ରାଜ୍ୟ ସଭାପତିଙ୍କ ନବରଙ୍ଗପୁର ଜିଲ୍ଲା ଗସ୍ତ ଓ ସାମ୍ବାଦିକ ସମ୍ମିଳନୀ

ଜନବିରୋଧୀ ବିଜେଡି ସରକାର ତୁରନ୍ତ ବିଦା ହେବା ଆବଶ୍ୟକ: ମନମୋହନ ସାମଲ

 ରାଜ୍ୟ ସରକାର ନିରୀହ ଆଦିବାସୀଙ୍କ ପ୍ରତି ଅତ୍ୟାଚାର କରନ୍ତୁ ନାହିଁ
 ଶାସକ ବିଜେଡିର ଦୁର୍ନୀତି ଓ ଭ୍ରଷ୍ଟାଚାରରେ ଓଡିଶାବାସୀ ତ୍ରାହି ତ୍ରାହି ଡାକୁଛନ୍ତି
 ପାପଡାହାଣ୍ଡି ବ୍ଲକର ଶହୀଦ୍ ମିନାରଠାରେ ପୁଷ୍ପମାଲ୍ୟ ଅର୍ପଣ କରି “ମୋ ମାଟି, ମୋ ଦେଶ” କାର୍ଯ୍ୟକ୍ରମ ଅନ୍ତର୍ଗତ ମାଟି ସଂଗ୍ରହ କରିଥିଲେ
 ବଡଭରାଣ୍ଡିସ୍ଥିତ ମହିମା ଅଲେଖ ମଠକୁ ଯାଇ ଦର୍ଶନ କରିବା ସହ ମାଟି ସଂଗ୍ରହ କରିଥିଲେ ଏବଂ ଶହୀଦ ବଗା ପୁଜାରୀଙ୍କ ପରିବାରକୁ ସମ୍ବର୍ଦ୍ଧିତ କରିଥିଲେ
 ପୃଥକ ପୃଥକ ଭାବେ ଉମରକୋଟ ଏବଂ ଡାବୁଗାଁ ନିର୍ବାଚନମଣ୍ଡଳୀ କାର୍ଯ୍ୟକର୍ତା ବୈଠକରେ ଯୋଗ ଦେଇଥିଲେ ରାଜ୍ୟ ସଭାପତି

ନବରଙ୍ଗପୁର /ଭୁବନେଶ୍ୱର, ତା.୧୮/୦୯: ବିଜେଡି ସରକାରର ଦୀର୍ଘ ୨୩ ବର୍ଷର ଶାସନ ପରେ ବି ଆଦିବାସୀ ଅଧ୍ୟୁଷିତ ନବରଙ୍ଗପୁର ଜିଲ୍ଲାର ସାମଗ୍ରିକ ବିକାଶ ସମ୍ଭବ ହୋଇନାହିଁ । ଜିଲ୍ଲାରେ ଆଜି ବି ଶିକ୍ଷା, ସ୍ୱାସ୍ଥ୍ୟ, ବିଜୁଳି, ଗମନାଗମନ ଭଳି ମୈାଳିକ ସୁବିଧାର ସୁଧାର ଆସିଲା ନାହିଁ । ବେରୋଜଗାରୀ, ଅପପୃଷ୍ଟିର କାୟା ବିସ୍ତାର କରିଛି । ନବରଙ୍ଗପୁର ଆଦିବାସୀ ଅଧୁଷିତ ଅଂଚଳରେ ହୋଇଥିଲେ ବି ରାଜ୍ୟ ସରକାର କୃଷି ଓ ଜଙ୍ଗଲଜାତୀୟ ଶିଳ୍ପକୁ ପ୍ରାଧାନ୍ୟ ଦେଉନାହାନ୍ତି । ମୋଦି ସରକାର କୃଷକ ଓ ଜନଜାତିଙ୍କ ବିକାଶ ପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରି ହଜାର ହଜାର କୋଟି କୋଟି ଟଙ୍କାର ଆର୍ôଥକ ସହାୟତା ଯୋଗାଉଛନ୍ତି । କିନ୍ତୁ ନବରଙ୍ଗପୁର ଚାଷୀ ଓ ଜନଜାତି ଲାଭାନ୍ୱିତ ହେଉନାହାନ୍ତି । ୨୩ବର୍ଷର ନବୀନ ସରକାରରେ ଏବେ ମଧ୍ୟ ଅପପୃଷ୍ଟିରେ ଲୋକ ମୃତ୍ୟୁବରଣ କରୁଛନ୍ତି । ରାଜ୍ୟ ସରକାର ଓଡ଼ିଶାବାସୀଙ୍କୁ ଭଣ୍ଡେଇ ଚାଲିଛି । ଲିଜ୍‌ରେ ଚାଲିଥିବା ଓଡିଶା ସରକାର ଗୋଟିଏ ପରେ ଗୋଟିଏ ସାମାଜିକ ଅପରାଧ କରି ଚାଲିଛନ୍ତି । ପଂଚାୟତରାଜ ବ୍ୟବସ୍ଥା ଓ ଗଣତନ୍ତ୍ର ବ୍ୟବସ୍ଥାକୁ ହତ୍ୟା କରାଯାଇଛି । ଗ୍ରାମସଭା ଓ ପଲ୍ଲିସଭାକୁ ଅସମ୍ମାନ କରାଯାଉଛି । ଏନ୍‌ଆର୍‌ଜିଏସ୍‌ରେ ବ୍ୟାପକ ଦୁର୍ନୀତି ହେଉଛି । ଓଡ଼ିଶାରେ ଦୁର୍ନୀତି ଓ ଭ୍ରଷ୍ଟାଚାର ଚରମ ସୀମା ଅତିକ୍ରମ କରିସାରିଛି । ୫୦ ପ୍ରତିଶତ ପିସି ସାମାନ୍ୟରେ ପରିଣତ ହୋଇଛି । ଶାସକ ବିଜେଡିର ଦୁର୍ନୀତି ଓ ଭ୍ରଷ୍ଟାଚାରରେ ଓଡିଶାବାସୀ ତ୍ରାହି ତ୍ରାହି ଡାକୁଛନ୍ତି । ଏଭଳି ଜନବିରୋଧୀ ସରକାର ତୁରନ୍ତ ବିଦା ହେବା ଆବଶ୍ୟକ ବୋଲି ରାଜ୍ୟ ସଭାପତି ଶ୍ରୀ ମନମୋହନ ସାମଲ କହିଛନ୍ତି ।
ଆଜି ନବରଙ୍ଗପୁରରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଶ୍ରୀ ସାମଲ କହିଛନ୍ତି ଯେ, ନବରଙ୍ଗପୁରରେ ମେଡିକାଲ କଲେଜ, ଡିଗ୍ରି ଇଞ୍ଜିନିୟରିଂ କଲେଜ ନାହିଁ । ହେଡ୍‌କ୍ୱାର୍ଟର ଯେଉଁ କଲେଜ ଅଛି ତାହାକୁ ସରକାରୀ କଲେଜର ମାନ୍ୟତା ଦିଆଯାଇ ନାହିଁ । ଉଚ୍ଚଶିକ୍ଷା ପାଇଁ ଏଠାରେ ପୋଷ୍ଟଗ୍ରାଜୁଏଟ କଲେଜ ନାହିଁ । ଇନ୍ଦ୍ରାବତୀ ଡ୍ୟାମରୁ ନବରଙ୍ଗପୁରକୁ ଜଳସେଚନ କରାଗଲା ନାହିଁ । ତେଲନଦୀରେ ଯଥାଶୀଘ୍ର ଡ୍ୟାମ ନିର୍ମାଣ କରନ୍ତୁ ରାଜ୍ୟ ସରକାର । ୬୦ହଜାର ହେକ୍ଟର ମକାଚାଷ ହେଉଛି କିନ୍ତୁ ସରକାର କିଣୁନାହାନ୍ତି । ଧାନର ଅଭାବିବିକ୍ରି ହେଉଛି, ମଣ୍ଡି ଖୋଲୁନାହିଁ । ଏଠାରେ ଶୀତଳଭଣ୍ଡାର ନାହିଁ, କେନ୍ଦ୍ର ସରକାର ନବରଙ୍ଗପୁରରେ ଇଥାନଲ୍ ପ୍ଲାଂଟ ପାଇଁ ୫୦୦କୋଟି ଟଙ୍କା ଦେଇଛନ୍ତି ରାଜ୍ୟ ସରକାର ଜମି ନଦେବା କାରଣରୁ ତାହା ଅନୁମୋଦନ ହୋଇ ପଡିରହିଛି । ନବରଙ୍ଗପୁର ଯୁବକଙ୍କୁ ରାଜ୍ୟ ସରକାର ନିଯୁକ୍ତି ଯୋଗାନ୍ତୁ ଏବଂ ୫୬ହଜାର ଶିକ୍ଷକ ଆନ୍ଦୋଳନରେ ଅଛନ୍ତି ସେମାନଙ୍କ ଦାବି ପୂରଣ କରନ୍ତୁ, ନବରଙ୍ଗପୁରରେ ବିଇଡି କଲେଜ ଆରମ୍ଭ କରନ୍ତୁ । ରାଜ୍ୟ ସରକାର ନିରୀହ ଆଦିବାସୀଙ୍କ ପ୍ରତି ଅତ୍ୟାଚାର କରନ୍ତୁ ନାହିଁ ବୋଲି ଶ୍ରୀ ସାମଲ ଦାବି କରିଛନ୍ତି ।
ପ୍ରଧାନମନ୍ତ୍ରୀ ଭାବେ ଦାୟୀତ୍ୱ ନେବା ପରେ ଶ୍ରୀ ନରେନ୍ଦ୍ର ମୋଦି ଭାରତମାଲା ଯୋଜନାରେ ନବରଙ୍ଗପୁରରୁ ରାୟପୁର ଓ ଭାଇଜାଗ୍ ସହ ରାସ୍ତାକୁ ଯୋଡିଛନ୍ତି । ୧୫ହଜାର କୋଟି ଟଙ୍କାର ରାସ୍ତା ନିର୍ମାଣକାର୍ଯ୍ୟ ଚାଲିଛି । ନବରଙ୍ଗପୁରରେ ୬ହଜାର କୋଟି ଟଙ୍କାର ରେଳଲାଇନ କରିବାକୁ କେନ୍ଦ୍ର ସରକାର ପ୍ରତିଶ୍ରୁତି ଦେଇଛନ୍ତି । ଆଦିବାସୀବହୁଳ ନବରଙ୍ଗପୁର ଜିଲ୍ଲାରେ ୧୦ଟି ଏକଲବ୍ୟ ସ୍କୁଲ ଖୋଲିଛନ୍ତି । ନବରଙ୍ଗପୁରର ବିକାଶ ପାଇଁ ମୋଦି ସରକାରଙ୍କ ଆନ୍ତରିକତାକୁ ଶ୍ରୀ ସାମଲ ଧନ୍ୟବାଦ ଜ୍ଞାପନ କରିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ଅବସରରେ ରାଜ୍ୟ ଉପସଭାପତି ବିରଂଚି ନାରାୟଣ ତ୍ରିପାଠୀ, ରାଜ୍ୟ ସଂପାଦକ ସରୋଜ କର, ପୂର୍ବତନ ସାଂସଦ ବଳଭଦ୍ର ମାଝୀ, ନବରଙ୍ଗପୁର ଜିଲ୍ଲା ସଭାପତି ଜଗଦିଶ ବିଶୋୟୀ ପ୍ରମୁଖ ଉପସ୍ଥିତ ଥିଲେ ।
ରାଜ୍ୟ ସଭାପତି ମନମୋହନ ସାମଲ ନବରଙ୍ଗପୁର ଜିଲ୍ଲାର ଡାବୁଗାଁ ନିର୍ବାଚନ ମଣ୍ଡଳୀ ପାପଡାହାଣ୍ଡି ବ୍ଲକର ଶହୀଦ୍ ମିନାରଠାରେ ପୁଷ୍ପମାଲ୍ୟ ଅର୍ପଣ କରି “ମୋ ମାଟି, ମୋ ଦେଶ,” କାର୍ଯ୍ୟକ୍ରମ ଅନ୍ତର୍ଗତ ମାଟି ସଂଗ୍ରହ କରିଥିଲେ । ସେହିପରି ଉମରକୋର୍ଟ ନିର୍ବାଚନ ମଣ୍ଡଳୀରେ ମା’କାଳୀଙ୍କୁ ଦର୍ଶନ କରିଥିଲେ । ବଡଭରାଣ୍ଡିସ୍ଥିତ ମହିମା ଅଲେଖ ମଠକୁ ଯାଇ ଦର୍ଶନ କରିବା ସହିତ “ମୋ ମାଟି, ମୋ ଦେଶ” କାର୍ଯ୍ୟକ୍ରମ ଅନ୍ତର୍ଗତ ମାଟି ସଂଗ୍ରହ କରିଥିଲେ ଏବଂ ଶହୀଦ ବଗା ପୁଜାରୀଙ୍କ ପରିବାରକୁ ସମ୍ବର୍ଦ୍ଧିତ କରିଥିଲେ । ଏହା ପରେ ରାଜ୍ୟ ସଭାପତି ଶ୍ରୀ ସାମଲ ପୃଥକ ପୃଥକ ଭାବେ ଉମରକୋଟ ଏବଂ ଡାବୁଗାଁ ନିର୍ବାଚନମଣ୍ଡଳୀ କାର୍ଯ୍ୟକର୍ତା ବୈଠକରେ ଯୋଗ ଦେଇ ଦଳୀୟ କାର୍ଯ୍ୟ ପ୍ରସଙ୍ଗରେ ଆଲୋଚନା କରିଥିଲେ । ନବରଙ୍ଗପୁର ଜିଲ୍ଲା ଗସ୍ତ ଅବସରରେ ରାଜ୍ୟ ସଭାପତି ଶ୍ରୀ ସାମଲଙ୍କୁ ବିଭିନ୍ନ ସ୍ଥାନରେ ବିପୁଳ ସ୍ୱାଗତ ଓ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ।