ରାଜପଥ 49 ରେ ଟ୍ରକ ପଛ ରେ ପିଟିଲା ଟ୍ରକ, ଜଳିଗଲା ଟ୍ରକ, ଜଣେ ଡ୍ରାଇଭର ଜୀବନ୍ତ ଦଗ୍ଧ

ଭୁବନେଶ୍ୱର:କେନ୍ଦୁଝର,4/8- କେନ୍ଦୁଝର ସଦର ଥାନା ୪୯ ନମ୍ବର ଜାତୀୟ ରାଜପଥର ମହୁଲଡିହା ଗାଁ ନିକଟରେ ଗୋଟିଏ ଟ୍ରକ କୁ ପଛରୁ ପିଟିଲା ଅନ୍ୟ ଏକ ଟ୍ରକ୍ । ଫଳରେ ଗୋଟିଏ ଟ୍ରକରେ ନିଆଁ ଲାଗିଯାଇଥିଲା। ନିଆଁ ଲାଗିଥିବା ଟ୍ରକର ଡ୍ରାଇଭର ବାହାରି ନପାରିବାରୁ ସେ ଜୀବନ୍ତ ଦଗଧ । ପୋଲିସ ଓ ଅଗ୍ନୀଶମ ବାହୀନି ଘଟଣାସ୍ଥଳରେ ପହଞ୍ଚି ଜୀବନ୍ତ ଦଗ୍ଧ ଡ୍ରାଇଭର କୁ ଉଦ୍ଧାର କରିଛନ୍ତି । ଘଟଣାଟି ଆଜି ଭୋର ରେ ହୋଇଥିବା ଜଣା ପଡିଛି । ଜାତୀୟରାଜପଥ 49ର କେନ୍ଦୁଝର ବାଇପାସରେ ଦୁଇଟି ଟ୍ରକ କଲିକତା ଅଭିମୁଖେ ଯାଉଥିବା ବେଳେ ହୋଇଥିଲା ଏଭଳି ଦୁଃଖଦ ଦୁର୍ଘଟଣା ।ଆଗରେ ଯାଉଥିବା ଲୁହା ଚାଦର ବୋଝେଇ ଟ୍ରକ ପଛରୁ ଧକ୍କା ଦେବା ଫଳରେ ଅନ୍ୟ ଟ୍ରକର ଡ୍ରାଇଭର ପଟ ଟି ସମ୍ପୂର୍ଣ୍ଣ ଚାପିହୋଇ ନଷ୍ଟ ହୋଇଯାଇଥିଲା । କୌଣସି କାରଣରୁ ଗାଡ଼ିରେ ନିଆଁ ଲାଗି ଯାଇଥିଲା । ଡ୍ରାଇଭର ଜଣଙ୍କ ନ ବାହାରି ପାରି ଜୀବନ୍ତ ପୋଡ଼ି ଯାଇଥିଲେ । ଦୁର୍ଘଟଣାପରେ କିଛି ସମୟପାଇଁ ରାସ୍ତାରେ ଗାଡିମୋଟର ଚଳାଚଳ ବ୍ୟାହାତ ହୋଇଥିଲା।