ଚାନ୍ଦବାଲି ବ୍ଲକରେ ବଜ୍ରାଘାତରେ ୨ ମୃତ ୩ ଗରୁତ୍ଵର

ଭୁବନେଶ୍ୱର:ଚାନ୍ଦବାଲି -ଚାନ୍ଦବାଲି ବ୍ଲକରେ ଉତୁକୁଡ଼ା ପଞ୍ଚାୟତ, ମୌସୁଧା ଓ ଖେରଙ୍ଗ ପଞ୍ଚାୟତ ର ବଜ୍ରାଘାତରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଗରୁତ୍ଵର ଅବସ୍ଥାରେ ଭଦ୍ରକ ମେଡ଼ିକାଲକୁ ସ୍ଥାନାନ୍ତର ହୋଇଛନ୍ତି । ତେବେ ଉତୁକୁଡ଼ା ପଞ୍ଚାୟତ ସିଙ୍ଗିଟି ଗାଁରେ ମୟୁରଭଞ୍ଜ ଜିଲ୍ଲାରୁ କୃଷିକାର୍ଯ୍ୟ ପାଇଁ ଆସିଥିବା ମା ଓ ଝିଅଙ୍କ ମଧ୍ୟରୁ ବଜ୍ରାଘାତରେ ମା ଯମୁନା ସିଂଙ୍କର ମୃତ୍ୟୁ ହୋଇଥିବା ବେଳେ ଝିଅ ସିମା ଗୁରୁତ୍ଵର ହୋଇଛନ୍ତି । ସେହିପରି ଖେରଙ୍ଗ ପଞ୍ଚାୟତ ର ପ୍ରଫୁଲ ମାଝୀଙ୍କ ପୁଅ ପ୍ରତାପ ମାଝୀଙ୍କର ମଧ୍ୟ ବଜ୍ରାଘାତରେ ମୃତ୍ୟୁ ହୋଇଛି । ମୈସୁଧା ପଞ୍ଚାୟତ ଫାର୍ସିବନ୍ଦ ଗାଁରେ ଧନେଶ୍ଵର ବାରିକ ଓ ସୁମନ୍ତ ସାହୁ ବଜ୍ରାଘାତରେ ଗରୁତ୍ଵର ହୋଇ ଭଦ୍ରକ ସ୍ଥାନାନ୍ତର ହୋଇଛନ୍ତି ।