ଖୁବ୍ ଶୀଘ୍ର ସରିବ ଏକାମ୍ର ପ୍ରକଳ୍ପ – ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା

ଭୁବନେଶ୍ୱର:ମହାପ୍ରଭୁ ଶ୍ରୀ ଲିଙ୍ଗରାଜଙ୍କ କ୍ଷେତ୍ରକୁ ନେଇ ଏକାମ୍ର ନିର୍ବାଚନ ମଣ୍ଡଳୀ ନାମକରଣ ହୋଇଛି । ଏହି ଅଞ୍ଚଳର ଉନ୍ନତିକରଣ ପାଇଁ ମୁଁ ସଦାସର୍ବଦା ଅହରହ ପ୍ରଚେଷ୍ଠା କରିଆସିଛି ଏବଂ ଲିଙ୍ଗରାଜ ପ୍ରକଳ୍ପ କିପରି ଖୁବ୍ ଶୀଘ୍ର ତ୍ଵରାନ୍ନିତ ହେବ ସେଥିପ୍ରତି ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ଧ୍ୟାନ ଦେଇଛନ୍ତି ବୋଲି ନିର୍ବାଚନ ପ୍ରଚାର ସମୟରେ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା କହିଛନ୍ତି । ଆଜି ଏକାମ୍ର ନିର୍ବାଚନୀ ମଣ୍ଡଳୀର ଲିଙ୍ଗିପୁର ଗ୍ରାମ ପଞ୍ଚାୟତରେ ଏକ ବିଶାଳ ଶୋଭାଯାତ୍ରା ଆୟୋଜନ ହୋଇଥିଲା । ଗଙ୍ଗୋତ୍ରୀନଗର ଠାରୁ ଆରମ୍ଭ ହୋଇଥିବା ଏହି ବିଶାଳ ରାଲିରେ ଲିଙ୍ଗିପୁର ଗ୍ରାମ, ଇନ୍ଦିରା କଲୋନୀ, ରଘୁନାଥପୁର, ନାଥପୁର, ଜଗନ୍ନାଥପୁର ବିହାର, ମାରୁତି ବିହାର, ନାଥପୁର ଗ୍ରାମ ପ୍ରଭୁତି ଅଞ୍ଚଳ ସମୟରେ ଅଞ୍ଚଳବାସୀ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ । ସେହିଭଳି ଅପରାହ୍ନରେ ୱାର୍ଡ ନଂ.୫୫ ର ନାଗେଶ୍ଵର ମନ୍ଦିର ଠାରୁ ଆରମ୍ଭ ହୋଇଥିବା ଶୋଭାଯାତ୍ରା ନାଗେଶ୍ଵରଟାଙ୍ଗୀ, ବିବେକାନନ୍ଦ ମାର୍ଗ, ଗୌତମନଗର ଅଞ୍ଚଳ ପରିକ୍ରମା କରି ଏକ ସାଧାରଣ ସଭାରେ ଉଦବୋଧନ ଦେଇଥିଲେ । ସନ୍ଧ୍ୟାରେ ୱାର୍ଡ ନଂ.୫୭ ବଡଗଡ ବ୍ରିଟ କଲୋନୀରୁ ପାଣ୍ଡବ ନଗର ପ୍ରଭୁତି ଅଞ୍ଚଳ ରେ ଶ୍ରୀ ପଣ୍ଡା ଜନସାଧାରଣଙ୍କୁ ଭୋଟ ଭିକ୍ଷା କରିଥିଲେ । ଏହି କାର୍ଯ୍ୟକ୍ରମରେ ମେୟର ସୁଲୋଚନା ଦାସ, କର୍ପୋରେଟର ନୃପେଶ ନାୟକ, ସନ୍ତୋଷ ସିଂହ, ସରପଞ୍ଚ କ୍ଷୀରୋଦ ପ୍ରଧାନ, ସମିତି ସଭ୍ୟ ପ୍ରକାଶ ସାହୁ, ବିନୋଦ ରାଉତ, ପୂର୍ବତନ କର୍ପୋରେଟର ଅଶୋକ ସିଂହ, ଯୁବ ନେତା ପୂର୍ଣ୍ଣେନ୍ଦୁ ପୂଜାପଣ୍ଡା, ଛାତ୍ର ନେତା ଶିବ ପ୍ରସାଦ ମହାପାତ୍ର ପ୍ରମୁଖ ଉପସ୍ଥିତ ଥିଲେ ।