୫୧ ଟି ପ୍ରେକ୍ଷାଳୟ ରେ ମୁକ୍ତିଲାଭ କଲା ଚଳଚ୍ଚିତ୍ର “ରାମ୍”

ଭୁବନେଶ୍ୱର:ବହୁ ପ୍ରତିକ୍ଷୀତ ଓଡ଼ିଆ ଚଳଚ୍ଚିତ୍ର ରାମ୍ ସାରା ଓଡିଶାର ୫୧ଟି ପ୍ରେକ୍ଷାଳୟରେ ମୁକ୍ତିଲାଭ କରିଛି l କିଛି ବର୍ଷ ର ବିରତି ପରେ ଅରିନ୍ଦମ ଙ୍କ ଫିଲ୍ମ ପରଦାକୁ ଆସିଥିବାରୁ ପ୍ରେକ୍ଷାଳୟ ସାମ୍ନାରେ ଫ୍ୟାନ୍ ଙ୍କର ବହୁତ ଭିଡ଼ ଜମିଥିଲା l ପ୍ରଥମେ କଟକ ରେ ବୃନ୍ଦାବନ ଓ ଭୁବନେଶ୍ବର ଠାରେ ସ୍ତୁତି ରାମ୍ ର ପ୍ରିମିୟର ହୋଇଥିଲା । ରାମ୍ ରେ ଓଲିଉଡ଼ ର ଦୁଇ ମେଗା ଆକ୍ସନ ଷ୍ଟାର ଅରିନ୍ଦମ ଏବଂ ଅନୁଭବ ନଜର ଆସିଥିବାରୁ ପ୍ରଥମ ଦିନରେ ଓଡ଼ିଶାର ପ୍ରାୟ ସବୁ ପ୍ରେକ୍ଷାଳୟ ଫୁଲ୍ ଥିଲା l ତାଙ୍କ ସହିତ ବଲିଉଡ ତଥା ଟଲିଉଡ ର ଦୁର୍ଦ୍ଦାନ୍ତ ଖଳନାୟକ ଅଭିନେତା ରାହୁଲ ଦେବ ଅଭିନୟ କରିଛନ୍ତି l ଅରିନ୍ଦମ ଙ୍କ ସହିତ ବାଙ୍ଗୀୟ ସୁନ୍ଦରୀ ନାୟିକା ରୁପ୍ସା ଙ୍କ ଯୋଡି ବେଶ ଆକର୍ଶିତ କରିଛି ଦର୍ଶକକୁ l ସହ କଳାକାର ଭାବେ ଓଲିଉଡ଼ ର ଅନେକ ଅଭିଜ୍ଞ ଅଭିନେତା ଙ୍କୁ ବେଶ ଭଲ ବ୍ରେକ୍ ମିଳିଛି ଚଳଚ୍ଚିତ୍ର ରାମ୍ ରେ l ନିର୍ଦ୍ଦେଶକ ଅଶୋକ ପତି ଙ୍କ ଦମଦାର ନିର୍ଦ୍ଦେଶନା ଯୁବପିଢ଼ି ଙ୍କୁ ବେଶ ପ୍ରଭାବିତ କରିଛି l ଆକ୍ସନ ସାଙ୍ଗକୁ ରୋମାନ୍ସ, କମେଡି ସାଙ୍ଗକୁ ଟ୍ରାଜେଡି ଭରପୁର ରହିଛି ରାମ୍ ରେ l ରତ୍ନା ବ୍ୟାନର ର ଚତୁର୍ଥ ଅବଦାନ ତଥା ଅରିନ୍ଦମ ରୟ ଙ୍କ ପ୍ରଯୋଜିତ ରାମ୍ ଚଳଚ୍ଚିତ୍ର ଏକ ବିଗ ବଜେଟର ଚଳଚ୍ଚିତ୍ର l ଗୀତଗୁଡିକୁ ସଙ୍ଗୀତ ରେ ସଜାଡିଛନ୍ତି ଯୁବ ସଙ୍ଗୀତ ନିର୍ଦ୍ଦେଶକ ଅସଦ ନିଜାମ ଏବଂ ଲିଙ୍କନ l
ଦଶହରା ବଜାର ରେ ୩ ଟି ଓଡ଼ିଆ ଚଳଚ୍ଚିତ୍ର ଆସିଥିବା ବେଳେ ଦର୍ଶକ ରାମ୍ କୁ ଢେର ଭଲ ପାଇବା ଦେଉଥିବା ପରିଲକ୍ଷିତ ହେଉଛି l