ ସମେତ ୱେବ ସିରିଜ୍ ର ସମସ୍ତ କଳାକାର ଏବଂ ଅନ୍ୟାନ୍ୟ ମାନ୍ୟଗଣ୍ୟ ଅତିଥି ଉପସ୍ଥିତ ଥିଲେ l ପପୁ ପମ୍ ପମ୍ ଙ୍କ ଚିନ୍ତାଧାରା କୁ ଅର୍ଣ୍ଣବ ପ୍ରଡ଼କସନ୍ସ ପ୍ରଯୋଜନା ସଂସ୍ଥା ଦ୍ୱାରା ଦୁଇ ଟି ନୂଆ ଟିମ୍ କୁ ନେଇ ନିର୍ମିତ ହେବାକୁ ଯାଉଛି l ଓଡି ମ୍ୟାନ ଟିମ୍ ର ଦାୟିତ୍ୱ ରେ ଅଛନ୍ତି ଟୁକୁନା ଷ୍ଟାଇଲିଷ୍ଟ ଏବଂ ଟିଙ୍ଗା ଟେରୁ ର ଦାୟିତ୍ୱ ରେ ଅଛନ୍ତି ମନୋଜ କୁମାର ସ୍ୱାଇଁ l ନିର୍ଦ୍ଦେଶନା ଦେଉଛନ୍ତି ଆଶିଷ କେ. ଆର l ଏହି ଦୁଇ ଟି ୱେବ ସିରିଜ୍ ଆଗାମୀ ଦିନରେ ସବୁ ଦର୍ଶକ ଙ୍କ ମନରେ ଘର କରିବ ଏଥିରେ ସନ୍ଦେହ ନାହିଁ ବୋଲି ପ୍ରଯୋଜନା ସଂସ୍ଥା ଆଶାବାଦୀ l ଏହାର ପ୍ରଚାର ପ୍ରସାର ଦାୟିତ୍ୱ ରେ ଅଛନ୍ତି ମିଡ଼ିଆ ପ୍ଲାନର ମୁଖ୍ୟ ପ୍ରଣୟ ଜେଠୀ l