*48 ଘଣ୍ଟା ହେଲା ଡିବେଟ ପାଇଁ କୌଣସି ଉତ୍ତର ଦେଲେନି ମୁଖ୍ୟମନ୍ତ୍ରୀ*

*48 ଘଣ୍ଟା ହେଲା ଜବାବ ଦେଲେନି ମୁଖ୍ୟମନ୍ତ୍ରୀ

*ନିର୍ବାଚନ ପରେ ମଧ୍ୟ ଡିବେଟ ପାଇଁ ମୁଁ ପ୍ରସ୍ତୁତ

*ଡରୁଛନ୍ତି 24 ବର୍ଷର ଲୋକପ୍ରିୟ ମୁଖ୍ୟମନ୍ତ୍ରୀ

ଭୁବନେଶ୍ବର : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାଂସଦ ଅପରାଜିତା ଷଡ଼ଙ୍ଗୀ କିଛି କରିନଥିବା ମନ୍ତବ୍ୟ ଉପରେ ମୁହଁ ଖୋଲିଛନ୍ତି ସାଂସଦ ଅପରାଜିତା। ସେ କହିଛନ୍ତି ମୁଁ ଲିଙ୍ଗରାଜ ବାଇ ଲୋ ବିରୋଧ କରିଛି, ସଂସଦୀୟ କ୍ଷେତ୍ର ପାଇଁ କିଛି କରିନି କହିବାକୁ ମୁଖ୍ୟମନ୍ତ୍ରୀଙ୍କୁ ଅନେକ ଟେକ୍ ନେବାକୁ ପଡିଥିବ। ଜଣେ 24 ବର୍ଷର ଲୋକପ୍ରିୟ ମୁଖ୍ୟମନ୍ତ୍ରୀ ମୋ ପରି ଜଣେ ସାଧାରଣ ଏକ ଥରର ଏମପି ଙ୍କ ବିରୋଧରେ କହିବା ହାସ୍ୟାସ୍ପଦ। ମୋତେ କଷ୍ଟ ହେଉନାହିଁ ମୁଁ ଏଥିରେ ମର୍ମାହତ। ମୁଁ ଲିଙ୍ଗରାଜ ବାଇ ଲୋ ବିରୋଧ କରିଛି ବୋଲି କିଛି ପ୍ରମାଣ ଅଛି କି ବୋଲି ପୁଣିଥରେ ଦୋହରାଇଛନ୍ତି ସେ। ନବୀନ୍ ବାବୁ ଲିଖିତ କାଗଜ ପଢିବା ଆଗରୁ ବୁଝିବା ଦରକାର। ମିଛ କହିବା ଠିକ୍ ନୁହଁ । ସେ ତାଙ୍କର 5 ବର୍ଷର ରିପୋର୍ଟ କାର୍ଡ ଦେଖାଇ କହିଛନ୍ତି, ମୁଁ ପ୍ରତିବର୍ଷ ମୋର ରିପୋର୍ଟ କାର୍ଡ ପ୍ରସ୍ତୁତ କରୁଛି ଓ ଲୋକ ଙ୍କୁ ଦେଉଛି। ବିଜେଡିର 12 ସାଂସଦ ଙ୍କ ମଧ୍ୟରୁ କେହି ରିପୋର୍ଟ କାର୍ଡ ଦେଉଛନ୍ତି କି? ଯଦି ଦେଇଛନ୍ତି ତେବେ ତାହା ପବ୍ଲିକ୍ ଡୋମେନ୍ ରେ ରଖାଯାଉ। ମୁଁ ମୁଖ୍ୟମନ୍ତ୍ରୀ ଙ୍କୁ ଡିବେଟ ପାଇଁ ଅନୁରୋଧ କରିଥିଲି ଯାହାକୁ 48 ଘଣ୍ଟା ବିତିଗଲେ ସୁଦ୍ଧା କୌଣସି ଉତ୍ତର ପାଇଲି ନାହିଁ। ତାଙ୍କ ପସନ୍ଦ ଅନୁଯାୟୀ ସ୍ଥାନ ଓ ସମୟ କୁହନ୍ତୁ ମୁଁ ଆସିଯିବି। ଏବେ ତ ଆଉ ସମୟ ନାହିଁ ନିର୍ବାଚନ ପରେ ହେଲେ ବି ମୁଁ ଡିବେଟ ପାଇଁ ପ୍ରସ୍ଥୁତ ଅଛି। ଏହା ସହ cm କାର୍ଯ୍ୟାଳୟ କୁ ପଠାଇଥିବା ଚିଠି ଦେଖାଇ କୌଣସି ଉତ୍ତର କାହିଁକି ଆସିନାହିଁ ବୋଲି ମଧ୍ୟ ସେ ପ୍ରଶ୍ନ କରିଛନ୍ତି।