ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ରରେ
‘ହୋରାଇଜୋନ୍ ସିରିଜ୍‌’ ଓଡ଼ିଶୀ ରିସାଇଟାଲ୍ ଆୟୋଜିତ

ଭୁବନେଶ୍ୱର, ତା.୨୮.୦୭.୨୦୨୩ : ଆଜି ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ର ଓ ଆଇ.ସି.ସି.ଆର୍‌. ଇଷ୍ଟର୍ଣ୍ଣ ଜୋନାଲ୍ ସେଣ୍ଟର ର ମିଳିତ ସହଯୋଗରେ ହୋରାଇଜୋନ୍ ସିରିଜ୍ କାର୍ଯ୍ୟକ୍ରମର ଏକ ଅଂଶ ଭାବରେ ଏକ ଓଡ଼ିଶୀ ନୃତ୍ୟ କାର୍ଯ୍ୟକ୍ରମ ଆୟୋଜିତ ହୋଇଯାଇଛି ।

ଏହି ଅବସରରେ ଶ୍ରୀ ସୁବୋଧ ଚନ୍ଦ୍ର ଆଚାର୍ଯ୍ୟ, ଯୁଗ୍ମ ନିର୍ଦ୍ଦେଶକ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ତଥା ମୁଖ୍ୟ ନିର୍ବାହୀ ଓଡ଼ିଶୀ ଗବେଷଣା କେନ୍ଦ୍ର; ମୀନାକ୍ଷୀ ମିଶ୍ର, ଆଞ୍ଚଳିକ ନିର୍ଦ୍ଦେଶକ ଆଇ.ସି.ସି.ଆର୍‌. ଇଷ୍ଟର୍ଣ୍ଣ ଜୋନାଲ୍ ସେଣ୍ଟର ଏବଂ ଗୁରୁ ସିକତା ଦାସ, ଓଡ଼ିଶୀ ବିଭାଗ ମୁଖ୍ୟ, ଓଡ଼ିଶୀ ଗବେଷଣା ପ୍ରମୁଖ ଅତିଥି ଭାବରେ ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମରେ ଗୁରୁ ଗୌରୀଶଙ୍କର ଦାଶ ଏବଂ ଦେବାଂଶୀ ନୃତ୍ୟ ଏକାଡେମୀର ଛାତ୍ରଛାତ୍ରୀମାନେ ନୃତ୍ୟ ପ୍ରଦର୍ଶନ କରିଥିଲେ । ଏକକ ପ୍ରଦର୍ଶନରେ ପ୍ରଥମେ ସେ ମଙ୍ଗଳାଚରଣ ପ୍ରଦର୍ଶନ କରିଥିଲେ, ପରେ ପରେ ତ୍ରିସ୍ତରୀୟ କାର୍ଯ୍ୟକ୍ରମ ଏବଂ କବିସମ୍ରାଟ ଉପେନ୍ଦ୍ର ଭଞ୍ଜଙ୍କର ବୈଦେହିସ ବିଳାସ ଉପରେ ଆଧାରିତ ଅନ୍ୟ ଏକ ଏକକ ଅଭିନୟ ଏବଂ ସମୂହ ନୃତ୍ୟ ମୋକ୍ଷ ସହିତ ସମାପ୍ତ ହୋଇଥିଲା । ଏହି କାର୍ଯ୍ୟକ୍ରମରେ ବହୁ ଦର୍ଶକ ଉପସ୍ଥିତ ଥିବା ସହିତ ସେଥିମଧ୍ୟରୁ ଦର୍ଶକଙ୍କ ମଧ୍ୟରେ ବିଦେଶୀ ମଧ୍ୟ ଥିଲେ । ଏହା ଅଫିସିଆଲ୍ ଫେସ୍‌ବୁକ୍ ପେଜ୍ ଏବଂ କେନ୍ଦ୍ରର ୟ୍ୟୁଟୁବ୍ ଚାନେଲ୍‌ରେ ସିଧାସଳଖ ପ୍ରସାରଣ କରାଯାଇଥିଲା ।