ଭବାନୀପାଟଣାରେ ଜାତୀୟ ଶିଶୁ ଚିତ୍ରକଳା ପ୍ରଦର୍ଶନୀ
—————————–
ଆଠ ହଜାର ଶିଶୁ ଶିଳ୍ପୀ ସାମିଲ
——————————–
ଭୁବନେଶ୍ୱର,୧୪।୧୧:
ମହାବୀର ସାଂସ୍କୃତିକ ଅନୁଷ୍ଠାନ ଓ କଳାହାଣ୍ଡି ଆର୍ଟ ଫାଉଣ୍ଡେସନର ମିଳିତ ଆନୁକୁଲ୍ୟରେ ଭବାନୀପାଟଣା ଠାରେ ଏକ ଜାତୀୟ ଶିଶୁ ଚିତ୍ରକଳା ପ୍ରଦର୍ଶନୀ ଅନୁଷ୍ଠିତ ହୋଇ ଯାଇଛି।ଏହି ପ୍ରଦର୍ଶନୀରେ ଭାରତର ବିଭିନ୍ନ ପ୍ରାନ୍ତରୁ ପ୍ରାୟ ଆଠ ହଜାର ଶିଶୁଶିଳ୍ପୀ ସାମିଲ୍ ହୋଇଥିବା ବେଳେ ସେମାନଙ୍କ ଚିତ୍ର ପ୍ରଦର୍ଶିତ ହୋଇଥିଲା। ପ୍ରଦର୍ଶନୀକୁ ଉଦଘାଟନ କରିଥିଲେ ଓଡ଼ିଶା ଲଲିତ କଳା ଏକାଡେମୀର ସଚିବ ତଥା ଚିତ୍ରଶିଳ୍ପୀ ପଞ୍ଚାନନ ସାମଲ।ମୁଖ୍ୟ ଅତିଥି ଆୟୋଜିତ ପ୍ରଦର୍ଶନୀରେ ଓଡିଶା ସମେତ ଭାରତର ବିଭିନ୍ନ ରାଜ୍ୟରୁ ଆସିଥିବା ଶିଶୁ ଶିଳ୍ପୀ ମାନଙ୍କ ଚିତ୍ରକଳା ତଥା ଅନୁଷ୍ଠାନର କର୍ମକର୍ତ୍ତା ମାନଙ୍କୁ ଭୂୟସୀ ପ୍ରଶଂସା କରିଥିଲେ। ସମ୍ମାନିତ ଅତିଥି ଭାବରେ ବରିଷ୍ଠ ଚିତ୍ରଶିଳ୍ପୀ ପୃଥ୍ବୀରାଜ ସିଂଦେଓ ଓ ମଧୁସୂଦନ ମହାରଣା ଯୋଗଦାନ କରିଥିଲେ। କଳାହାଣ୍ଡିର ବରିଷ୍ଠ ଚିତ୍ରଶିଳ୍ପୀ ଅକ୍ଷୟ କୁମାର ପଟ୍ଟନାୟକ ଆୟୋଜକ ମାନଙ୍କ ୨୯ ବର୍ଷର ନିଷ୍ଠାକୁ ସାଧୁବାଦ୍ ଜଣାଇଥିଲେ।ଅତିଥି ମାନଙ୍କ ସହ
ମହାବୀର ସାଂସ୍କୃତିକ ଅନୁଷ୍ଠାନ ର ସଭାପତି ଶାନ୍ତନୁ କୁମାର ବେହେରା, ସମ୍ପାଦକ ସତ୍ୟ ନାରାୟଣ ସିଂହ,କଳାହାଣ୍ଡି ଆର୍ଟ ଫାଉଣ୍ଡେସନର ମୁକୁନ୍ଦ ରେଡ୍ଡୀ, ଗୋବିନ୍ଦ ରେଡ୍ଡୀ ଓ ବିଜନ ରେଡ୍ଡୀ ଉପସ୍ଥିତ ରହି କୃତୀ ଶିଶୁ ଶିଳ୍ପୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ।ଶିଶୁ ଶିଳ୍ପୀ ମାନଙ୍କ ଚିତ୍ରଗୁଡ଼ିକ ଅତିଥି ମାନଙ୍କ ଦ୍ବାରା ଉଚ୍ଚ ପ୍ରଶଂସିତ ହୋଇଥିଲା।ଏହି ପ୍ରଦର୍ଶନୀ ନଭେମ୍ବର ୧୨ ରୁ ୧୪ ତାରିଖ ପର୍ଯ୍ୟନ୍ତ ଆୟୋଜିତ ହୋଇଯାଇଛି।