ଭୁବନେଶ୍ୱର:ବିଧାନସଭାରେ ବିଜେପିର ମନମାନି ଓ ଗଣତନ୍ତ୍ରକୁ ହତ୍ୟା ବିରୋଧରେ ଗର୍ଜିଲା କଂଗ୍ରେସ। କଂଗ୍ରେସ ଭବନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଦଳୀୟ ବିଧାୟକ ମାନେ ବିଜେପିକୁ କଲେ ଟାର୍ଗେଟ। ଦୀର୍ଘ ଦିନ ହେଲା ବିଧାନସଭା ଭିତରେ ନାରୀ ସୁରକ୍ଷା, ଛାତ୍ରୀ ନିର୍ଯାତନା ବିରୋଧରେ କଥା ଉଥାଉଛି କଂଗ୍ରେସ। ଝିଅ, ମା, ଭଉଣୀ ୯ ମାସର ସରକାର ସମୟରେ ପ୍ରତିଦିନ ନିର୍ଯ୍ୟାତିତ। ଆଇନଶୃଙ୍ଖଳା ବିପର୍ଯ୍ୟସ୍ତ। ତାରା ବାହିନୀପତିଙ୍କୁ ଅନ୍ୟାୟ ଭାବେ ସସପେଣ୍ଡ କରାଗଲା। ସାତ ଦିନ ହେଲାଣି। ଓଡ଼ିଶାର ସ୍ୱାର୍ଥ ପାଇଁ ଯେଉଁ ସଦସ୍ୟ ମାନେ ଗୃହରେ ସ୍ୱର ଉଠାଉଛନ୍ତି ତାଙ୍କୁ ଶାସ୍ତି ଦିଆଯାଉଛି। ଶାସକ ଦଳର ଦାୟିତ୍ୱ ବିରୋଧୀଙ୍କୁ ସାଙ୍ଗରେ ନେଇ ଗୃହ ସୁପରିଚାଳନା କରିବା କଥା। ତୁରନ୍ତ ସର୍ବଦଳୀୟ ବୈଠକ ଡାକନ୍ତୁ ଓ ଗୃହ କମିଟି ଗଠନ କରନ୍ତୁ। ୯ ମାସରେ ନିର୍ଯ୍ୟାତନା ବଢିଛି ବ୍ୟାପକ ଭାବେ। ଆଦିବାସୀ, ଦଳିତ, ଓବିସି ମା ମହିଳା ସବୁ ଅସୁରକ୍ଷିତ। ଗୃହ କମିଟି ନ ହେବା ଯାଏ ଜାରି ରହିବ ବିରୋଧ। ସରକାର ମୁକ ବଧିର। ଶାସନ ଅନ୍ଧ। ରାଜଧାନୀରେ ହୋଲିରେ ମର୍ଡର। ସାରା ରାଜ୍ୟର ଲୋକେ ଅସୁରକ୍ଷିତ। ବିଧାନସଭା ରେ ତିନି ଦିନ ହେଲାଣି ଦାବି ହେଉଛି କିନ୍ତୁ ବିଧାନସଭାରେ ବିରୋଧୀଙ୍କ ଏହି କଥା ପ୍ରସାରଣ ହେଉନି। ଗଣତନ୍ତ୍ରକୁ ହତ୍ୟା ପାଇଁ ଡବଲ ଇଂଜିନ ସରକାରର ଏହା ଷଡଯନ୍ତ୍ର। ଶାସକ ଦଳର ଯେତିକି ଅଧିକାର ବିରୋଧୀ ମାନଙ୍କର ସେତିକି ଅଧିକାର। ସରକାର ଯେତେବେଳେ ସ୍ବେଚ୍ଛାଚାରୀ ହୋଇଯିବ। ତାହେଲେ ଲଢେଇ ପାଇଁ କେବେ ପଛଘୁଞ୍ଚା ଦେବ ନାହିଁ। ଆଗାମୀ ୨୭ ତାରିଖରେ ବିଧାନସଭା ଘେରାଉ ହେବ।