ମିଶନଶକ୍ତି ଜରିଆରେ ମାଆମାନେ ସ୍ବାବଲମ୍ବୀ ହେବାକୁ ସହି ନପାରି କଟୁ ମନ୍ତବ୍ୟ ଦେଉଛନ୍ତି ବିଜେପି ନେତା:ବିଜେଡ

ଭୁବନେଶ୍ବର: ୧୨.୦୭ ମିଶନ ଶକ୍ତି ଦ୍ୱାରା ୭୦ ଲକ୍ଷ ମହିଳା ସଶକ୍ତିକରଣ ହୋଇ ପାରିଛନ୍ତି। ଏହି ସଫଳତା ବିଶ୍ୱ ଦରବାରରେ ଆଦୃତ ହୋଇଥିଲା ବେଳେ ବିଜେପିର ନେତା କିନ୍ତୁ ଏହି ସଫଳତାକୁ ସହ୍ୟ କରି ପାରୁନାହାନ୍ତି। ତେଣୁ ବିଜେପି ନେତାମାନେ ବିଭିନ୍ନ ସମୟରେ ମିଶନ ଶକ୍ତି ମା’ମାନଙ୍କ ନାମରେ ସମ୍ମାନହାନୀ ହେବା ଭଳି ମିଛ କଟୁ ମନ୍ତବ୍ୟ ପ୍ରଦାନ କରୁଛନ୍ତି। ହେଲେ ଆଜି ବିଜେପିର ମିଛ ଧରା ପଡିଗଲାନି। ଓଡ଼ିଶାର ମିଶନ ଶକ୍ତି ମା’ମାନେ ଆଜି ଘରେ ଘରେ ସ୍ୱାବଲମ୍ବୀ ହୋଇ ପରିବାର ଆର୍ଥିକ ସ୍ଥିତିକୁ ସ୍ଵଛଳ କରିପାରିଛନ୍ତି ।ମିଶନ ଶକ୍ତି ଅଭିଯାନ ଲାଗି ୭୦ ଲକ୍ଷ ମହିଳା ଯେଉଁଭଳି ଭାବେ ଆଗକୁ ନେଇଛନ୍ତି ବିଶ୍ୱ ଦେଖୁଛି। କିନ୍ତୁ ଏହାକୁ ବିଜେପି ନେତା ସହ୍ୟ କରିପାରୁନାହାନ୍ତି। ଓଡ଼ିଶା ବିଜେପି ନେତା ଚାଁହାନ୍ତି ଆମ ମାଆ ମାନେ ଘର ମୁଣ୍ଡରେ ବସନ୍ତୁ ବାହାରକୁ ନ ବାହାରନ୍ତୁ। ମିଶନ ଶକ୍ତି ମାଆ ମାନେ ଲାଞ୍ଚ ଖାଉଛନ୍ତି ବୋଲି ଓଡ଼ିଶା ବିଜେପି ନେତା ଅଭିଯୋଗ ଆଣୁଛନ୍ତି । ଏହି ଅଭିଯୋଗ ଦ୍ୱାରା କୌଣସି ସଫଳତା ବିଜେପି ପାଇବ ନାହିଁ। ହସ୍ପିଟାଲ ଠାରୁ ଆରମ୍ବ କରି ଧାନ ସଂଗ୍ରହ ସମସ୍ତ କାର୍ଯ୍ୟକ୍ରମ ମିଶନ ଶକ୍ତି ମାଆ ମାନେ କରିଛନ୍ତି। ଓଡ଼ିଶା ବିଜେପି ମାଆଙ୍କୁ ନେଇ ଯେଉଁ ଷଡଯନ୍ତ୍ର କରିଛନ୍ତି । ଏହା ସଫଳ ହେବ ନାହିଁ । ଆଗାମୀ ଦିନରେ ଓଡ଼ିଶାର ମିଶନ ଶକ୍ତିର ମାଆ ମାନେ ଜବାବ ଦେବେ ବୋଲି ବିଜେଡି କହିଛି।