ଜାରି ରହିଛି ବୈତରଣୀ ନଦୀରେ ବନ୍ୟା ସ୍ଥିତି

ଭୁବନେଶ୍ୱର:ଭଦ୍ରକ,୪।୮: ଏବେ ବି ବନ୍ୟା ସ୍ଥିତି ଭଦ୍ରକ ଜିଲ୍ଲାରେ ଜାରି ରହିଛି । ଏବେ ମଧ୍ୟ ବିପଦ ସଂକେତ ଉପରେ ବୈତରଣୀ ପ୍ରବାହିତ ହେଉଛି । ଆଖୁଆପଦା ଆନିକଟ ଠାରେ ବିପଦ ସଂକେତ 17.83 ଥିବା ବେଲେ ସକାଳ 8ଟା ସୁଦ୍ଧା 18. 30 ମିଟରରେ ବନ୍ୟା ଜଳ ପ୍ରବାହିତ ହେଉଛି । ଅନେକ ପଞ୍ଚାୟତ ଏବେ ମଧ୍ୟ ଜଳବନ୍ଦୀ। ଭଣ୍ଡାରିପୋଖରୀ ବ୍ଲକ ଓ ଧାମନଗର ବ୍ଲକରେ ଅନେକ ସ୍ଥାନ ଓ ଗାଁ ଜଳବନ୍ଦୀ ହୋଇଛି ।

ଭଦ୍ରକ ଆରଡ଼ି ଯୋଗାଯୋଗ ବିଚ୍ଛିନ୍ନ ହୋଇଛି । ଉପର ମୁଣ୍ଡରୁ ଜଳସ୍ଥର କମ ହେଉଥିବା ବେଳେ ଗାଁ ମଧ୍ୟରେ ବନ୍ୟାଜଳ ପ୍ରବେଶ କରୁଛି । ଧୁଷୁରୀ , ଅସୁରାଳି , କାଶିମପୁର , ହାସନାବାଦ, ପଙ୍ଗଟା , ଫଳପୁର , ଆଦି ପଞ୍ଚାୟତ ପ୍ରଭାବିତ ହୋଇଛି ବନ୍ୟାଜଳ । ଏନ. ଡି.ଆର.ଏଫ , ଓଡ୍ରାଫ ଓ ଅଗ୍ନିଶମ ବାହିନୀ ବିଭିନ୍ନ ସ୍ଥାନରେ ମୃତୟନ ହେବା ସହ ଉଦ୍ଧାର କାର୍ଯ୍ୟ ଜାରିରହିଛି ।